MINEDUC: Kuba warize uburezi si byo biguha akazi ko kwigisha-Dr. Mutimura

Yanditswe na Rutayisire Emile

Ku ya 14-02-2020 saa 16:08:03
Minisitiri w'Uburezi, Dr Mutimura Eugene

Minisitiri w’Uburezi Dr. Eugene Mutimura yavuze ko batazigera na rimwe bakoresha abarimu badafite ubushobozi ngo ni ukugira ngo bagwize umubare ukenewe.

Avuga ko mu minsi ishize batanze ibizamini, benshi bakabitsindwa bigatuma iyo myanya isubizwa ku isoko, akaba asanga igisubizo ari uko bareba abafite ubushobozi mu nyigisho zidafite abarimu bagahabwa akazi maze bakigisha neza.

Yagize ati “Hari ibigo bifite abarimu. Aho bataragera ni uko hari abakoze ibizamini bibinjiza mu kazi kandi barize uburezi ariko ibizamini birabatsinda. Ngira ngo mwabonye ko twavuze ko niba warize uburezi ariko baguha ikizami k’inyigisho runaka ugomba kwigisha ntugitsinde ufite intege nke. Ni byiza ko twareba n’abarimu bafite ubushobozi muri izo nyigisho noneho  bakigisha neza.”

Dr. Mutimura akomeza avuga ko n’ubwo hari aho abarimu bataraboneka bishobora kuzabagiraho ingaruka ariko ko nta kundi bagomba gushaka abarimu batanga umusaruro. Ati: “Nta bwo tuzemera gukoresha abarimu badafite ubushobozi kugira ngo tugwize umubare w’abarimu bakenewe”.

Ni mu gihe hashize iminsi abayobozi b’ibigo by’amashuri n’Uturere bagaragaza ikibazo cy’abarimu bake hirya no hino ku bigo by’amashuri aho Akarere ka Kirehe kabura abarimu benshi kuko gakeneye abarimu 405.

Umuyobozi w’Ikigo cy’amashuri mu Karere ka Kayonza, kari mu Ntara ifite ikibazo cyo kuba ari yo ibura abarimu benshi mu mashuri kuko ibura abagera ku 1500, yatangarije Imvaho Nshya ko kubura kw’abarimu bidindiza imyigire y’abanyeshuri.

Agira ati: “Kubura kw’abarimu bidindiza imyigire y’abanyeshuri bigatuma imyigire y’abana itagenda neza kuko umwana utabonye umwigisha isomo runaka bituma ata igihe kandi mu gihe hazabonekera umwarimu ubigisha nabwo akigisha hutihuti ku buryo abana badafata neza ibyo bigishijwe”.

Akomeza avuga ko Minisiteri y’Uburezi yari yijeje abayobozi b’ibigo by’amashuri ko ikibazo kizakemuka mu ntangiriro z’iki gihembwe ariko ntibyagenda uko bijejwe kuko abakoze ibizami hirya no hino mu Turere benshi batabashije kubitsinda maze iyo myanya irongera isubizwa ku isoko  habaho amashuri menshi afite amasomo adafitiye abarimu.

Minisiteri y’Uburezi ivuga ko itakwihanganira gukomeza kuriha amafaranga abarimu badashoboye ariko igasaba ibigo by’amashuri kuba byihanganye kuko abarimu bazaboneka bashoboye n’ubwo bamwe bazaba batarize uburezi ariko ari abahanga mu masomo bigisha.

Umwanditsi:

Rutayisire Emile

94 Comments on “MINEDUC: Kuba warize uburezi si byo biguha akazi ko kwigisha-Dr. Mutimura”

  1. Birakwiyeko akazi ko kwigisha gahabwa abagashoboye. Naho kuba bamwe bitwazako bize uburezi arko bagatsindwa ibizamini byaruta uwumvako ashoboye yakora ikizamini akagitsinda agahabwa umwanya yatsindiye hatitawe ko yize uburezi.

    1. Nibyo rwose. Ahubwo bagahabwa amahugurwa bari mukazi. Nize uburezi ariko nanjye sinemera abarezi badashoboye bitwaza ko bize kwigisha kandi badashoboye.

    2. Aha se mwibuka ko batize uburezi kubera kubwanga, none kuko babuze akazi k’ibyo bize , baje mu burezi ku bw’amaburakindi. Ntabyo nabo bazakora neza, cyane ko bazaba banafite amakuru ko ari umwaka umwe.

  2. Primary niyo ifite ikibazo cyane
    Ariko hanze Hari abantu bize TTC Bari mubushomeri
    Nakibaza nti” kuki muha diplome abantu badashoboye”

    Ibibyose biterwa no kwimura abanyeshuri in

  3. Ibi rwose sibyo. Kuko ntabwo ikizame cyananiye Abarimu ahubwo conditions z’ikizame nizo zatumye Abarimu benshi mu turere twinshi batsindwa. Kuko mu turere twinshi abakandida basabwe gukora ibizame birenze kimwe mu masaha yagenewe ikizame kimwe gusa ubwo rero murumva ko nta kuntu abantu batari gutsindwa kubera igihe kidahagije.
    Ikindi ni gute Minister avuga ngo Abarimu barabuze nyamara hari abatsinze bakaba Bari kuri waiting list mu turere tumwe na tumwe kuki batabohereza Muri utwo turere twabuze Abarimu?
    Twe Abarimu turahari kandi turashoboye bareke kuvuga ngo twarabuze Cg ngo ikizame cyaratunaniye ahubwo bakosore conditions z’ikizame.
    Murakoze.

    1. Ibi nibyo kuko abarimu bashyizweho icyo nakwita Amananiza, nigute umukandida akora ibizamini birenze kimwe( Bibiri cyanga se bitatu ) mugihe cyagenewe ikizamini kimwe.
      Ahubwo bakwiriye gushyira mugaciro.

  4. Muraho!njyewe mbona ikibazo atari ugutsindwa ahubwo nuko ibyo bizamini biba biteguye nabi.
    1.Ni gute watanga ibizamini bibiri, buri kizamini kigomba gukorwa mu masaha 3, ubwo bibiri ni amasaha 6 hanyuma ugateka ko byombi bikorwa mu masaha 3 ahwanye n’ikizamini kimwe, warangiza ukavuga ngo batsinzwe,birababaje cyane, ese ubwo bo babitegura bazi icyo bita test validity?
    2.Ni gute wicaza abantu barenga 1k muri stade babyigana,badafite aho kwandikira maze ukabaha ikaramu n’urupapuro ngo bandikire ku bibero. Ibyo nabyo birababaje cyane rwose. Maze rero imvugo yabo narayirambiwe nabo batange imihoho rwose

    1. Umva muvandi ikibazo cyigihe mwicyitwaza kuko yubizi ntibyatwara namasaha abiri kuko ubawandukura rwose.najye ndumwarimu ariko tujye twemera defaite rwose

      1. Nibashyireho itariki y’ikizami turebe ko Bo ba zabishobora kuko abana bacu bari kudindira Kandi n’igihembwe cyarangiye.ese uwo mwana uziga isomo ibihembwe2 azabazwa umwaka ibimbwe bingahe?
        REB nishyiremo akabaraga kuko uwo ugiye kwigishwa 2 terms niwe mwarimu wejo

  5. Ibyo byo miniduc uyu mwanzuro niwo pe title ngo uburezi ntacyo ifasha.rere ndabinginze munstekerezeko Hari abarimu mumaze igihe mukoresha kdi batanga umusaruro ariko ugasanga bongereye amashuri ntimwabongerera umushahara.rero nabyo biracyari imbogamizi aho abarimu banganya level kumwanya badahembwa amwe.ibi birareba akenshi abari barinciye mukazi ntaburezi bariga hanyuma bakanmbwiga mucyiciro gikuru kucyo batangiriyeho akazi

    1. Nkawe ubu wise uburezi koko wigeze ubonahe umuganga ujya gukora ikiganga atarakize even if yabazi ibikorwa gt it is like education .
      Education is vocation and it is practical rather than theory none barashaka kureba theory ni gake tubona umuntu ufite content unayumva ariko adafite methodology yo kuyitanga .
      Ntago aribyo ko bafata abantu batize education NGO nuko bazi theory education iragutse cyane pe ibi ahubwo byadindiza kurushaho

  6. Ariko uko gutsindwa kwabayeho ntihakarebwe uruhande rumwegusa ndavuga urw’abakoze icyo kizami ,
    nibahindure n’uburyo bw’imibarize :
    1) niba ikizamini ari amasaha6 nibayagihe wenda kimwe mugitondo ,ikindi nyuma ya saasita ,
    2) kwicaza abakandida nabi nubwo hari aho babicaje neza pe ,mubigo by’amashuri ,none ko abakora baba bataruta abanyeshuri bakora ibizamini bya Leta kdi abakora ibya Leta bo bakicazwa neza kuki iby’akazi byo dufite umuco wo kwicaza abantu nabi kuki bo batashyirwa mubigo by’amashuri aho baribukore bicaye neza .
    Abatsinzwe bose si uko barigutsindwa ahubwo batezwe gutsindwa ubutaha bikosorwe umuntu atsindwe avug’ati natsinzwe pe!

  7. Muraho neza!!!

    Ikibazo cyatewe nuko hari abagiye bakora ibizamini bakabitsinda ariko ntibahabwe akazi. Ndatanga urugero:

    Kukarere X bacyeneye umwarimu wa MATHS Umwe bakora ikizamini ari 12 hatsinda 8 bane baratsindwa kandi mu karere Y bacyeneye abarimu ba Maths 7 hatsinda 3 ese kuki batafa muri bamwe batsinze muri X ngo baze bakore muri Y ahubwo bakihutira gushyira imyanya ku isoko ngo ni uko bariya batakoreye muri Y kdi ikizamini ni kimwe cyateguwe na REB hose mugihugu? Aha ntibashyizemo ubushishozi pe.

    Murakoze!!!!

  8. Abarimu bo muri primary nibacye ugereranije ntabacyenewe ,none ko Hari abatsinze ibyo bizamini byo kwigisha secondary school bakaba Bari kuri waiting list mukarere runaka Kandi barakoze ikizamini cyimwe mugihu kuki hatabaho ko abatsindiye mukandi karere babaha akazi .Kandi imyanya myinshi bakayisubiza ku isoko

  9. Mubyukuri ntabwo ikizamini twakoze cyarigikomeye kuburyo umuntu wize neza yabura Amanota 70, abize uburezi barashoye rwose Kandi barahari njye ndumva hakosorwa uburyo examen ikorwamo bikanozwa neza abazayobora examen mu turere bakabasobanurira amabwiriza ,kuko harababuze ariya amanota bitewe kubera ibibazo bagiye bahurira aho bakoreye examen nko kudatangirira examen kugihe,ibura ry,impapuro ndetse nigihe gito cyahawe abantu bahawe examen ebyiri,abakoze examen ebyiri haru uturere wasangaga babaha igihe kimwe nabarakora examen rimwe ,turizera ko iyi examen igihe gukorwa bizakosoka cyane bakita kubibazo abarakora examen bashobora guhura nabyo bigatuma batsindwa examen bitabaturutse murakoze.

  10. Ahaaaa,ndabona ibyuburezi aragatereranzamba gute Abana babura abarimu mu gihigu turaho twatsinze ikizami.ariko bakarenga bagasubiza imyanya Ku isoko.batwohereje muri utwo turere?ibi mbona arihohoterwa ry’abana bacu pee.

  11. Mukomere cyane. Nta munsi mutazahura n’ikibazo nako n’ibibazo by’ingutu muri iyi Minisiteri y’uburezi. Kuko nta Teka ryizweho ngo rishyirweho umukono mugira. Urugero: Murebe uburyo MINISANTE yagiye ku murongo biturutse ku Iteka rya Perezida ryasohotse rigena Imikorere,imikoranire n’imishahara,…..

    Mubyihutirwa bikenewe,harimo iri teka ry’Uburezi. Uti rero ryajyamo ibiki?Hajyamo ibyava mu mwiherero. Nk’abayobozi bakuru, barimo nka Premier Ministre n’abandi ba-ministres batoranyijwe babufite mu nshingano, abasenateurs bamwe n’abadeputes babufite mu nshingano, abashinzwe uburezi muri turere, abahagarariye abarimu mu turere(2), n’ abandi bantu batoranywa kubera ubunararibonye bwabo mu burezi kuri ubu bari mu zabukuru, etc… maze bakagenda bakamara ahantu nk’iminsi 3 ari ikibazo cy’uburezi bigaho gusa,mpamya ko bavayo hafashwe ingamba zikwiye z’igihe kirambye,byibuze bagakora action plan 2020-2063. Ku munsi wa 3,President Paul Kagame akabana nabo. Murakoze

  12. Simbona ikibazo arabarimu badashoboye
    Ahubwo ababareberera
    Nibo babagoye nnx nigute mutegura ibizamini bakabitsinda mwarangiza mukabwirako nubwo batsinze ntabushobozi bafite ninayompamv ireme rdateze gutera imbere kuko ubu abanyeshuri nibobafite Ijambo kurenza abarezibabo
    Ubwose bakwigagute abarimu bmwabasuzuguje ababigisha

  13. Minister niho wajya wamenya ukuri nyako ireme ry’uburezi ndababwira ukuri riri kuzira ibintu byinshi tutibagiwe ubumenyi buke ndetse cyane bw’ abakora uwo murimo. Ese Muzi kom hari abarezi Bari kurangiza TTCs bandika hafi ya bya ntabyo. Ge narumiwe kuko Ni umubare uri hejuru. Ministre aha ndemeranywa nawe kbs. Mbese yee ge nize imyaka 5 twiga day nijoro tukarara amahoro NGO kayishema umukureho amanota bikatubirisha amazi. Nibuka Dr Jeanne za 2005 ndetse na sebaganwa nti kwiga byaravunaga kbs

  14. Uburezi mu Rwanda mwere kujya mubutekerezaho cyane kuko bufite abantu b’abahanga babutekerereza,ahubwo twe dukore neza ibitureba kuko kuko kubatekereza uburezi mwarimu nta ruhare agitated mo nk’umuntu uba kuri terrain.

  15. Mu burezi haracyarimo ibibazo byinshi! Ni gute uvuga ko ushaka guteza imbere uburezi ugashishikariza abana kwiga muri TTC basohokamo wabahaye Diplôme ngo ni abaswa? Ikizamini ubaha se cyatsindwa n’utarize uburezi cyaba ari icyo kwigisha cyangwa si ko biri? Kuki hamwe mû turere waiting list ari ndende ahandi bakabura? Babajyanye ahari imyanya?, ikibazo si abarimu b’abaswa kuko niba umwarimu yarigishije 2015 atsindisha ubu akaba atagitsindisha si ubuswa ahubwo ni ibibazo 2 gusa: salaire idahuye n’imihahire Ku isoko( nk’uko frw ryataye agaciro ho 23,8% muri iyi myaka 5 ishize) n’ubucucike bukabije Mu ishuri!. Ibi nibikemurwe murebe ngo u Rwanda uko Bigira Ubuntu ni nako duhita Ku bushinwa!

    1. ubundi c uburezi bwicwa nabarimu cg nibo babwica yeeeee nibyo nihaze abatarize uburezi baze bakosore amakosa tuzareba ahubwo agiye kubyica Burundi nigute wafata umusirikare utarize kurasa ukamujyana kurugamba ngagiye gukosora uwize kurasa yewe biragoye nibashakire ikibazo aho kiri naho abarimu bo barashoboye rwose pe kandi ubundi bafata imyanzuro ahari batabanjye kubyigaho nibicare bashake igisubizo kiza naho abarimu bareke kubarenganya pe ahubwo njye nsanga mwarimu ashoboye cyane cyane ninumuntu WO gushimirwa cyane ibi barikuvuga ntacyo bizakosora

  16. Izo ni inharuka zo kwimura abadashoye. Nta mwana ukimuka ashoboye ni automatique. Diplome bazibahera iki niba badashoboye?

    1. PROMOTION AUTOMATIQUE,BASOZA UNIVERSITE BATAZI KWANDIKA AMABARUWA ASABA AKAZI!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

    2. Ariko nk’umuntu utinyuka ngo Promotion automatic akeka ko abarimu nibo bayikorerwa bonyine? Abo bajemo bo bize he? Gusa hibazwe kuba umwe yarakurikiye imibare undi yarakurikiye methodeds zo kwigisha imibare noneho ubahe ikizamini k’imibare! Ndemera ko bombi bazagikora ariko methodology ubwo nta gaciro! Ni nko kuba veternaire ukavura abantu kuko byose ni ukuvura! Education haba aha Nyagasani n’umubyeyi President watumwe mu Rwanda pe! Kuko abakabikemeye ndabona babisubiza inyuma! Ukwezi umwana atiga warangiza ngo niyigishwe n’utarize kwigisha koko! byaruta akigishwa n’ufite duke ariko dutangwa neza! Reka bazigishe uko babajije mu bizamini byasoje umwaka w’amashuri 2019! Aho umwana wa P1 abanzwa ibibazo byo kwandika pages zisaga 3!

  17. Njye mbona muburezi bisigaye ari nk’ikinamico, nonese namwe mumbwire, abashinzwe polotiki y’uburezi bati higishe abatarize uburezi! Nonese niba umuntu yarakoreye ikizamini cy’amasaha 6 kubibero Mandi mumasaha 3, murumva abagitanze, hari agaciro bagihaye, njye Gubazwa nukuntu Nyakubahwa Perezida Wa Repulika, aba afitiye abanyarwanda gahunda nnziza, gusa aba bamufasha bakamutobera! Ahubwo se nigute umurezi wakoze internship y’umwaka akeneye ikindi kizami cyo kujya kwigisha? Ikindi niba abo babyize bibànanira,biraza gushoborwa n’abatabyiga? Bati kwigisha mukinyarwanda Abana bato, bati bihinduke, Bati abarimu babuze”none abo batsinze bari kuri liste zitegereza! Ahubwo njye mbona Mineduc yabanza kwicarana n’ibigo biyishamikiyeho bakareba ibibazo bihari mumizi,, none se niba kugeza bari ibitabo by’imfanyigisho nsha byinshi bitaragera kubigo, niba ingengibihe y’amashuri itagaragaza ibizakorwa umwaka wose, Niba usanga Hapangwa inama/amahugurwa atumira izengo zimwe mubihe bimwe kandi izo nama /amahugurwa birenze kimwe, Nina byavugwa ko ushinzwe kureba ubuziranenge bw’uburezi ariwe washyiramo amanyanga, murumva ikibazo kiri kubakora ibizami! Njye ndumva nkuko Muzehe yahagurukiye ibizana ireme ry’uburezi , rwose ndamwizera arebane bwa bushishozi abanyarwanda ttumuziho, ibiri gukorerwa muri Mineduc na REB ko ahubwo ataribyo byaba bidindiza iryo Reme!

  18. Njye mbona ibyo Minister aviga aribyo 100% ! Ntampamvu yo gukoresha abadashoboye kandi abashoboye bahari ngo ni uko batize uburezi! Ahubwo numva bajya batanga n’uburenganzira bungana Ku barezi Bose mugihe bari mu kazi!!

  19. Ntabwo abarezi Ari ikibazo, nonese njye konatsize kungeza nubu nkaba narahamagarwa, mwarangiza mukavugako mwabuze abarezi njye sibyumva kuko hirya nohino Hari beshi bakiri Kuma waiting list, none kuki mutaduhamaga? Kandi twara passing ze exam! Mwarangiza mugasubiza imyanya ku isiko.

  20. Abantu bize uburezi abenshi ntabwo bashoboye rwose barite ikibazo ko akazi kabo katajya kabura bityo ntibakurikire amasomo yabo

    1. Muvandi njye simbona ko ikibazo ari umushahara pe ! Ikibazi ni :1 Ubucukike, 2 Promotion Automatique 3 .Ihuzagurika mu gushyiraho imirongo ngenderwaho 4 Gukopera iby’imahanga bagahita bashaka ko bikorwa ako kanya nta gerageza ryimbitse ngo barebe ko bizashoboko mu mashuri yose knd y’ ingeri zose .

  21. Ikizamini nticyakozwe Ku buryo bumwe mu igihugu hose.Bivuze ko uturere ntitwahawe amabwiriza agenga ikizamini.Twe twakoze mu isomo ry’amateka turatsinda ariko kirehe yatwimye akazi. Nasaba utwo uturere twabuze abarimu bo kwigisha amateka ko twaza kwifatira abo ba kirehe bari gupfa ubusa.Naho abarimu bakoze ikizamini ni abahanga bazize imitangirwe yacyo.

  22. Bigararaga ko ikizamini kizatangwa kitajyanye na education niba mubona ko abatarize uburezi aribo bazabitsinda.ese abatsinze Bose mwabahaye imyanya? Kubaha imyanya aho iri se bitwaye rwf angana nayo gusubira mu bizamini? Kuki musohora abarimu badashobora gutsinda ikizamini mubateguriye? Ubwo ikibazo sabatanga diploma cg degree? Ikindi kd mwagakwiye guhindura imikosorere bigakosorwa ahatari kuturere kuko nabyo ntibisobanutse hamwe nahamwe? Ngo umuntu yarekaramye ava kuri 49 agera hejuru ya 70?

  23. Ntabirenze mureke gato tuzarebe abo batize uburezi uburyo bazatsinda ibizame byo kwigisha ariko c nibabitsindwa hazakorwa iki? Ubuse abqtsknze bose barimukazi ?

  24. Ntabirenze mureke gato tuzarebe abo batize uburezi uburyo bazatsinda ibizame byo kwigisha ariko c nibabitsindwa hazakorwa iki? Ubuse abatsinzee bose barimukazi ?

  25. Nibahe diplome abazikwiye(abahanga bashoboye) kandi batsinze neza ibizamini bya Leta kuko biteguranwa ubushishozi.
    Biryo mu gutanga akazi hafatirwe ku manota ari kuri diplome batanze kuko abakandida baba bayabonye bakoze ibizamini bihagije bidafite aho bihuriye n’ibitangwa by’akazi akenshi binategurwa nabi.
    Ibizamini by’akazi kandi bitera kwibaza niba birusha agaciro ibizamini bya Leta bihesha diplome?
    Niba umukandida yatsinze ibizamini bya Leta neza ukanamuha diplome, gutegura ibindi bizamini by’akazi ni ugupfusha ubusa imari ya Leta no gutesha agaciro ibizamini bya Leta byakozwe bihesha diplome.

  26. Kwiga uburezi ni byiza kuko ntakobisa iyo ukora ibintu uzi no kubisobanura.Kuko ni ngombwa kumenya icyowigisha n’abo ukigisha,n’uburyo uzakigishamo.Gusa kumenya uko wakwigisha n’abo wakwigisha ariko nta content uzi ntabwo aribyo. Minister yabivuze neza abarezi dukwiye kugira content mastery ikiyongera kuri methodologies,spsychology and awareness of the curriculum.
    Ibi nabyo nta musaruro mu gihe teacher yaba yaburaye ngo azabone imbaraga zo kwigisha.Umushahara ntabwo bikunda kuwuhuza ni mibereho y’ibiciro birihanze.

  27. Erega natwe twigishijwe n’abarimu benshi batize uburezi kdi batwigishije neza turatsinda. N’ubu barahari batize uburezi kdi bazi kwigisha neza ku buryo bigaragara.

  28. Ndumiwe noneho kuba abana batari kwiga ubu nibwo turi kubona ireme ry’uburezi?
    Ikindi kandi ntibarenganye abarimu ngo baratsinzwe ahubwo ni condition bakoreyemo ikizamini yabagoye; kandi na none bibuke ko bariya Bose bakoze ibizamini bafite diplome kandi bahawe na leta. Kuki REB yo iha diplome abantu badashoboye? Bere kwitana bamwana,ahubwo bashake umuti urambye bitaribyo tuzahora muribi.

  29. Jyewe kubwajye mbona hajya hatangwa akazi kabarimu hakurikije impamya bushobozi bafite nkuko cyera byahoze kuko kutsindwa ikizami rimwe ntibivuzeko urumuswa babyigeho barebe neza

  30. Abarimu barahari kuko n’abatsinze siko babashyize mu kazi ahubwo bari kuri za waiting list z’uturere icyari gikwiye nuko babohereza mu tundi turere. Hose ni ukurerera u Rwanda kandi byatanga umurongo

  31. Murakoze. Icyiruta ibindi Nimwongere Agahimbazamusyi ( Umushahara ) nahubundi nabo mwiharaje ngobatize uburezi bashoboye nejobundi bakaba nkabize Uburezi muri kunenga.

  32. mujye mukomeza mwitane bamwana nzaba ndeba amaherezo yabyo ubundi byose bipfira muri primary kuba minisiteri yaratoye itegeko ko ntamwana uzasibira . ese bazasunika bageze ryari koko? . ubu urajya kureba umuhanga wambere nko mukarere ugasanga nkumunyeshuri wize 2008 gusubiza inyuma bamubaraga nkumunyantegenke kandi rero bavugako umudiho uva mwitako wakwigisha wayura bitewe nogufata ubusabusa ireme rikavahe ? Nkabayobizi ba ministeri y’ uburezi mwicare mukemure ikibazo mureke kwirengagiza kuko named muzi aho biofira .murakoze.

