21°C , Intermittent clouds | Kigali-Rwanda
Niyomwungeri ushinzwe imenyekanishabikorwa muri Mashariki Festival

Mashariki African Film Festival ku nshuro ya 4 iregereje

Yanditswe na NDAMYIROKOYE FRANÇOIS

Ku ya 21-02-2018 saa 06:56:58

Iserukiramuco ryiswe “Mashariki” Niyomwungeri Aaron ushinzwe imenyekanishabikorwa muri iri serukiramuco  akaba anashinzwe gutegura ibirori bijyanye n’iryo serukiramuco yatangarije Imvaho Nshya ko  kuva ku ya  25 kugeza ku ya 31 Werurwe 2018 hazaba iryo serukiramuco ku nshuro yaryo ya kane.

Niyomwungeri ushinzwe imenyekanishabikorwa muri Mashariki Festival

Kugeza ubu avuga ko hoherejwe amafilimi  arenga 85 ngo ariko hagomba gutoranywamo agomba guhatana ku rwego rw’igihugu, urwa karere u Rwanda rubarizwamo no ku rwego rw’Afurika.

Filimi zihatanira ibihembo yavuze ko ari izivuga muri rusange ku buzima bw’Abanyafurika.

Yagize ati “Filimi zihatana zivuga ku buzima bw’Abanyafurika”.

Ku rundi ruhande ariko mu iserukiramuco ngo hazerekenwa filimi zitandukanye abantu bakunda zizerekanirwe ahantu hanyuranye.

Kuva ku ya 26 kugeza ku ya 30 Werurwe 2018 ayo mafilimi ngo azerekanirwa ahitwa  Impact Hub (The Office) mu Kiyovu, Century Cinema mu Mujyi wa Kigali, Goëthe Institute, Maison de jeunes ya Kimisagara no kuri Cine Star  mu Biryogo.

Gutangiza iserukiramuco no kurisoza kuzabera ahazwi nka Camp Kigali muri Kigali Confrence and Exhibition Village mu cyumba kizwi nka “Akagera” (Akagera Hall”.

Filimi ziba zahize izindi muri buri kiciro ba nyirazo bahabwa igihembo.

TANGA IGITEKEREZO

Leave a Reply

Your email address will not be published. Required fields are marked *