2017-05-29 16:23:30 clouds 27o High | Kigali Rwanda

Dukurikire:
 
 

Hillary, Bill Clinton na Bush mu bazitabira irahira rya Donald Trump

Yanditswe na IMVAHO NSHYA

Kuya 2017-01-04 10:59:11

 
Share on:
 
Yasuwe:34
 
Yavuzweho:200
 
10
 
10

Bill Clinton n’umufasha we Hillary bamaze gutangaza ko bazitabira umuhango w’irahira rya Perezida mushya wa Leta Zunze Ubumwe za Amerika, Donald Trump, watowe bari bahanganye bikomeye.

Umuryango wa ba Clintons utangaje ko uzitabira ibyo birori nyuma ya George W. Bush wahoze ari perezida w’icyo gihugu n’umufasha we Laura bo babishimangiye ku wa Kabiri.

Mu itangazo umuryango wa Bush washyize ahagaragara wagize ati “ Twishimiye kuba abahamya b’ihererekanyabubasha ribaye mu mahoro, ryabaye ikimenyetso cya demokarasi muri USA, n’irahira rya Perezida Donald Trump na Visi-Perezida Pence.”

JPEG - 54.3 kb
Umuryango wa ba Clintons uzitabira irahira rya Trump

Ni ibisanzwe ko abahoze ari ba perezida bitabira umuhango wa perezida mushya, ariko ababikurikiranira hafi bagaragazaga impungenge z’uko Bill na Hillary Clinton batazitabira irahira rya Trump kubera ihangana rikomeye n’umwuka mubi wagaragaye hagati yabo mu bikorwa by’amatora biheruka

The Guardian ivuga ko kuva Hillary yatsindwa mu Gushyingo yagiye yirinda kujya ahagaragara.

Bush nawe ntiyari afitanye umubano mwiza na Trump kuko yahanganye na murumuna we Jeb Bush mu kwiyamamariza guhagararira ishyaka ry’Abarepubulikani.

George Bush n’umufasha we Laura batangaje ko batatoye Trump ariko ntibyababuza kumuhamagara bamushimira nyuma y’intsinzi.

Jimmy Carter nawe wahoze ayoboye USA, n’umufasha we Rosalynn nabo baherutse kwemeza ko bazitabira irahira ry’uyu muherwe wa mbere ugiye kuyobora icyo gihugu. Naho George HW Bush, ise wa George W. Bush (junior) ntazitabira uwo kubera izabukuru.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE