21°C , Intermittent clouds | Kigali-Rwanda
Miss Rwanda 2018 Iradukunda Liliane yambika ikamba umusimbuye, Nimwiza Meghan, mu ijoro ryo kuwa 26 Mutarama 2019

Nimwiza Meghan ni we Miss Rwanda 2019

Yanditswe na Nshimyumukiza Janvier Popote

Ku ya 26-01-2019 saa 22:08:28

Nimwiza Meghan ni we utorewe kuba Nyampinga w’u Rwanda 2019 mu ijoro ryo kuri uyu wa 26 Mutarama 2019. Yinjiye muri iri rushanwa ku itike y’Umujyi wa Kigali.

Miss Rwanda 2019, Nimwiza Meghan

Ahigitse abakobwa bane bari basigaye bahanganiye uyu mwanya, ubwo basigaraga ari batanu nyuma yo gusezererwa kw’abandi icumi kuko uyu munsi batangiye guhatana ari 15.

Mu magambo make nyuma yo kwambikwa ikamba rya Miss Rwanda 2019, Nimwiza yabwiye abafana be ati, “Mwarakoze, nta kintu nabona nababwira uyu munsi, I am full of joy, thank you so much”, ati “nsendereye umunezero, murakoze cyane.”

Abandi bane yari ahatanye na bo ni Uwihirwe Yasipi Casmir (No.21), Gaju Anitha (No.35), Uwase Sangwa Odile (No.16) na Ricca Michaella Kabahenda (No.9).

Igisonga cye cya mbere ni Uwihirwe Yasipi Casmir mu gihe uwatowe nk’igisonga cya kabiri ari Uwase Sangwa Odile.

Mwiseneza Josiane wari ufite abafana benshi, atahanye ikamba ry’umukobwa wamamaye cyane, Miss Popularity.

Umwe mu bagize akanama nkemurampaka, Rusaro Carine, yasobanuye ko mu gutanga amanota kuri uyu munsi harebwe ku bintu “bitatu bikomeye”.

Yagize ati, “Ntabwo kari akazi koroshye na gatoya, twagendeye uko batuje imbere, uko batwigaragarije, bwa bwiza n’uburanga buri wese mu ba judges yagiye atanga amanota kuri icyo, ikindi uko badusubije, iri ni irushanwa, hari ugira igihunga, undi afite self-confidence (kwigirira icyizere), ibyo tubiha amanota, n’ibisubizo ubwabyo (content), ibyo ni kuri Miss n’ibisonga bye.

Kuri Miss Popularity ho, yagize ati, “Twarebye uwakunzwe cyane uwamenyekanye cyane, twagiye dutora mu buryo butandukanye, buri wese yari afite abafana bitanga mu kugutora.”

Miss Rwanda 2019 azajya ahabwa umushahara wa buri kwezi w’ibihumbi 800 igihe cyose acyambaye ikamba, umushahara azajya awuhabwa na Cogebanque ahita yamamariza (brand ambassador). Aranahabwa imodoka yo mu bwoko bwa Suzuki.

Miss Rwanda 2018 Iradukunda Liliane yambika ikamba umusimbuye, Nimwiza Meghan

Sangwa Odile yabaye igisonga cya kabiri. Dore uko byari byifashe mu mafoto.

Dj Ira yasusurukije abitabiriye iki gikorwa, avangavanga imiziki

TANGA IGITEKEREZO

4 Comments on “Nimwiza Meghan ni we Miss Rwanda 2019”

Leave a Reply

Your email address will not be published. Required fields are marked *