2017-07-20 15:18:59 clouds 27o High | Kigali Rwanda

Dukurikire:
 
 

Donald Trump asanga Loni ntacyo imaze

Yanditswe na IMVAHO NSHYA

Kuya 2016-12-27 12:22:04

 
Share on:
 
Yasuwe:70
 
Yavuzweho:200
 
10
 
10

Perezida watowe muri Leta Zunze Ubumwe za Amerika, Donald Trump yahamije ko Loni ntacyo imaze, ikaba imeze nk’akabari abantu bagiriramo ibihe byiza.

Ni ubutumwa butandukanye uyu muyobozi yacishije ku rubuga rwa Twitter nyuma y’uko Akanama k’Umutekano ka Loni gatoye umwanzuro wo kwamagana Isiraheli ikomeje kubaka ku butaka bwa Palestine.

Yagize ati “ Loni yahoranye ingufu ariko kuri ubu imeze nk’akabari abantu bahuriramo bakaganira bakagira ibihe byiza. Birababaje!”

Akanama k’Umutekano kamaze gufata uwo mwanzuro ku wa Gatanu, nabwo Trump yanenze Loni ati “Ni igihombo gikomeye, Loni yatumye bizagora Isiraheli gukora ibiganiro by’amahoro.”

Ati “Isi yari igeze habi mbere y’uko ntsinda amatora … nta kizere cyari gihari. Inyungu ku Isoko yazamutseho 10% abantu batanze amafaranga arenga tiriyari mu kwizihiza Noheli.”

Donald Trump kandi yibasiye Obama, uherutse kuvuga ko iyo yimamamza yari kumutsinda. Yavuze ko yagaruriye ikizere Isi mu gihe Obama byamunaniye ndetse ahamya ko Obama ku buyobozi bwe yakoze amakose menshi agashoza intambara muri Irak, umutwe wa Leta ya Kiyisilamu ukagira ingufu, ndetse n’Abanyamerika bakabura akazi.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE