18°C , Partly cloudy | Kigali-Rwanda
Minisitiri Mbabazi ubwo yaganiraga n'abahatanira ikamba rya Nyampinga w'u Rwanda 2018

Miss Rwanda 2018: Minisitiri Mbabazi yasuye abahatanira ikamba

Yanditswe na admin

Ku ya 17-02-2018 saa 07:23:01

Minisitiri w’Urubyiruko  Rosemary Mbabazi ku rukuta rw’urubuga rwa  Twitter rw’irushanwa rya Miss Rwanda hariho amakuru avuga ko yasuye  abakobwa 20 bahatanira ikamba rya Miss Rwanda 2018 aho bakorera umwiherero i Nyamata.

Minisitiri Mbabazi ubwo yaganiraga n’abahatanira ikamba rya Nyampinga w’u Rwanda 2018

Mu kiganiro yagiranye nabo yabasabye kuzajya batekereza mu buryo bwagutse, kubumbatira indangagaciro no kubyaza umusaruro amahirwe igihugu kibaha.

Ikiganiro yabagejejeho kibanze muri rusange ku ruhare rw’urubyiruko mu iterambere ry’igihugu anababwira inshingano z’urubyiruko mu kugerwaho kw’ibikorwa igihugu kiba kiyemeje gukora ariko bigerwaho mu buryo burambye.

Habayeho kandi umwanya wo gufata ifoto y’urwibutso hagati y’abahatanira ikamba na Minisitiri w’Urubyiruko  Rosemary Mbabazi. Yanasangiye nabo mu rwego rwo kurushaho gusabana nabo.

Kubasura aho bakorera umwiherero kwabaye ku ya  15 Gashyantare 2018.

Abahatanira ikamba kandi basangiye banaganira n’abagize ikipe   y’abagore itwara amagare,  bitabiriye shampiyona y’Afurika mu mukino wo gusiganwa   ku magare irimo kubera mu Rwanda.

Bafashe ifoto y’urwibutso ( Minisitiri Mbabazi uwa 10 uvuye iburyo)

Abakobwa bose  bahatanira ikamba ni Umunyana Shanittah, Irebe Natacha Ursule, Munyana Shemsa, Umuhoza Karen, Umuhire Rebecca, Ishimwe Noriella, Iradukunda Liliane, Uwase Fiona, Irakoze Vanessa, Umutoniwase Anastasie, Dushimimana Lydia, Ingabire Belinda, Ingabire Divine, Uwonkunda Belinda, Umutoniwase Paula, Uwineza Solange, Mushambokazi Jordan, Nzakorerimana Gloria, Umutoni Charlotte na Uwase Ndahiro Liliane.

Ku ya 24 Gashyantare 2018 muri Kigali Convention Centre ni ho hazamenyekanira uzegukana  ikamba rya Miss Rwanda 2018. Iradukunda Elsa ni we ufite ikamba rya Miss Rwanda 2017.

 

TANGA IGITEKEREZO

Leave a Reply

Your email address will not be published. Required fields are marked *