18°C , Mostly cloudy | Kigali-Rwanda
As Kigali yabanje mu kibuga mu mukino wa shampiyona wabahuje na Kiyovu Sports mu Kuboza 2017

Mbaraga Jimmy arasaba AS KIgali kurangiza ikibazo cy’imishahara

Yanditswe na BIZIMANA ERIC

Ku ya 07-10-2018 saa 11:51:26

Mbaraga Jimmy arasaba ubuyobozi bwa AS Kigali kurangiza vuba ibibazo by’amafaranga n’ibirarane bafitiwe bitaba ibyo abakinnyi bagafata izindi ngamba.

Ni mu gihe amakuru yizewe ava muri AS Kigali ahamya ko abakinnyi bagiye mu biruhuko bafitiwe ibirarane by’imishahara by’amezi abiri batangira imyitozo batarayabona.

Mbaraga Jimmy, umwe mu bakinnyi ba AS Kigali

Mbaraga, umwe mu bakinnyi bakuru ba AS Kigali, asanga ubuyobozi bukwiye kubahiriza amasezerano yabwo bugakemura ibi bibazo hakiri kare.

Ibi binashimangirwa na Nshutinamagara Ismail Kodo, umutoza wungirije na we wemeza ko ibibazo by’amikoro byatumye AS Kigali itangira nabi uyu mwaka w’imikino.

Ati “Ibihe turimo ntabwo ari byiza kandi nta n’ubwo ari bibi cyane, twatangiye imyitozo ariko aho bigeze bisa n’ibigenda bikemuka nubwo bwose dukora imyitozo bigoranye. Uko abakinnyi babayeho ni ikibazo.”

Yungamo ati “Intego zacu tuzazigeraho nubwo twatangiye kwitegura nyuma y’andi makipe yose, intego yacu ni ya yindi yo gutwara shampiyona. Gusa birasaba ko ibyo bagomba abakozi babo bagomba kubibakorera.”

Kodo ahamya ko AS Kigali igifite ubushobozi bwo guhanganira igikombe kabone nubwo idafite abafana, ariko byose bisaba ubuyobozi gushyiramo ingufu mu gukemura ibibazo by’abakinnyi.

Imvaho Nshya yagerageje kuvugana n’abayobozi b’iyi kipe y’umujyi ariko ntibyakundira.

TANGA IGITEKEREZO

Leave a Reply

Your email address will not be published. Required fields are marked *