22°C , Mostly cloudy | Kigali-Rwanda
Umukuru w'Igihugu Paul Kagame (iburyo) akaba anayobora Umuryango wa AU n'amavugurura yawo, ari kumwe na Moussa Faki Mahamat (ibumoso) uyobora Komisiyo ya AU

Perezida Kagame yakiriye umuyobozi wa Komisiyo ya AU

Yanditswe na TWAGIRA WILSON

Ku ya 26-06-2018 saa 06:11:12

Perezida Paul Kagame akaba n’Umuyobozi w’Umuryango w’Afurika Yunze Ubumwe, yakiriye Moussa Faki Mahamat uyobora Komisiyo y’Umuryango w’Ubumwe bw’Afurika, AU.

Umukuru w’Igihugu Paul Kagame (iburyo) akaba anayobora Umuryango wa AU n’amavugurura yawo, ari kumwe na Moussa Faki Mahamat (ibumoso) uyobora Komisiyo ya AU

Umukuru w’Igihugu Paul Kagame yakiriye Moussa Faki Mahamat ejo hashize ku wa 25 Kamena 2018, bagirana ibiganiro. Ibi biganiro kandi byarimo abagize itsinda rishinzwe kumufasha gukora amavugurura mu Muryango wa AU, kuko Perezida Kagame ari we uyayoboye.

Ni inama abayobozi bombi bagiranye mbere y’uko haba Inteko rusange ya 31 ihuza Abakuru b’Ibihugu na za Guverinoma z’ibihugu bya AU, igiye kubera muri Mauritania, aho Perezida Paul Kagame azagira icyo ahavugira ku mavugurura yakozwe muri uwo muryango.

Inama y’Abakuru b’Ibihugu igiye kubera muri Maurtania izaba yigira hamwe uburyo bwo guhashya burundu ruswa ku mugabane w’Afurika nka kimwe mu bibazo bidindiza iterambere ry’uyu mugabane.

Raporo ya Komisiyo y’Umuryango w’Abibumbye ishinzwe ubukungu bw’Afurika  igaragaza ko umugabane w’Afurika utakaza miliyari 148 z’amadolari mu bikorwa byo kwaka no gutanga ruswa, naho miliyari 50 z’amadolari y’Amerika zikagendera mu bikorwa by’ubucuruzi butemewe n’amategeko birebana n’inyereza ry’umutungo.

 

 

TANGA IGITEKEREZO

Leave a Reply

Be the First to Comment!

avatar