2017-08-20 07:43:55 clouds 27o High | Kigali Rwanda

Dukurikire:
 
 

USA iriga ku gushoza intambara muri Koreya ya Ruguru

Yanditswe na IMVAHO NSHYA

Kuya 2017-03-03 08:00:30

 
Share on:
 
Yasuwe:1558
 
Yavuzweho:200
 
10
 
10

Leta Zunze Ubumwe za Amerika iri kwiga ku myanzuro yo kubuza Koreya ya Ruguru gukora ibitwaro bya kirimbuzi, irimo no gushoza intambara yeruye mu gihe iki gihugu gikomeje gutsimbarara.

Ikinyamakuru Wall Street Journal kivuga ko Perezida Donald Trump ahamya adashidikanya ko umwanzi wa USA muri iki gihe ari Koreya ya Ruguru, iri gushaka gukora ibisasu bya kirimbuzi rwihishwa.

Iki gihugu giherutse kugerageza igisasu mu Nyanja y’Ubuyapani, ndetse Perezida Kim Jong Un ashinjwa uruhare mu rupfu rwa murumuna we uherutse kugwa muri Malaysia .

PNG - 622.5 kb
Perezida wa Koreya ya Ruguru, Kim Jong Un avugwaho kuyoboza igitugu

Muri Mutarama Trump yatangaje abinyujije kuri Twitter ati “Koreya ya Ruguru yatangaje ko igeze kure ikora igisasu gishobora kugera muri Leta Zunze Ubumwe za Amerika, ntabyo izageraho.”

WSJ ivuga ko hashize ibyumweru bibiri umujyanama wungirije wa Trump mu by’Umutekano, K.T. Mc Farland, aganiriye n’abandi bayobozi bakuru ku buryo barwanya Koreya ya Ruguru, bakemeza ko ubushotoranyi bwayo nibukomeza bazashaka uko bahirika ubutegetsi bwa Kim Jong Un.

Mc Farland yasabye ko ingamba zishoboka zose zifatwa kugira ngo Koreya ya Ruguru idakomeza guteza ibibazo, amahitamo akaba abiri, kuyemera nk’igihugu cyemerewe gutunga ibitwaro bya kirimbuzi cyangwa kugabaho ibitero bya gisirikare.

Impuguke ariko zisanga iyo ntambara yazahita igera ku rwego mpuzamahanga kuko Koreya ya Ruguru ishobora guhita itera iy’Epfo, ndetse n’u Bushinwa bukaba bukekwaho kuba bwashyigikira iya Ruguru.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE