21°C , Partly cloudy | Kigali-Rwanda
Nirisalike

Nirisarike yasimbujwe Iragire Saidi mu ikipe y’igihugu

Yanditswe na Bugingo Fidèle

Ku ya 09-11-2018 saa 09:13:23

Nirisarike Salomon myugariro w’ikipe y’igihugu «Amavubi» na AFC Tubize mu kiciro cya kabiri mu Bubiligi ntabwo azagaragara ku mukino w’ikipe y’igihugu y’u Rwanda na Central African Republic kubera ikibazo cy’uburwayi bw’ugutwi.

Tariki 06 Ugushyingo 2018 ni bwo umutoza mukuru yahamagaye abakinnyi 27 barimo na Nirisarike Salomon ngo batangire kwitegura umukino w’umunsi wa 5 mu itsinda H uzahuza u Rwanda na Central African Republic mu gushaka itike ya CAN 2019.

Ishyirahamwe ry’umupira w’amaguru mu Rwanda « FERWAFA » ryatangaje ko nyuma yo kugira ikibazo cy’uburwayi bw’ugutwi, Nirisarike Salmon atakije mu Rwanda.

Nirisarike aganira n’Imvaho Nshya yavuze ko yagize iki kibazo, umuganga akamusaba ko yaba ahagaritse gukora ingendo n’indege kugeza tariki 30 Ugushyingo 2018. Abatoza b’ikipe y’u Rwanda bakaba bahise baha uyu mwanya Iragire Saidi usanzwe ari myugarariro w’ikipe ya Mukura.

TANGA IGITEKEREZO

Leave a Reply

Your email address will not be published. Required fields are marked *