  33. Batange ikizamini ubundi ugitsinze abone akazi agakore neza . Naho ubundi abize uburezi bari bamaze kujya babirisha bakanakica babyitwaza ngo ntawabakoraho. Cyakora ibidanago byo bazi kubyuzuza. Hari abize uburezi bashoboye pe. Ariko hari abandi badashoboye.isuzuma rya mwalimu ntirikabe ibidanago Gusa .babaze n’abanyeshuli uko biga ni bo bagenerwabikorwa.

  34. Ibi byose byabazwa abacunze uburezi mu myaka ya za 2000 na 2010. Muri societe ukora ukosa rimwe umwaka umwe, wajya kurikosora bikagutwara imyaka 10 cg 20. System y’Uburezi ntiyagombye gukinishwa cg guhindagurika uki buri muyobozi yishakiye kdi atazamaraho kabiri. Nimubona abana b’abayobozi n’abakire batangiye kujyana abana babo muri public schools, nibwo ikibazo cy uburezi kizaba gitunganye. Kubera ko iyo Minister cg gov abonye ko umwana we atiga neza ntaryama. Ahora ashaka uko yakemura ikibazo. Naho burya umusonga w undi ntukubuza gusinzira.

  35. Buriya kubazwa n’umuntu utakwigishije,utazi umutwe n’ igika ashobora kubazaho ntibyoroshye
    Kubihuza n’ubushobozo nabyo ntibyoroshye
    Kuko icyogihe n’utanga impamya bushobozi kubantu badashoboye nacyo cyaba ari ikindi
    Kibazo kandi ibyo bivugwa hirengagijwe
    Ubushomeri bamwe baba bamazemo iminsi
    Naho uvuzeko kwigisha bidasaba kuba warize uburezi byo birasekeje ubuse koko hazafatwe abantu abo aribo bose boherezwe mu buvuzi ngo bafite content? Nonese ibyo byaba bifatira iki umwanya abantu babyiha?

  36. Ese ni gute bavuga ko abarimu babuze kandi abatsinze ibizami bicaye? bazake uturere intonde zabatsinze barebe niba bose barahawe akazi

  37. Abarimu batize uburezi nabo barashoboye bagomba kujya mu ipiganwa nkabandi Bose utsinze ikizamini akajyanwa mukazi kuko aba agaragaje ko ashoboye Kandi nge numva ntamwarimu w’umwuga w’umuswa ubaho.

  38. Umuntu se atsindwa aruko Ari umuswa? None se kubera iki badusaba ku depoza ? Sukugirango barebe niba Koko ufite diprome none se sibo batanga izo diplome? Bajye bazigumana niba babona ko abo Bari kuziha Ari abaswa sibyo se? Biranababaje cyane guha umuntu impamya bushobozi warangiza ukamwita umuswa turababaye turababaye cyane

  39. None se ko Nyakubahwa Minister avugako abarimu badashoboye ariyo mpamvu bagiye guha akazi abatarize uburezi Ni gute batanga impamyabushobozi kubanyeshuri badashoboye iyo bazibima bakabanza kuzikirera babzikwiye ? Ikindi ko Barimo gushishikariza abana kwiga inderabarezi kdi abenshi batayishaka kubera uko babona abize uburezi nabuze akazi ubwo bo ntibaba bagiye guhemukirwa uberako abenshi bazaba babwize batabukunze? 3. Minister aravuga utyo ko barimu badashoboye kdi uburezi babuhaga abanyeshuri bagize amanota ya nyuma mu gihe abagize amanota meza babaga babahaye Andi mashami bifuzako bakwiga ahari byo ntibyaba byaragizwemo uruhari n’ababahaye kwiga uburezi? Bakwiye kubisuzjmana ubushishozi kuko hashobora kuzaho undi Muyobozi na we akaba abisubije inyuma ugasanga umurongo wa politic y’uburezi ukaba usubiye inyuma . Kuko Ni kimwe mu byasubije ireme ry’uburezi Aho abantu benshi bahora bahura n’impindhka nyinshi

  40. Ahhh ibyo muburezi birababaje pe nawese usibye ko mineduc yo yiyicariye hejuru ntijye kureba umuzi wibibazo hasi muturere wavugako wabuze abarimu c uwabara abari kuri waiting list zuturere nibangahe? Ese ubundi kuko bateguye ibizamini ntibikorwemuri conditions zimwe barumva bo nta faile bafite ,ikindi Kandi ko mbona kuri dipolome zabize uburezi mwandikaho ngo runaka has fullfilled all requirements nigute mwivamo ngo ntibujuje quality yabarimu mukeneye ,ahubwo muhere mu ma Madhuri yigisha uburezi ,ikindi Kandi ndumva ubwo nubundi icyo mwise competence based curriculum ntacyo ikivuze mugihe abo mwayigishijemuvugako badashoboyee.

  41. Abatsinzwe mubizamini birangiye si uko ntabushobozi bafite ahubwo ahanini icyabiteye ni Uburyo babajijwemo. Urugero Henshi bakoraga ibizamini 2 bakabaha igihe cyingana n’ikizamini kimwe nkaha muri Gakenke nkabakoze Geo na History babahaye gukora mugihe cy”Amasaha 3 gusa nabwo bakwa atarangiye. Nyamara yo babwirwa gukoramo kimwe gusa cg bakongererwa igihe barigutsinda cyane. Cyakora abatarize uburezi bazigishe muri secondary n’Amakaminuza ariko nanone hashobora gukemuka ikibazo kimwe hakavuka ikindi. Nibyo abazatsinda bazaba benshi Abarimu baboneke ariko Ireme ry’Uburezi ntirizabura gusubira inyuma. Ahubwo hari kubanza kurebwa n’iki cyatumye batsindwa kigakosorwa.

  42. Ntabwo ikibazo ari abakora ibizamini bagatsindwa, ikibazo n’abarimo bafite weakness iterwa na salaire nke ndetse n’ ubucucike bw’abana, nimwongere salaire murebe numwe yakwigusha ikigo cyose. Ariko kandi ntawatsinda nationale ngo atsindwe test validity , ahubwo n’imitegurire ya examen muyirebeho ndetse n’imikosorere.

  43. Yabugiyemo atarabwize!! Ntakundi yavuga kuko Aravugira abo bahuje ubuhanga mu burezi!!!!! We train teachers for a better future geration-after so hard work, such uninformed decisions will take back to the stone age!!!

  44. Abarimu turahari gusa uburyo bwimitangire y’ikizamini n’imikosorere nabwo hamwe nahamwe si bikorwa neza cyane cyane ahakoreye abantu benshi. Urugero nahakoreye abantu buzuye stade ariko ugasanga benshi batsinzwe. ESE barakosoye ubwo? Iki kandi kigaragazako imikosorere nayo itari ihitse nuko uwabaye intwali akora Claim wasangaga bamuhaye 50% basubiramo ikosora akagira 80% ese ubwo mbere bari bakosoye? ESE ubwo ababireganiyemo batakoze claim bo bangana gute? Gusa ntihatagira igihinduka nabo mwita abahanga nabo bazatsindwa.

  45. Ibibibazo biterwa nimitegurire yibizamini inanoze, nigute umuntu akoza ikizamini agatsinda mukarere runaka bakaba batamuha akazi mukandi karere kabuze abakozi,? Abarimu baratsinze ahubwo nibafate abatsibnze Bose e batitaye kukarere bakoreyemo bihite bikemuka

  46. 1. Buriya iyo system y’ uburezi ari weak na product iyivuyemo iba weak!! niba umwana yimuka akavamu wambere akageza kaminuza ari weak byose bimwangiza cg biramukurikirana muri performance ye.
    2. Mwalimu wize cg wahawe uburezi bufite ireme yakagombye kuba ari umuntu utsinda ibizamini yahawe.
    3. Kwivuguruza kwa hato na hato mu burezi nabyo bimeze kugera abantu abantu! ejo turabirukana mwige PGDE, abatarize uburezi mugaruke!!Ahubwo bakureho za TTC na za college of education niba koko bazi definition cg value y’ agaciro Ku uburezi.
    4. Abantu bakora Ku ishuri rimwe cg atandukanye kdi bombi bafite A0 ugasanga umwe arayihemberwa , undi wapi!! mu bushobozi buke Wenda igihugu gifite barebye ukuntu baha agaciro degrees zabo cg level zigahabwa agaciro kamwe muri education? nzumuntu wavuye mu uburezi yarabwize anatsindisha, ariko level ayimaranye 7 years ntakuyimuhembera.
    5. Imitegurire y’ ibizamini nayo yigweho, barebe niba timing yagenewe buri kuzamini byaribikwiye cg byarakurikijwe! Aho ibizamini byakorewe niba hari favorable.Kuko leta niba yanga ubucucike no gukopera hanyuma ikarunda abantu 6000 muri stade cg mu kibuga NGO bakire bandikira Ku mavi wagirango ni provisoire bakorera, njye ndabipinze.
    6. Ruswa mu turere ni ikibazo, kuko nubwo buriya ari REB yabiteguye ariko ntabwo yigeze ikurikirana imikosorere n’ umutekano wa biriya ibizamini?kuko udafite cash zo kubetting nubundi azabitsindwa kabone nubwo ruswa itaba yarabaye hose ariko pay attention Ku turere tumwe na tumwe twariye amafranga ya bamwe! DEOs!!!!!!!
    7. Ikindi nuko Mineduc, ireba mu turere twose abakoze bagatsinda bakaba bari kuri waiting list, babasabe kujya aho habuze abarimu?kuko ntibyumvikana ukuntu abantu birigwa batanga exam kdi hari abatsindiye iyo myanya mu tundi turere NGO bari kuri waiting!!!No sense
    8. Amafranga agurizwa mwalimu muri Sacco agomba kujya nibura kuri 5000000fr nta ngwate zigiyeho z’ imitungo kuko umuntu w’ umusore umaze umwska mu kazi ukeneye kubaka uzamubaza ingwate yakuye hehe?Mufashe abarimu rwose
    9. Ku giti cyanjye ndisabira umubyeyi gukora amavugurura mu uburezi uhereye Ku rwego rw’ umurenge! niba umuntu ayobora ikigo cy’ amadhuri imyaka ucumi yabuzwa ni Ku kugangara?yabuzwa ni iki gutanga ruswa NGO ikigo cye bagishyire mu myanya ya mbere?Abadepite bagiye bicisha bugufi nibura bakagera ahantu abarimu bakorera exam ukuntu biba bimeze?squeezing, cheating, noise, sweating, tiresome environment!! Gusa ndashimira u mukuru w’ igihugu imbaraga adahwema gushyira mu burezi!! Niba minister yavuzeko abatarize uburezi nabo bakenewe ,njye ndasaba perezida Wacu adushyirire muri ministeri ya education afande general Mubaraka, Kazura, cgwa nabandi bashobora gukebura ibyigomeke by a bayobozi muri system ya education yacu guhera hasi ukageza hejuru. Murakoze

  47. Ibindi bidindiza inyigire y abanyeshuri bo mu mashuri abanza ndetse n ayisumbuye, abayobozi bashinzwe gusuzuma ndetse no kugenzura imyigishirize y abarimu (Supervisors), bita gusa kureba ko ibitabo byabo bizwi nk IBIDANAGO byujuje neza aho kureba ko isomo mwarimu yigisha hari umusaruro uvamo. Bityo rero ugasanga mwarimu arafata umwanya munini yuzuza ibidanago cyane ko ari na byinshi, akagira umwanya wo kuzuza ibyo bitabo yirengera kuko aribyo aba azabazwa kandi mu byukuri mwarimu wabyize ariwe ufite methodology y uko aribwigishe umwana akabasha kumva isomo rye ubundi akabazwa umusaruro wavuye mu isomo rye harebwe imitsindire y abanyeshuri. MURAKOZE

    1. Nonese ni gute mu turere bamwe bari bazi amanota yabo rwose abatsinze biyizi kandi amanota atarasohoka muri REB !? Nonese umuntu agaragazwa ko atemerewe kudepoza kubera ibyangomwa bituzuye ( yewe bitanasobanutse) bikarangira akoze ikizamini akaba ari nawe utsinda agahabwa akazi. Nyine gukoraikizamini ni kimwe no gutsinda ni ikindi .

  48. Petit stade ni yo izi amabanga y ibyakozwe Mu kizamini yemwe musigeho!umuyobozi ati :”gutsinda olikizamini ni kimwe no kubona akazi ni ikindi!”aya magambo yarahatse byinshi!

