22°C , Partly sunny | Kigali-Rwanda

Nyuma y’umunsi wa kabiri, Etincelles FC iyoboye urutonde rwa shampiyona

Yanditswe na Bugingo Fidèle

Ku ya 10-10-2019 saa 08:19:45
Rutahizamu w'ikipe ya Etincelles FC, Mutebi Rachid wayifashije gutsinda Heroes FC bigatuma iyi kipe iyobora urutonde rwa shampiyona

Rayon Sports 2-0 AS Kigali

Bugesera FC 0-1 APR FC

Gasogi United 1-0 Marines FC

Gicumbi FC 0-1 AS Muhanga

Musanze FC 0-0 Police FC

Sunrise FC 0-0 Mukura

Espoir FC 0-1 Kiyovu

Heroes FC 0-3 Etincelles FC

Ikipe ya Etincelles FC  yitwaye neza itsinda Heroes FC ibitego 3-0 mu mukino w’umunsi wa kabiri wa shampiyona  bituma iyobora urutonde  by’agateganyo.

Imikino y’umunsi wa kabiri wa shampiyona ya 2019-2020 yabaye tariki 08 na 09 Ukwakira 2019. Ikipe ya Etincelles FC nyuma yo kwitwara neza ku munsi wa mbere igatsinda  Kiyovu ibitego 2-1, umukino w’umunsi wa kabiri yongeye kwitwara neza itsinda Heroes FC ibitego 3-0.

Uyu mukino wabereye kuri Sitade ya Nyamata, Etincelles FC yatsindiwe na Mutebi Rachid watsinze ibitego 2 na Gikamba Ismaël watsinze igitego cya 3. Gutsinda uyu mukino wa kabiri wikurikiranya, Etincelles FC ibarizwa mu karere ka Rubavu ni iyo iyoboye urutonde rw’agatenyo n’amanota 6.

Mu yindi mikino  ya shampiyona yabaye, ikipe ya Rayon Sports yari yatangiye inganya na Gasogi United yatsinze AS Kigali ibitego 2-0 bya Mugisha Gilbert na  Michael Sarpong.

Ikipe ya Bugesera FC yatsindiwe iwayo na APR FC igitego 1-0 cyatsinzwe na Manishimwe Djabel  mu gihe ikipe ya Gasogi United  yatsinze Marines FC  igitego 1-0 cyatsinzwe na Ndekwe Felix.

Ikipe ya Gicumbi FC yongeye gutsindwa dore ko nyuma yo gutakaza amanota 3 imbere ya Marines FC mu mukino w’umunsi wa mbere, iyi kipe yatsinzwe na AS Muhanga igitego 1-0 mu mukino w’umunsi wa 2 wabereye kuri Sitade Mumena aho iyi kipe izajya yakirira nyuma y’aho Sitade yayo itemewe gukinirwaho.

Kuri Sitade ya Musanze, ikipe ya Musanze FC yanganyije na Police FC 0-0. Musanze FC umukino wa mbere nabwo yari yanganyije na AS Muhanga igitego 1-1 mu gihe Police FC yari yatsinze Sunrise FC ibitego 3-2.

Ikipe ya Sunrise FC nyuma yo gutsindwa na Police FC umukino  wa mbere  yihagazeho mu mukino w’umunsi wa kabiri inganya na Mukura 0-0, umukino wabereye kuri Sitade nshya y’iyi kipe i Nyagatare.

Kiyovu yari yatsinzwe umukino ufungura shampiyona yitwaye neza itsinda Espoir FC igitego 1-0 cyatsinzwe na Ndayisaba Hamidou.

Shampiyona y’ikiciro cya mbere izakomeza mu mpera z’iki cyumweru tariki 11, 12 na 13 Ukwakira 2019.

Kugeza ubu Etincelles FC irayoboye n’amanota 6, ikurikiwe na Rayon Sports n’amanota 4 inganya na APR FC, Police FC, Mukura, AS Muhanga na Gasogi United.

APR FC yitwaye neza itsinda Bugesera FC

Michael Sarpong wafashije Rayon Sports gutsinda AS Kigali

Gasogi United yabonye amanota 3 itsinze Marines FC

Umwanditsi:

Bugingo Fidèle

Tanga Igitekerezo

Email yanyu ntigaragazwa ku rubuga. Amazina na Email ni ngombwa.