Advertisement
 
 
 
 
 
 
 
 

Politiki | Mu Mahanga

USA: Donald Trump na Bill Clinton bateranye amagambo   

  Yanditswe na IMVAHO NSHYA
 2 months ago

 
 

Perezida mushya wa Leta Zunze Ubumwe za Amerika, Donald Trump na Bill Clinton nawe wahoze ayoboye icyo gihugu bateranye amagambo buri umwe abwira undi ko ari umuswa.

Byatangiye ubwo Bill Clinton mu kiganiro n’ikinyamakuru The Record Review yavuze ko Donald Trump ntacyo yiyiziye uretse kwirakaza kugira ngo abazungu bamutore.

Yagize ati “Nta bintu byinshi azi uretse ko afite ukuntu arakara kugira ngo abazungu bamutore.”

Clinton yongeyeho ko ubwo Trump yari akimara gutorwa, yamuhamagaye yishimimye cyane nko mu 2001 ubwo yari akiri inshuti y’umuryango w’aba Clintons.

PNG - 1016.1 kb
USA: Donald Trump na Bill Clinton bateranye amagambo

Bill Clinton yanasobanuye ko asanga umugore we Hillary Clinton yaratsinzwe kubera Trump, FBI n’Abarusiya bamwinjiriye bagashyira ku karubanda ubutumwa bwe (E-mails).

Ati “Yararwanye ntako atagize, imbogamizi zari nyinshi ariko agahebuzo biba biriya bintu byakozwe na FBI n’Abarusiya. Ariko ntibyamubujije gutorwa na miliyoni 2.8.”

Trump asanga Bill Clinton amubeshyera

Abinyujije kuri Twitter, Donald Trump yatangiye aserereza Hillary Clinton kuba ataratowe n’Inteko itora muri Leta zikomeye nka Pennsylvania na Florida.

Ati “ Ni gute abantu bari bafite ingengo y’imari nyinshi kuriya batsindwa muri Leta zikomeye? Bibanze kuri Leta zidafite icyo zivuze.”

Yongeye ati “ Bill Clinton yavuze ko namuhamagaye nyuma y’amatora. Yabeshye, niwe wampamagaye (anshimira mu magambo meza ko natsinze). Niwe muswa.”

Guterana amagambo hagati y’abaperezida bashya n’abahoze ari abaperezida ba USA ntibikunze kubaho. Perezida Barack Obama ubwo yari amaze gutsinda we yashimye uwo asimbuye George W. Bush ko yayoboye neza, naho Clinton yari afitanye ubucuti n’uwo yasimbuye George H.W Bush.

 

Comments

 
 
USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

USA: Urukuta rwa Trump, ruzatwara miliyari 21 $, ruzubakwa mu myaka itatu
USA: Urukuta rwa Trump, ruzatwara miliyari 21 $, ruzubakwa mu myaka itatu

Urukuta Perezida wa Leta Zunza z’Ubumwe za Amerika, Donald Trump ateganya kubaka ku mupaka w’icyo gihugu na Mexico ruzatwara miliyari 21.6 z’amadorali naho imirimo yo kurwubaka ibe mu gihe cy’imyaka (...)

Somalia: Abadepite batoreye Perezida mushya ‘Farmajo’mu bubiko bw’indege
Somalia: Abadepite batoreye Perezida mushya ‘Farmajo’mu bubiko bw’indege

Abagize inteko ishinga amategeko ya Somalia batoreye Mohamed Abdullahi Farmajo kuba Perezida wa Somalia ku wa Gatatu ku ya 8 Gashyantare 2017. Ni amatora yabereye mu bubiko bw’indege bw’ikibuga (...)

Perezida wa Guinea, Alpha Conde ni we muyobozi mushya wa AU
Perezida wa Guinea, Alpha Conde ni we muyobozi mushya wa AU

Perezida wa Guinea Conakry yasimbuye Idriss Deby Itno wa Tchad ku buyobozi bw’Umuryango w’Ubumwe bwa Afurika, AU, mu muhango wabereye ku cyicaro cya AU, i Addis Ababa muri Ethiopia kuri uyu wa 30 (...)

Mexico yanze kwishyura urukuta Trump agiye kubaka ku mupaka wayo na USA
Mexico yanze kwishyura urukuta Trump agiye kubaka ku mupaka wayo na USA

Perezida Donald Trump, ejo hashize yasinye itegeko ryo gutangira kubaka urukuta ku mupaka wa Leta Zunze Ubumwe za Amerika na Mexico rwo gukumira abimukira badafite ibyangombwa no gukaza umutekano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.