    1. Uburezi bwarapfuye pe.Imana niyo izabuzahura.Imana izarengere abana bacu.Abayobozi b’uburezi bo hejuru nibashyireho gahunda ihamye y’uburezi,gusibiza abatsinzwe bisubireho,bashyire abarimu mu myanya Ku gihe.Uburezi bakwiye kubutandukanya n’akandi kazi gasanzwe.Ubu igihembwe kigiye kurangira nta barimu baragera mu mashuri ngo bategereje ibizamini.Bagiye bareba amanota ari kuri diplome cg Bulletin zabo bakoroshya ibintu.Mudusabire mu mwiherero bazacyigeho.

  49. Nonese abayobozi nibihanganira kubura abarimu abanyeshiri bo biragenda Ute? Kd tuzineza ko hari abarimu bari kuri waiting list muturere dutandukanye ngewe ndumva baha akazi abo bari kuri waiting list batitaye akarere batsindiyemo kuko abatsinze barahari kd batari mukàzi kubera ko akarere yakoreyemo batsinze Ari benshi naho u bundi quality education ntayo kbx

  50. Nasomye comments zose zambanjirije nsanga abanditse bose ibibazo babigaragaje, niba hari ushinzwe kwegeranya ibibazo biri mu burezi kugirango bishakirwe umuti yaza agasoma coments abasomyi bashyizeho.
    Jyewe narumiwe ndicecekera. Gusa hari umuntu umwe wigeze kuba State Minister muri Mineduc , namubonaga nk’umuntu uvuga rikumvikana. Yemwe hari nibyo yashyize k’umurongo nanubu biracyubahirizwa. Uwaduha undi nkawe ubanza hari icyahinduka. Naho ibiri kuba mu burezi mu Rwanda ni ukubitega amaso. Murakoze.

  51. Niba kwiga Uburezi bitaguhesha akazi ko kwigisha.Kuki mubikangurira abana?Njye mbona umwana wize Uburezi akwiye guhabwa akazi nta yandi mananiza.Kuko muba mwaramuhaye diplome ibyemeza ko abishoboye.Ibyo bizami mutanga biruta ibyo muba mwarabahaye bari kwiga na Exetat.Mugabanye amananiza mu burezi.Nyakubahwa Minister w’uburezi mujye mugisha Inama abari kuri terrain naho hejuru turabona byarananiranye.Murakoze.

  52. Ahhhhhh, abize uburezi ibizamini birabatsinze , none se abatarabwize bazahabwa akazi nta bizamini bakoze ???
    None niba nabo bazakora ibizamini murumva aribo bazabitsinda ??

    Habuze umuntu uvuga rikumvikana ngo yatake ikibazo nyirizina , ngo akigaragaze gishakirwe igisubizo gikwiye. Naho ngo ibizamini , ubucucike, ibidanago………

  53. Suko byari bikomeye ahubwo uburyo biteguwemo ntago Ari byiza , uburyo bw’ihe imyicarire ibyo byose usanga bigoranye ngaho kwandikira kumatako ese mwe mubona ibyo bitari mumbogamizi zo gutsindwa

  54. Ntabwo byoroshye kuko n’abari bageze mu kazi hamwe na hamwe bakuwemo ngo bakoze ikizamini kimwe ubwo se abo bana baraba abande? Mutubwire.

  55. Nakoreye exam i Gasabo muri Petit stade, nabonye condition dukoreyemo mpita mbona n’umusaruro uzavamo. Baduhaye exam batinze, ntibatuma dukora mu gihe kigenwe. Mukore ubushakashatsi murebe. Ntabwo ari uko abakoze badashoboye. Minister yarahageze nawe hari amakuru yabonye. Conditions ntizubahirijwe kuburyo buboneye.

  56. Niba diplome zitangwa zihabwa abaswa ,bajye baziha abazikwiye kdi abategura ikizamini(recruitment test) bongere nabo bagenzure neza imitegurirwe y’ikizamini batanga barebeko cyujuje ibisabwa(Test validity) n’uburyo gikorwamo (passation) , nahubundi biratangaje pe !

  57. Ndahamya ko abantu muri kwandika aha abenshi mwize muri iyi system ya automatic promotion kuko bibaye Atari byo mwakabaye mufite ingero nyinshi twize twigishwa n’aba D3,abize SERAI n’abandi arko ntibyatubujije kumenya ubwenge ngo nuko bataminuje uburezi ikibazo ni system si umwalimu uwo ariwe wese.Minister mweguza akosheje iki nimuhatanishe ubwo bumenyi bwanyu nyine mubatsinde kuko batize uburezi.Nta mpamvu yo kurata degree za education zidafite ubumenyi buhagije mutekereze mugiye guhaha ku isoko ibirayi ugasanga ari agafuka Kramer muri 500 kdi buri wese ashaka 25kgs! Mwahendwa mukarwanira kuburyo utamenya ni ikiboze ujyanyemo arko iyi ari amaduka menshi n’imifuka myinshi uhaha neza udahenzwe kdi ugahaha byiza@Alpha

  58. Ibi birababaje cyane ,mbese uyu muntu uvuga gutya aba bize uburezi sibo babaha impamya bushobozi?Niba badashoboye bazibaha gute? ni gute basuzuma umuntu muri O’Level,A Level akarinda arangiza kaminuza nyuma ngo ntashoboye nge nahita mpera ruhande nkahana umuntu wese ufite aho ahuriye nitangwa ry’impamyabushobozi.Nemera cyane ko kuba umuntu yatsinzwe bitavuze ko adashoboye ahubwo hari impamvu nyinshi zituma umuntu atsindwa,n’abayobozi ubwabo bicaye mu ntebe izi saha uwabategurira ikizami cyatsinda mbarwa kimwe nuko ntanuwagigitsinda.

  59. Ariko uburezi buzahoramo ibibazo kugera ryari koko! Nonese yirengagije ko bafashe igihe bakirukana abantu ngo ntibize uburezi? Gusa nge icyo tutemeranyaho Primary rwose igomba kujyamo umuntu uvuye mu nderabarezi TTC Gusa mu Secondary ho nta Kibazo

  60. Niba bashaka ireme ry’uburezi bazategure inama y’igihugu y’uburezi abarimu bose bauiteranire mo ubundi abayobozi bahe rugari abarimu binigure ireme ry’uburezi bazahava bariboneye igisubizo.Ireme ry’uburezi riri hagati mu barimu kdi si abaswa ibyo basaba biramutse bikozwe n’uko kwiga uburezi bavuga ntacyo byaba bikimaze.murakoze

  61. Nge ndabona ibi ntaho byahurira n ireme ry’uburezi badusezeranya kuko ibi byagakwiye gukorwa igihe babona ko TTC ntacyo ikimaze kandi niba babona hari ikibura mo bakwiye kucyongera mo bitari ibyo ntareme ry’uburezi tukibategereje ho.

