24°C , Partly sunny | Kigali-Rwanda
Uyu ni umwe mu bahatana ubwo yasuzumwaga

Miss Rwanda 2018: Abahatanira ikamba basuzumwe uburwayi bunyuranye

Yanditswe na NDAMYIROKOYE FRANÇOIS

Ku ya 14-02-2018 saa 06:12:21

Abakobwa 20 bahatanira ikamba rya Nyampinga w’u Rwanda 2018 ubu bari mu mwiherero muri Golden Tulip Hotel, ku ya 12 Gashyantare 2018 basuzumwe uburwayi mu gikorwa cyabereye ku bitaro bya  Nyamata biherereye mu Karere ka Bugesera mu Ntara y’Uburasirazuba.

Uyu ni umwe mu bahatana ubwo yasuzumwaga

Ku rukuta rw’urubuga rwa Twitter rw’irushanwa rya Miss Rwanda Imvaho Nshya ikesha aya makuru hariho amakuru avuga kandi ko aba  bakobwa  mu mwiherero bakora ibikorwa bitandukanye  birimo imyitozo ngororamubiri.

LT.Col Kabayiza Sostene kandi ku ya 11 yagiranye ikiganiro n’abakobwa bahatanira ikamba abaganiriza ku rugamba rwo kubohora u Rwanda by’umwihariko ukuntu abagore n’abakobwa barugizemo uruhare.

Irebe Natacha Ursule uri mu bahatanira ikamba yavuze ko ikiganiro bahawe cyarushijeho gukangura inzozi afite zo kuzaba umusirikare.

Yagize ati “Nkange nk’umukobwa ufite inzozi zo kuba umusirikare mu gihe kizaza,  byamfashije cyane byampaye imbaraga ku nzozi nari nsanganywe”.

Umuhoza Karen na we uhatanira ikamba yavuze ko mu kiganiro bahawe yamenyeyemo uburyo abagore n’abakokobwa bagize uruhare mu kubohora u Rwanda.

Ku ya 11 Gashyantare 2018 kandi abahatanira ikamba barebye umukino wahuje ikipe ya APR FC na Anse Reunion yo mu birwa bya Seychelles APR ikaba yarayitsinze ibitego 4 kuri 0.

Nkuko kandi abakobwa bakomeje gutorwa bahabwa amahirwe hifashishijwe telefone ngendanwa kugeza ubu uwitwa Uwase Ndahiro Liliane ni we uri ku mwanya wa mbere akaba yaratowe inshuro 18100 akuririkirwa n’uwitwa Irebe Natacha Ursule ufite amajwi 9733. Mu bakobwa 20 ufite amajwi make ubu ni uwitwa Dushimimana Lydia ufite amajwi 580.

Abakobwa bose  bahatanira ikamba ni Umunyana Shanittah, Irebe Natacha Ursule, Munyana Shemsa, Umuhoza Karen, Umuhire Rebecca, Ishimwe Noriella, Iradukunda Liliane, Uwase Fiona, Irakoze Vanessa, Umutoniwase Anastasie, Dushimimana Lydia, Ingabire Belinda, Ingabire Divine, Uwonkunda Belinda, Umutoniwase Paula, Uwineza Solange, Mushambokazi Jordan, Nzakorerimana Gloria, Umutoni Charlotte na Uwase Ndahiro Liliane.

Ku ya 24 Gashyantare 2018 ni bwo hazamenyekana uzegukana ikamba mu birori bizabera muri Kigali Convention Centre. Iradukunda Elsa ni we ufite ikamba rya Miss Rwanda 2017.

 

TANGA IGITEKEREZO

Leave a Reply

Be the First to Comment!

avatar