25°C , Mostly cloudy | Kigali-Rwanda

MINEDUC irasabwa kuvugurura amasezerano n’amashuri ifatanya na yo

Yanditswe na Mugisha Benigne

Ku ya 08-12-2019 saa 19:03:03
Minisitiri w'Uburezi, Dr Mutimura Eugene

Abayobozi bamashuri abafatanya na Leta ku bwamasezerano barasaba Minisiteri yUburezi kuvugurura amasezerano bagiranye mu bufatanye kubera ko ngo hari byinshi bikwiye kuba biyakubiyemo bitarimo.

Padiri Nchimatata Oreste wo muri Diyosezi ya Kibungo wari witabiriye inama yahuje Minisiteri yUburezi nabafatanyabikorwa yagarutse ku kibazo abona mu masezerano iyi Minisiteri ikwiye kuvugurura kugira ngo amasezerano yubufatanye anogere impande zombi kuko ngo ayahari yasinywe kera nta kijyanye nigihe.

Ati: “Amasezerano hagati ya Kiriziya na Leta yagiyeho mu mwaka wa 1987 ariko nta murongo yatangaga, ni ngombwa ko amasezerano avugururwa agateganya inshingano za buri ruhande, uburenganzira nicyo buri ruhande rusabwa gukora.
Padiri Nchimatata avuga ko kuvugurura amasezerano hagati ya Leta nabafatanyabikorwa byatuma imikorere yamashuri afashwa na Leta ku bwamasezerano iba myiza kandi namashuri agakora neza.

Kuri iki kibazo Minisitiri wUburezi Dr Mutimura Eugene avuga ko amasezerano hagati ya Leta namashuri ifasha ku bwamasezerano aherutse kuvugururwa mu myaka 5 ishize ariko na we yemera ko hari ibikwiye kongerwamo akavugururwa ku mpande zombi kugira ngo abashe gutanga umusaruro mu mashuri no mu banyeshuri bayigamo.

Ati: Amasezerano hagati ya Leta nibigo byamashuri bafatanya ku bwamasezerano aheruka kuvugururwa mu myaka 5 ishize, ariko ni byo birakwiye ko yongera kuvugururwa kugira ngo ibikenewe byose bigemo, bityo amashuri abashe kuyoborwa neza no gutanga umusaruro.

Avuga ko ababishinzwe bazabitegura kugira ngo bikorwe ku mpande zombi kuko nawe asanga ari ngombwa kugira ngo buri ruhande rugire icyo rusabwa rugomba gushyira mu bikorwa no kubazwa mu gihe rutabikoze, inshingano za buri ruhande, ibyo kandi bigakorwa mu buryo busesuye kandi bwumvikana.

Abo mu yandi madini na bo bafitanye amasezerano na Leta bavuga ko bashimiye ko Minisitiri wUburezi wemeye ko ayo masezerano ari ngombwa na bo bikaba bibareba buri ruhande rukaba rugiye kureba ibikwiye kujya mu masezerano yimikoranire, byose ngo bikaba biganisha ku guteza imbere ireme ryuburezi mu mashuri yinshuke, abanza nayisumbuye.

Umwanditsi:

Mugisha Benigne

Tanga Igitekerezo

Email yanyu ntigaragazwa ku rubuga. Amazina na Email ni ngombwa.