17°C , Partly sunny | Kigali-Rwanda

Muri Lebanon Hotel, umukiriya ni umwami

Yanditswe na RUTAYISIRE EMILE

Ku ya Jun 4, 2018 saa 5:23

Umuntu wese ugeze bwa mbere kuri Hoteli Lebanon ikibazo yibaza ni aho yabaga ataragera ahantu hari abakozi bakirana urugwiro na serivisi ntagereranywa uhasanga. Umuntu uhageze agenda anyuzwe kandi agahora yifuza gusubirayo.

Aha ni aho abifuza kwica akanyota bakirirwa

Hoteli Lebanon irimo kuganwa n’abantu benshi kubera kunyurwa na serivisi bahabonera, iherereye mu Mujyi wa Kigali mu Karere ka Gasabo, mu Murenge wa Remera. Kugera neza kuri Lebanon Hotel unyura aho bita mu Migina iruhande rwa Sitade Amahoro, ukanyura iruhande rwa Hotel Sport View muri metero 60 uhita ubona amazina ya Hotel Lebanon, mu nyuguti nini zigaragara.

Ukigera ku marembo ya Hoteli Lebanon ubona hateye amabengeza

Ubwo Imvaho Nshya yaganiraga n’Umuyobozi Mukuru wa Lebanon Hotel Madamu Rukundo Claudine, yavuze ko Labanon Hotel  yihariye kuri serivisi zinoze, kandi irangwa no gufata neza umukiriya akabona icyo akeneye cyose bigatuma agenda anyuzwe ku buryo ahora yifuza kugaruka.

Rukundo Claudine, Umuyobozi Mukuru wa Hoteli Lebanon

Ushaka no gusura iyi Hoteli biremewe, ugerayo bakayigutambagiza bagusobanurira serivisi zihatangirwa.

Urebye uburyo Hoteli yubatswe na serivisi zihatangirwa utangazwa n’ibiciro biri hasi uhasanga. Hari ibyumba binyuranye uhitamo ikijyanye n’ubushobozi ufite. Hari ubwogero (piscine) buteye amabengeza, Sauna na Massage, ubusitani bubereye ijisho, Bare na Resitora.

Hari ubwogero (piscine) buteye amabengeza

Hoteli ifite kandi icyumba mberabyombi cyakira abantu basaga 300 bahuriye mu nama cyangwa ibindi birori. Ibi byose uhasanga ariko binozwa n’urugwiro wakiranwa n’abakozi baho.

Icyumba mberabyombi gifite ubushobozi bwo kwakira abarenga 300

Iyo uhamagaye kuri Lebanon Hotel ushaka kuhacumbika, wohererezwa imodoka ikagufata aho uri hose mu Mujyi wa Kigali. Ushobora kandi no guteguza ko wifuza kuharuhukira ukiri mu Ntara cyangwa mu mahanga.

Iyo ugeze ku kibuga k’indege uvuye mu mahanga, wohererezwa imodoka iza kugufata mu kanya nk’ako guhumbya.

Abakiriya bakiranwa urugwiro

Ibyumba byo kuraramo muri Lebanon bifite n’uruganiriro

Aho gukarabira muri Lebanon Hotel hagezweho kandi harangwa n’isuku idasanzwe