2017-08-18 19:28:21 clouds 27o High | Kigali Rwanda

Dukurikire:
 
 

Malawi yatangiye iperereza ku bakekwaho Jenoside 36 bari ku butaka bwayo

Yanditswe na IMVAHO NSHYA

Kuya 2016-12-23 07:11:09

 
Share on:
 
Yasuwe:403
 
Yavuzweho:200
 
10
 
10

Leta ya Malawi yatangaje ko iri gukora iperereza no gukurikirana Abanyarwanda bakekwaho uruhare muri Jenoside yakorewe Abatutsi mu 1994 bari ku butaka bwayo.

Kugeza ubu uwafashwe ni umucuruzi Vincent Murekezi, wahungiye muri Malawi amaze guhamwa n’icyaha cya Jenoside mu nkiko Gacaca.

Murekezi, ufungiwe muri gereza ya Maula mu mujyi wa Lilongwe; azabanza aburanishwe ku byaha bitandukanye birimo ruswa no gukwepa imisoro, hanyuma Leta z’ibihugu byombi zige ku buryo yakoherezwa kuburanira mu Rwanda.

Yari amaze imyaka 20 ahungira mu bihugu bitandukanye akoresheje pasiporo y’impimbano n’amazina atandukanye.

JPEG - 217.6 kb
Chisamile (hagati) avuga ko batangiye iperereza ku bakoze Jenoside bihishe muri Malawi

Benshi mu bakoze Jenoside baburanishirijwe mu Rwanda bahabwa ubutabera, ariko abandi nabo benshi kandi bishoboye bacikira mu bihugu bitandukanye biyise impunzi. U Rwanda ruvuga ko muri Malawi hari 36.

Ubushinjacyaha bw’u Rwanda bwasabye ko bafatwa bakoherezwa mu gihugu. Mu cyumweru gishize , abaharanira uburenganzira bwa muntu barimo uwitwa Billy Mayaya batangiye kotsa igitutu Leta ya Malawi ngo itangire ikurikirane abakekwaho Jenoside.

Umunyamabanga wa Leta Ushinzwe umutekano w’imbere muri Malawi, Beston Chisamile, yabwiye Capital FM dukesha iyi nkuru ko guverinoma yatangiye gukora iperereza mu Banyarwanda bari muri icyo gihugu ngo barebe umubare w’abakekwaho Jenoside uko ungana.

Ati “Kuri ubu nta bintu byinshi natangaza gusa twatangiye iperereza kuri iyi ngingo ikizavamo tuzakibamenyesha.”

Igihugu cya Malawi kivugwaho gucumbikira Abanyarwanda benshi bakekwaho Jenoside, bakinjiyemo banyuze ku mipaka yacyo idacunzwe neza no ku bayobozi na polisi bamunzwe na ruswa.

Mu mwaka wa 2015 wonyine, ubushinjacyaha bw’u Rwanda bwohereje inyandiko zitanga ibirego 24 muri Malawi.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE