19°C , Partly sunny | Kigali-Rwanda

Niyonzima Haruna agiye kwivuriza mu Buhinde

Yanditswe na BUGINGO FIDELE

Ku ya 11-02-2018 saa 08:20:55

Kapiteni w’ikipe y’igihugu “Amavubi” akaba akina hagati mu ikipe ya Simba SC yo muri Tanzania, Niyonzima Haruna  yagize imvune muri Mutarama 2018 ubu bikaba biteganyijwe ko agomba kujya kubagirwa mu Buhinde  uyu mwaka w’imikino 2017-2018 akaba atazongera kugaragara mu kibuga.

Niyonzima Haruna wagize imvune izatuma atazongera kugaruka mu kibuga muri uyu mwaka w’imikino 2017-2018

Niyonzima Haruna   yagize imvune mu ivi  muri Mutarama 2018  ari nabyo byatumye atitabira imikino ya “Mapinduzi Cup 2018”. Niyonzima akaba aheruka gukina ku mukino w’umunsi wa 9 wa shampiyona muri Tanzania.

Aganira n’Imvaho Nshya, Niyonzima Haruna yatangaje ko mu minsi ya vuga agomba kujya kwivuriza mu Buhinde kandi yizeye ko namara kubagwa azagaruka mu kibuga ameze neza.

Tariki 07 Nzeri 2018, ikipe y’u Rwanda “Amavubi” izakina na Cote d’Ivoire, umukino w’umunsi wa kabiri mu itsinda H mu gushaka itike ya CAN 2019, Niyonzima aha yatangarije Imvaho Nshya ko  yizeye ko azaba ameze neza ku buryo azakina uyu mukino. Ati “Ndizera ko nzaba meze neza, nimva kwivuza ntabwo bizatinda”.

Niyonzima uyu ni umwaka we wa mbere arimo gukina muri Simba SC yagiyemo mu 2017 avuye muri mukeba wayo Yanga Africans yari amazemo imyaka irenga 6. Kuri ubu iyi kipe ya Simba SC iri mu zihabwa amahirwe  yo kwegukana igikombe cya shampiyona dore ko ubu nyuma y’umunsi wa 17 wa shampiyona iyoboye urutonde n’amanota 41  aho mu mikino 14 yatsinzwemo 12 ikanganya 5 ikaba itaratsindwa umukino n’umwe.

Iyi kipe ikurikiwe na Singida United ifite amanota 35, Yanga ku mwanya wa 3 n’amanota 34 na Azam FC ku mwanya wa 4 n’amanota 33.

 

 

TANGA IGITEKEREZO

Leave a Reply

Be the First to Comment!

avatar