Advertisement
 
 
 
 
 
 
 
 

Politiki | Mu Mahanga

Trump yahakanye ko ateganya guhura na Perezida Sassou Nguesso   

  Yanditswe na IMVAHO NSHYA
 1 month ago

 
 

Umuvugizi wa perezida uherutse gutorwa muri Leta Zunze Ubumwe za Amerika, Donald Trump yahakanye ko ateganya guhura na Perezida wa Congo Brazaville, Denis Sassou Nguesso.

Perezidansi ya Congo ku wa Mbere ku ya 26 Ukuboza, yari yatangaje ko Donald Trump ashaka guhura na mugenzi we Nguesso mu minsi ya vuba.

Inyandiko yashyizweho umukono na Minisitiri ushinzwe Itumanaho wa Congo, Thierry Moungalla ivuga ko bari kuzahura imbonankubone mu mujyi wa New York.
Ryasobanuraga ko Denis Sassou Nguesso azakirwa na Donald Trump nka Perezida wa Komite Nkuru y’Umuryango w’Ubumwe bwa Afurika kuri Libya, bakaganira ku buryo bwo kuvana icyo gihugu mu bihe bibi kimazemo igihe, no ku bindi bibazo birebana n’umugabane wa Afurika.

JPEG - 32 kb
Sassou Nguesso ntagihuye na Donald Trump vuba aha

Sassou Nguesso yari kuba ari we Mukuru w’Igihugu cya Afurika wa mbere uhuye na Donald Trump kuva yatorwa mu Gushyingo.

Abagize itsinda rya Donald Trump bavuze ko nta muperezida azakira mbere yo ku wa 20 Mutarama ubwo azarahirira kuyobora USA.

Guverinoma ya Congo ariko yo iracyatsimbaraye ko aba bakuru b’ibihugu bazahura dore ko ngo n’imyiteguro igeze kure.

Minisitiri w’Ububanyi n’Amahanga wa Congo, Jean-Claude Gakosso yabwiye RFI ko bakomeje kwitegura ko Nguesso ahurira na Trump mu mujyi wa Miami ariko ntiyatanga amakuru arambuye.

 

Comments

 
 
USA: Urukuta rwa Trump, ruzatwara miliyari 21 $, ruzubakwa mu myaka itatu
USA: Urukuta rwa Trump, ruzatwara miliyari 21 $, ruzubakwa mu myaka itatu

Urukuta Perezida wa Leta Zunza z’Ubumwe za Amerika, Donald Trump ateganya kubaka ku mupaka w’icyo gihugu na Mexico ruzatwara miliyari 21.6 z’amadorali naho imirimo yo kurwubaka ibe mu gihe cy’imyaka (...)

Somalia: Abadepite batoreye Perezida mushya ‘Farmajo’mu bubiko bw’indege
Somalia: Abadepite batoreye Perezida mushya ‘Farmajo’mu bubiko bw’indege

Abagize inteko ishinga amategeko ya Somalia batoreye Mohamed Abdullahi Farmajo kuba Perezida wa Somalia ku wa Gatatu ku ya 8 Gashyantare 2017. Ni amatora yabereye mu bubiko bw’indege bw’ikibuga (...)

Perezida wa Guinea, Alpha Conde ni we muyobozi mushya wa AU
Perezida wa Guinea, Alpha Conde ni we muyobozi mushya wa AU

Perezida wa Guinea Conakry yasimbuye Idriss Deby Itno wa Tchad ku buyobozi bw’Umuryango w’Ubumwe bwa Afurika, AU, mu muhango wabereye ku cyicaro cya AU, i Addis Ababa muri Ethiopia kuri uyu wa 30 (...)

Mexico yanze kwishyura urukuta Trump agiye kubaka ku mupaka wayo na USA
Mexico yanze kwishyura urukuta Trump agiye kubaka ku mupaka wayo na USA

Perezida Donald Trump, ejo hashize yasinye itegeko ryo gutangira kubaka urukuta ku mupaka wa Leta Zunze Ubumwe za Amerika na Mexico rwo gukumira abimukira badafite ibyangombwa no gukaza umutekano (...)

Irahira rya Donald Trump ni ryo rihenze kurusha ayandi mu mateka ya USA
Irahira rya Donald Trump ni ryo rihenze kurusha ayandi mu mateka ya USA

Ibirori by’irahira rya Donald Trump ni byo byambere bihenze mu mateka ya USA Donald Trump ararahirira kuyobora Leta Zunze Ubumwe za Amerika kuri uyu wa 20 Mutarama 2017, mu birori birabera mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.