21°C , Partly cloudy | Kigali-Rwanda
CP Jean Bosco Kabera wayoboraga ishuri rya polisi rya Gishari

Polisi y’u Rwanda yabonye umuvugizi mushya, Badege ari he?

Yanditswe na Imvaho Nshya

Ku ya 29-10-2018 saa 19:20:03

CP Jean Bosco Kabera ni we muvugizi mushya wa Polisi y’u Rwanda.

Itangazo rya Polisi riravuga ko CP Kabera yanagizwe komiseri ushinzwe itangazamakuru muri Polisi.

Ubusanzwe yari ashinzwe ishami ry’ibikoresho (Logistics) muri Polisi.

Mbere yaho yayoboraga ishuri rya Polisi rya Gishari riri mu Karere ka Rwamagana.

Asimbuye kuri uwo mwanya CP Theos Badege uherutse guhabwa umwanya w’ubuyobozi muri Polisi Mpuzamahanga (Interpol).

Amakuru yizewe aravuga ko CP Badege azajya akorera i Lyon mu Bufaransa ku cyicaro gikuru cya Interpol.

CP Badege yari Umuvugizi wa Polisi kuva mu Kwakira 2016, mbere yaho akaba yari akuriye Urwego rw’Ubugenzacyaha  rwitwaga CID.

Icyo gihe yari asubiye ku mwanya yari yaravuyeho mu myaka itatu yabanje (2013) ubwo yashingwaga kuyobora ubugenzacyaha.

CP Theos Badege yahawe imirimo mu gipolisi mpuzamahanga kizwi nka Interpol

TANGA IGITEKEREZO

Leave a Reply

Your email address will not be published. Required fields are marked *