23°C , Mostly cloudy | Kigali-Rwanda
Uhereye ibumoso ni Minisitiri w'Ubuhinzi n'Ubworozi Dr Mukeshimana Garaldine, Minisitiri w'Ubucuruzi n'Inganda Hakuziyaremye Soraya na Minisitiri w'Ubutegetsi bw'igihugu Prof Shyaka Anastase

MINICOM iratanga ikizere mu ikemurwa ry’ibibazo byagaragaraga mu birayi

Yanditswe na Sezibera Anselme

Ku ya 08-11-2018 saa 15:43:44

Minisiteri y’Ubucuruzi n’Inganda (MINICOM), ku bufatanye na Minisiteri y’Ubuhinzi (MINAGRI) n’iy’Ubutegetsi bw’igihugu (MINALOC) buragaragaza ko ingamba zafashwe ziri kugira uruhare rugaragara mu gukemuka ibibazo byagaragaraga ku musaruro w’ubihinzi.

Minisitiri w’ubucurizi n’inganda, Hakuziyaremye Soraya, avuga ko hanogejwe uburyo bwo kugeza amakuru ku bahinzi y’imikoranire kuba ku bahinzi, koperative no ku masoko.

Avuga ko MINICOM yashyizeho uruhererekane nyongeragaciro hagamijwe kugira ngo ibibazo byari mu birayi kuva ku muhinzi kugera ku isoko kuva mu 1997 kugera 2018 birandurwe.

Agira ati:”Icyo duharanira n’uko umuhinzi ari we wa mbere ubona inyungu ariko tudasize n’umucuruzi”.

Umukozi ushinzwe ubucuruzi bw’imbere mu gihugu muri MINiCOM, Karangwa Cassien, na we yagaragaje ko mu 2015 hashyizwe imbaraga mu gucuruza ibirayi binyuze mu makusanyirizo.

Yagarutse kuri sosiyete ya EPTC yahawe inshingano zo gukurikirana ubwo bucuruzi ko bwubahirizwa ariko ntibyagerwaho neza nk’uko byari byateyanyijwe kugira ngo umuhinzi abone inyungu.

Karangwa avuga ko muri rusange inyungu zabaye iz’akoperative kuruta uko ziba iz’abahinzi.

Karangwa avuga ko 2017 amakusanyirizo yashyizwe mu maboko y’abahinzi byose bigamije kugira ngo abahinzi bunguke n’abacuruzi bunguke.

Mu ngamba zafashwe kandi harimo no kugabanya koperative zari 126 ziba 68 Kandi zishyirwamo abanyamwuga babyigiye.

Minicom igaragaza ko hashyizweho itsinda ry’abanyamwuga 32 bakurikirana abazamuraga ibiciro hafatwa abantu 145 Kandi bacibwa amande.

Karangwa atangaza ko hashyizweho uburyo umuhinzi azajya atanga umusaruro we na we amafaranga akayabona kuri konti ye.

Abanyamakuru bifuje kumenya uko ibiciro bihagaze kuri ubu, Mininisitiri Hakizumuremyi avuga ko mu mu myaka 2 ishize ikilo cyari 150 ubu kigurwa 120.

Minisitiri w’ubuhinzi n’ubworozi Mukeshimana Geraldine avuga ko nyuma y’ibyo bibazo byabaye hariho gahunda yo kongerera umusaruro agaciro.

Avuga ko hashyizweho ibibanza by’ahazajya hakusanyirizwa umusaruro.

Agira:”imbaraga tuzishyize mu kongerabakudanyirizo”.

Minisitiri w’ibutegetsi bw’igihugu, Prof Shyaka Anastase, avuga ko nka minisitiri bashyize imbere inyungu z’umuhinzi akeza kandi akabona isoko hongerwa agaciro kawo.

Prof Shyaka avuga ko kuri ubu hari ibibazo byiza kuko mbere hari ikibazo cyo kubura umusaruro umuhinzi agahinga ibihingwa ngandurarugo none ubu byabindutse ngengabukungu kuko bahinga bakeza byinshi batekereza isoko.

Ati,”Turifuza ko uko imyaka igenda iza ariko abakora ubuhinzi baba bake ariko bagakira cyane kurushaho. Tugomba kongera agaciro kawo, tugahunika, turanoza imikorere y’abawugeza ku isoko bashaka kunyunyuza umuhinzi bashaka inyungu myinshi”.

Minisiteri zose uko ari 3 zikaba zishyize imbere gutunganya ibikorwa remezo byorohereza abaturage kugeza umusaruro ku masoko.

TANGA IGITEKEREZO

Leave a Reply

Your email address will not be published. Required fields are marked *