  62. Nigute muvugako abarimu badashoboye kd arimwe mubaha impamyabushobozi zerekana ko runaka ashoboye?nyamara education yagahawe value nkandi mafaculte.

  63. Mwiriwe neza, ntangiye nisegura kuko ntemeranya n’abavuga ko kuba abakoze ibizami bataragrjeje ku manota 70 ari ubumenyi buke! Oya siko biri! Ikibazo nyiri izina kiri muri examination system!
    Reasons are :
    1. Hari abasabye kwigisha isomo rimwe kandi bo baratsinze, urg. HISTORY, icyo kizamini cya HISTORY + English + ICT cyahawe amasaha 3
    2. Umuntu wasabye kwigisha HISTORY +GEOGRAPHY, yahawe ikizamini kimwe n’uwasabye kwigisha rimwe muri ayo masomo + ICT+ENGLISH kuri buri exam kandi bigomba gukorwa amasaha 3 byose uko ari 6 ( history +Geo + 2 ICT + 2 English)
    3. Bimenyerewe ko iyo wakoze exams ebyiri wongererwaho nibura isaha imwe.
    4. Sinumva impamvu yo gukora two identical English & ICT exams.
    Bagakoze ICT imwe English imwe then ayo manota akongerwa kuri History no kuri Geography. Kandi bakongerwa isaha (cfr 3)
    5. My view, banoze uburyo bw’imibarize cg bateranye amanota bagiye bagira barebe ko batabona 70 nk’abandi!

    Murakoze

  64. Aha rwose ntibyumvikana uvugako umuntu yize akarangiza University yashyiriweho kwiga kwisha warangiza ngo yatsinzwe n’ikizamini! Muhindure imibarize cga se nkuko za 2015 byagendaga bikomeze ndizerako ntacyo byari bitwaye. Umuntu urangije RUKARA COLLEGE ashyirwe mu kazi nta mananiza kuko ndizera ko ibizamini aba yarakoze atari bike, udashoboye se Diploma ayibona ate?

  65. Ese iteka rya President rivuguruzwa na article yanditswe mu Imvaho Nshya? Cg rikurwaho n’irindi? Dufite iteka ryihariye rivuga kuri status yihariye igenga UMWARIMU mperuka numva bavuga ko batoye irindi ririsimbura ariko aho kurisohora ngo ritangire gukurikizwa umuntu aragenda akihererana umunyamakuru akavuga ibitekerezo bye kugiti cye ubwo bikaba bihise binatangira gushyirwa mu bikorwa! Umwiherero w’abayobozi bakuru uzabirebeho tubafitiye ikizere

  66. Ntabwo abarimu babuze bafite ubushobozi ahubwo ni uburyo ibizamini bikorwamo ‘ kuko ntabwo watanga ibizamini bibiri byateguwe mu masaha 6 kimwe ari amasaha atatu nikindi atatu ukurikije ibyo umuntu yize byarangiza bigakorwa mu masaha atageze nokuri 4 ubwo koko ibyo bizamini wabitsina gute.

  67. Ahubwo kuki batanga diploma bazi ko badashoboye
    Nanihahandi umuntu azigisha atarabyigiye NGO arashoboye
    Ubu c umuntu yaba muganga NGO atarabyize
    Ahhhaa

  68. Njyewe igitekerezo cyanjye n’iki :Ibizamini ni byo koko byarateguwe, ari ko nibikosorerwe hamwe murwego rwa Reb nk’uko n’ibindi bizamini bisoza I byiciro by’ama shuri bi kosora habeho coordination imwe ku ba markers kugirango bikosorwe mu buryo bumwe kuko haraho wasanga GA umukosozi yarakosoye kubwe buryo nundi bikaba uko bityo ugasanga Ibizamini bitari bihuje standard. Naho ibyo kuvuga ngo abarimu bakoze ntabwo bashoboye wasanga nabakosoye Bari mu bafashoboye kuko mu turere twinshi habonetseho reclamation Kandi zifite ishingiro. Murakoze

  69. Hello bavandimwe? Nubwo barimo bavuga ngo abarimu bakoze ikizamini baratsindwa umanza ahari bataziko Hari benshi bakoze bagatsinda kd kugeza ubu bakaba batarabona aho kwigisha ngo barazirako bakoreye mukarere runaka . Haramutse harimo gushishoza ntabwo abantu bakora ikizamini kimwe cyateguwe na REB ngo nibarangiza bahe akazi ufite70% naho ufite 75% bakamwime ngo nuko yakoreye ikizamini mu karere runaka. Niba bavugako babuze abarimu nibamanze bahereze akazi abari kuri waiting list. Murakoze

  70. njye mbona ikizame cyavaho Niba arukubimeze KBS umuntu akajya yandika ibaruwa isaba akazi niba ataribyo ntagihe bazigera babona abarimu bifuza.

  71. Twabakoreye bataduhemba dufite level zacu none conditions Z ibizamini batanze ziduhinduye abaswa!Ni gute UR isohora abantu badashoboye? Ubwo ikibazo si twe ni abatwigishije. Iyo umunyeshuri atsinzwe ni mwarimu uba utsinzwe.hanyuma niba bashaka kugarura abazi theory basubizeho KBC kuko CBC ntigikenewe. Ni gute abantu 50 bose habura numwe utsinda ikizamini kabone niyo twaba abaswa????

  72. Hakenewe ubushobozi buhagije kukigo cyigihugu gishinzwe uburezi naho abarimu bararengana nigute REB itegura ikizamini ntishyireho amabwiriza ya cyo ubuse akavuye Kari mu burezi kazanywa nabarimu cg ni imicungire yabwo? Ngo abarimu ntibakoze ibizamini 2, ubwo se icyo ni ikibazo cyabo uboshye bahawe ikizamini ntibagikore? Arko ntawamenya nubundi ngo ntamukuru ukosa.

Tanga Igitekerezo

Email yanyu ntigaragazwa ku rubuga. Amazina na Email ni ngombwa.