2017-06-27 12:16:32 clouds 27o High | Kigali Rwanda

Dukurikire:
 
 

Loni yongeye gutegeka Congo gukorana na MONUSCO, ikarandura FDLR

Yanditswe na Admin

Kuya 2015-11-10 14:33:07

 
Share on:
 
Yasuwe:32
 
Yavuzweho:200
 
10
 
10

Akanama k’Umutekano ka Loni ku wa mbere kategetse Leta ya Repubulika Iharanira Demokarasi ya Congo gukorana n’ingabo za Loni ziri muri icyo gihugu, MONUSCO, ikavana mu nzira ikibazo cy’umutwe wa FDLR.

Mu itangazo ako kanama kashyize ahagaragara ku wa Mbere, kashimangiye ko ari ngombwa cyane kurandura imitwe yitwaje intwaro ikorera muri Congo, cyane cyane FDLR, ADF, FRPI na LRA .

Ibihugu bigize ako kanama byagaragaje ko bibabajwe no kuba ingabo za Congo zaranze ubufasha bw’umutwe muto wo kurwanya inyeshyamba wa MONUSCO (Intervention Brigade).

Byasabye Leta ya Congo gukorana bya hafi na MONUSCO mu maguru mashya bikongera kugaba ibitero kuri FDLR n’indi mitwe.

Mu kwezi gushize intumwa yihariye y’Umunyamabanga mukuru wa Loni muri Congo icyuye igihe, Martin Kobler, yabwiye ako kanama ko hakenewe uruhushya rwa Perezida Kabila rwo gusubukura ibitero bya MONUSCO n’ingabo za Congo kuri FDLR.

MONUSCO ifite ingabo zibarirwa mu 20 000 zifite inshingano zo kurinda abasivili no kurandura imitwe yitwaje intwaro.

Abasesenguzi basanga uwo mutwe usa nk’aho ntacyo umaze kuko imitwe yitwaje intwaro ikomeje kwidegembya no guhohotera abaturage uko bwije n’uko bukeye.
Umutwe wa FDLR urimo n’abasize bakoze Jenoside, umaze imyaka isaga 20 mu Burasirazuba bwa Congo, aho ushinjwa guhohotera abaturage.

Hashize igihe ingabo za Congo zivuga ko ziwugabaho ibitero ariko Loni yemeza ko nta na kimwe ingabo za Congo zakoze ngo zihungabanye FDLR.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE