19°C , Partly cloudy | Kigali-Rwanda

Nyanza: RRA yahaye ibitaro bya Gatagara hafi ya miriyoni 10 zo kugura ibikoresho

Yanditswe na Twagira Wilson

Ku ya 10-11-2019 saa 09:12:13
Abafite ubumuga

Ubuyobozi bw’ikigo kita ku bantu bafite ubumuga giherereye i Gatagara mu karere ka Nyanza, burishimira inkunga ikabakaba hafi miriyoni 10 z’amafaranga y’u Rwanda yo kugura ibikoresho byifashishwa mu kugorora ingingo bahawe n’Ikigo k’Igihugu k’Imisoro n’Amahoro, RRA.

Iyo nkunga ibyo bitaro byahawe na RRA izabafasha kurushaho kunoza serivise baha abafite ubumuga bw’ingingo cyane cyane abana kugira ngo bo ubwabo babashe kugira icyo bimarira mu buzima bwabo. Ibyo bitaro bya Gatagara bifite umwihariko wo kuvura indwara z’amagufwa n’ubugororangingo.

Inkunga y’amafaranga y’u Rwanda 9.800.000 RRA yageneye ibyo bitaro izagurwamo ibikoresho byo gufasha mu bugororangingo bw’abafashirizwa muri ibyo bitaro cyane cyane abana mu ishami rizwi nka ‘occupational therapy’ cyangwa se ubuvuzi bufasha abafite ubumuga bw’ingingo kugira imirimo bikorera ubwabo.

Umuyobozi Mukuru wa HVP Gatagara, Furere Kizito Misago, avuga ko ubuvuzi batanga bukenera ibikoresho byinshi ku buryo mu mbogamizi bari bafite harimo iy’ibikoresho bidahagije. Akaba

ashimira Ikigo k’Igihugu k’Imisoro n’Amahoro, RRA kuko amafaranga babahaye azabafasha kugura ibikoresho byo kwita kurushaho ku bafite ikibazo k’ingingo cyane cyane abana, ngo bazabashe kugira icyo bimarira ubwabo.

Komiseri wungirije ushinzwe Intara n’imisoro 0y’Inzego z’ibanze muri RRA, Karasira Ernest, avuga ko mu bikorwa basanzwe bakora buri mwaka byo gutera inkunga Abanyarwanda batishoboye, uyu mwaka batekereje iki kigo cya Gatagara kubera ko umurimo bakora bawugereranya no kongera kurema abantu bushya.

Mu mwaka wa 2017 ni bwo Minisiteri y’Ubuzima yashyize iyari isanzwe ari santere y’ubuvuzi ya Gatagara ku rwego rw’ibitaro bitanga ubuvuzi bwihariye.

Umwanditsi:

Twagira Wilson

Tanga Igitekerezo

Email yanyu ntigaragazwa ku rubuga. Amazina na Email ni ngombwa.