22°C , Partly sunny | Kigali-Rwanda

Nicki Minaj agiye guhagarika umuziki kugira ngo yubake urugo

Yanditswe na Gisubizo Gentil

Ku ya 07-10-2019 saa 15:25:35
Nicki Minaj na Ketty mu munyenga w'urukundo

Umuhanzikazi w’icyamamare Onika Tanya Maraj, uzwi cyane ku izina rya Nicki Minaj mu muziki yatangaje ko agiye guhagarika ibikorwa by’umuziki ubundi agashaka umugabo akubaka umuryango we.

Amakuru dukesha BBC avuga ko Nicki Minaj w’imyaka 36, yaba agiye kureka umuziki kubera urukundo afitiye Kenneth Petty bageze kure imishinga yo kubana nk’umugore n’umugabo.

Aya makuru yasakaye nyuma y’uko abinyujije kuri Twitter ye, aho yavuze ko agiye guhagarika imirimo yakoraga yubake umuryango, ati “Abafana banjye bose nzahora mbakunda”.

Umugabo Kennety Petty bivugwa ko ashobora kuba ari we ugiye kubana na Nicki Minaj akaramata aherutse no gusohora amahusho y’indirimbo ye nshya ’Megathron’, aba bombi bagaragaza ibihe by’urukundo barimo muri iki gihe.

Nicki Minaj yakundanye n’abagabo bandukanye harimo Safaree Samuels, Meek Mill, na Nas umuraperi ukomeye. Yagiye avugwaho gukundana na Lil Wayne ndetse na Drake nubwo aba bombi yagiye babihakana bavuga ko bakorana umuziki nk’akazi gusa.

Nicki na Petty bamaze igihe mu rukundo

Nicki Minaj akomoka mu gihugu cya Trinidad and Tobago, akaba akorera umuziki muri Amerika ari naho yamamaririye cyane, yamenyekanye cyane mu ndirimbo zakunzwe cyane, akaba kandi yaranabaye umukinnyi wa filime ndetse akaba afite n’ikiganiro cye kuri radiyo.

Kugeza ubu uyu muhanzikazi usa n’uwashyize mu rujijo abakunda indirimbo ze, haribazwa niba yaba agiye kureka umuziki burundu, cyangwa niba ari bimwe by’abahanzi iyo bashaka kuvugwa cyane.

Nicki Minaj bivugwa ko yaba yarakoze ubukwe mu ibanga rikomeye na Kenneth Petty yihebeye, yakunzwe anamenyekana mu ndirimbo ze nka Super Bass, Anaconda na Starships n’izindi, ndetse akaba yarazisaruyemo ibihembo birimo Grammys 10, ndetse MTV Video Music Awards 5 n’ibindi byinshi bitandukanye.

Minaj yegukanye ibihembo byinshi bikomeye abikesha umuziki

Umwanditsi:

Gisubizo Gentil

Tanga Igitekerezo

Email yanyu ntigaragazwa ku rubuga. Amazina na Email ni ngombwa.