17°C , Partly cloudy | Kigali-Rwanda

Nahimana  ufite ubumuga yiyemeje guhangira abandi akazi

Yanditswe na NDAMYIROKOYE FRANÇOIS

Ku ya 14-06-2019 saa 08:40:59
Bimwe mu bikorwa bya Nahimana Prince

Umunyabugeni ufite ubumuga bukomatanyije bwo kutavuga no kutumva  witwa Nahimana Prince ukora ibikorwa bitandukanye mu kiganiro yagiranye n’Imvaho Nshya yavuze ko ikifuzo  ke  ari ukugeza umwuga we kure aha akazi n’abandi bafite ubumuga bwo kutavuga no kutumva ndetse n’abandi batabufite.

Nahimana avuga ko ubu ibikorwa akora bitari byaguka ngo kuko asa nk’aho ari bwo agitangira ngo ariko uko bizagenda byagunda azagenda aha n’abandi akazi.

Prince akora ibikorwa bijyanye n’ubugeni

Ati “Uko ibikorwa bizajya byiyongera nzajya mpa akazi n’abandi.” Uyu munyabugeni   ukorera ibikorwa bye mu Rugando mu Mujyi wa Kigali watangiye ibi bikorwa muri Gashyantare 2019 nyuma y’uko yari asoje amasomo ajyanye n’ubugeni  muri Kampala  kugeza ubu avuga  ko ibyo akora yunguka ngo gusa nta bwo biraba cyane kuko  akibura byinshi birimo ibikoresho ndetse ngo naho akorera nta bwo ari hagari.

Ariko nubwo inyungu atari nyinshi avuga ko abasha kubona inyungu na bagenzi be bakorana ntibagire ikibazo dore ko bose hamwe uko bakorana ari icumi.

Ikifuzo ke kandi ngo ni uko umubare w’abantu bo muri kompanyi bazakomeza kwiyongera barimo abafite ubumuga ndetse n’abatabufite.

Muri uyu mwaka kandi mu kiruhuko cy’abanyeshuri avuga ko azatangira gutanga amahugurwa ku bana bafite ubumuga n’abatabufite age abigisha ibijyanye n’ubugeni. Aba bana avuga ko ari abafite imyaka kuva kuri 5 kugeza kuri 12.

Ibyo akora ikigura menshi yavuze ko ari ik’ibihumbi 150 ngo naho icya make aba ari ibihumbi 20 by’amafaranga y’u Rwanda. Ariko  ku rundi ruhande ngo umuntu ushaka byinshi ashobora kumugabanyiriza.

Mu bikoresho akoresha kandi avuga ko hari ibyo akura hanze ngo ariko ikifuzo ke ni uko  yazagura ibikorwa bye akazajya nabyo abyikorera.

Uretse kuba bakora ibikorwa by’ubugeni kandi bamwe muri bagenzi be bakora ubudozi bw’imyambaro inyuranye.

Nubwo yaje kuba umunyabugeni, mu muryango we ngo nta wundi wigeze amuba  ngo ariko akiri muto yakundafa gushushanya.

Mu rwego rwo kugira ngo ibikorwa bye birusheho kumenyekana avuga ko azajya yitabira amarushanwa mpuzamahanga anyuranye akajya anareba n’ahantu hanyuranye ibikorwa bye  bizajya bicururizwa.

Bimwe mu bikorwa bya Nahimana Prince

 

TANGA IGITEKEREZO

Leave a Reply

Your email address will not be published. Required fields are marked *