22°C , Mostly cloudy with thunderstorms | Kigali-Rwanda
Abakinnyi b'ikipe ya AS Kigali ubwo bishimiraga insinzi ku mukino batsinzemo APR FC

Nyuma y’umunsi wa 19, AS Kigali iyoboye urutonde rwa shampiyona

Yanditswe na BUGINGO FIDELE

Ku ya 04-05-2018 saa 07:13:43

Kirehe FC 1-1 Rayon Sports
Police FC 2-2 Musanze FC
Mukura  0-2 Amagaju FC
Gicumbi 0-1 AS Kigali
Espoir FC 0-0 Marines FC
Etincelles FC 2-1 Sunrise FC
APR FC 3-0 Kiyovu
Bugesera FC 2-0 Miroplast FC

Ikipe ya AS Kigali ni yo iyoboye urutonde rwa shampiyona by’agateganyo nyuma y’imikino y’umunsi wa 19.

Abakinnyi b’ikipe ya AS Kigali ubwo bishimiraga insinzi ku mukino batsinzemo APR FC

Iyi kipe nyuma yo kwitwara neza igatsinda APR FC ibitego 2-0 mu mukino w’umunsi wa 18 yongeye kwitwara neza itsinda Gicumbi FC mu  mukino w’umunsi wa 19 wabaye tariki 2 Gicurasi 2018. AS Kigali yatsinze Gicumbi FC igitego 1-0 cyabonetse ku munota wa 90 w’umukino gitsinzwe na  Mbaraga Jimmy.

Kwitwara neza muri iyi mikino yombi byahesheje iyi kipe itozwa na Nshimiyimana Eric kuyobora urutonde rwa shampiyona n’amanota 38 kandi ikaba igifite umukino w’ikirarane uzayihuza na Rayon Sports.

APR FC yihimuye kuri Kiyovu

Ikipe ya APR FC yitwaye neza itsinda Kiyovu ibitego 3-0 mu mukino w’umunsi wa 19. Ibi bitego byatsinzwe na Nsabimana Aimable, Birimana Issa na Hakizimana Muhadjiri. Iyi kipe ya APR FC ikaba yigaranzuye Kiyovu dore ko mu mukino ubanza wa shampiyona,  Kiyovu yari yatsinze APR FC igitego 1-0.

Mu yindi mikino y’umunsi wa 19 yabaye, ikipe ya Kirehe FC yanganyije na Rayon Sports  igitego  1-1, Police FC yanganyije na Musanze FC ibitego  2-2, Mukura  itsindwa  n’Amagaju FC ibitego 2-0,  Espoir FC  inganya na Marines FC 0-0 naho Etincelles FC  itsinda Sunrise FC  ibitego 2-1.

Nyuma y’imikino y’umunsi wa 19, AS Kigali iyoboye urutonde n’amanota 38 ikaba ifite n’umukino w’ikirarane igakurikirwa na APR FC n’amanota 37 naho Rayon Sports ikaza ku mwanya 3 n’amanota 35 n’umukino w’ikirarane.

Amakipe ari mu myanya ya nyuma ashobora no gusubira mu kiciro cya  kabiri  ni Gicumbi FC iri ku mwanya wa 15 n’amanota 15  naho ku mwanya wa nyuma  wa 16 ni Miroplast FC n’amanota 13.

Nyuma y’umunsi wa 19, Ndarusanze Jean Claude, rutahizamu wa AS Kigali ni we ufite ibitego byinshi 9 akurikiwe na Uwimbabazi Jean Paul ukinira Kirehe FC  umaze gutsinda ibitego 8, ku mwanya wa 3 hari Mutebi Rashid ukinira Mukura umaze gutsinda ibitego 7 anganya na Wayi Yeka ukinira Musanze FC akaba ari ku mwanya wa 4.

 

 

TANGA IGITEKEREZO

Leave a Reply

Be the First to Comment!

avatar