22°C , Partly cloudy | Kigali-Rwanda

Ni inshingano za buri Munyarwanda gutegura ejo heza h’u Rwanda – Dr Biruta

Yanditswe na MUKAGAHIZI ROSE

Ku ya 14-04-2018 saa 10:50:51

Minisitiri  w’Ibidukikije Dr Biruta Vincent, aravuga ko u Rwanda rugihanganye na bamwe bahakana bagapfobya Jenoside  yakorewe Abatutsi mu 1994, bityo ngo ni inshingano za buri Munyarwanda  gutegura ejo heza h’u Rwanda agira uruhare mu kurandura burundu ingengabitekerezo ya Jenoside.

Minisitiri w’Ibidukikije Dr Biruta Vincent

Ibi yabibwiye abakozi ba Minisiteri n’ibigo bikorera mu nyubako ya Nyarugenge Pension Plaza barimo abakorera  Minisiteri y’Urubyiruko, iy’Ikoranabuhanga, iy’imicungire y’Ibiza n’Impunzi, iy’Amashyamba n’Ubutaka, iy’Ibidukikije n’ibigo bya Leta bitandukanye ku ya 12 Mata 2018, mu muhango wo kwibuka ku nshuro ya 24 Jenoside yakorewe Abatutsi.

Dr. Biruta avuga ko hakozwe byinshi byo kubaka ubunyarwanda, byo kubaka ubumwe n’ubwiyunge, ariko ko ari ngombwa kubusigasira kuko ari inkingi ikomeye izatuma Abanyarwanda bagera ku bindi byinshi.

Yavuze ko u Rwanda rugihanganye n’ikibazo kikibangamiye ejo heza h’u Rwanda cya bamwe mu bantu bagikwirakwiza ingengabitekerezo ya Jenoside ndetse banizera ko Jenoside ishobora kongera kuba.

Yavuze ko ikimwaro cya bamwe bakoze Jenoside bananiwe kwakira ibyo bakoze kuko bifite uburemere bukomeye, bagakomeza gukwirakwiza ingengabitekerezo ya Jenoside ndetse bakizera ko ishobora kongera.  Minisitiri Biruta yavuze ko amayeri abo bantu bakoresha azwi ari yo mpamvu akwiye kwifashishwa hanyomozwa ibyo bavuga.

Ati: “Uburyo bakoresha turabuzi, ari ibiganiro nk’ibi barabitanga iyo babonye urubuga, barandika bagasohora ibitabo no ku mbuga nkoranyambaga. Aho hose natwe turahazi, tugomba kujyayo tugahangana nabo kandi ntibiruhije.”

Dr Biruta yasobanuye ko guhangana n’umuntu ubeshya bitagoye ariko bigomba kwitabwaho.

 

TANGA IGITEKEREZO

Leave a Reply

Be the First to Comment!

avatar