27°C , Mostly cloudy | Kigali-Rwanda
Umutoza w'ikipe y'igihugu, Mashami (ibumoso), kapiteni w'Amavubi, Haruna Niyonzima (hagati) na Kagere Meddie ubwo bari mu kiganiro n'abanyamakuru (Foto Bugingo F)

Mashami afite ikizere  cyo kwitwara neza ku mukino wa Cote d’Ivoire

Yanditswe na BUGINGO FIDELE

Ku ya 08-09-2018 saa 12:38:36

Tariki 09-09-2018

Rwanda-Cote d’Ivoire (Kigali -15h30)

Guinea-CAR (Conakry-18h30)

Ejo tariki 09 Nzeri 2018 ni bwo ikipe y’u Rwanda “Amavubi” izakina na Cote d’Ivoire mu mukino w’umunsi wa kabiri mu itsinda H mu gushaka itike ya CAN 2019  izabera muri Cameroun.

Umutoza w’ikipe y’igihugu, Mashami (ibumoso), kapiteni w’Amavubi, Haruna Niyonzima (hagati) na Kagere Meddie ubwo bari mu kiganiro n’abanyamakuru (Foto Bugingo F)

Kuva tariki 21 Kanama 2018, ikipe y’u Rwanda yatangiye imyitozo yitegura uyu mukino. Ejo hashize tariki 07 Nzeri 2018, umutoza w’ikipe y’igihugu “Amavubi”, Mashami Vincent yagiranye ikiganiro  n’abanyamakuru maze atangaza ko biteguye neza kandi  bafite ikizere cyo gutsinda uyu mukino.

Uyu mutoza  yavuze ko  abakinnyi bose bameze neza nta kibazo kandi ko bifuza kwitwara neza kuri uyu mukino kuko yaba ari amahirwe  yo kuva ku rwego rumwe bajya ku rundi

Mashami akurikije imyitozo bamaze iminsi bakora n’ubwo yabaye igihe gito atangaza ko  birimo gutanga ikizere  cyo kwitwara.

Kapiteni w’Amavubi, Niyonzima Haruna nawe yatangaje ko buri mukinnyi wese yiteguye  uyu mukino kuko byatuma hari aho u Rwanda ruva n’aho rugera. Muri 2011 ubwo Cote d’Ivoire iheruka gukina n’Amavubi, kuri Sitade Amahoro, Cote d’Ivoire yatsinze u Rwanda ibitego 5-0.

Aha Niyonzima avuga ko ubu  bitashoboka kuko hari byinshi byahindutse. Ati Hari byinshi byahindutse, gusa mu mupira w’amaguru byose birashoboka ariko nta bwo biriya  twabitindaho cyane, ubu icyo tureba ni ukwitwara neza.”

Rutahizamu wa Simba SC, Kagere Meddie wongeye kugaruka mu ikipe y’igihugu nyuma y’imyaka 4 yavuze ko nta bwoba bafitiye abakinnyi ba Cote d’Ivoire bakina mu makipe akomeye i Burayi.

Ati “Kuba bakina hariya ni amahirwe bagize kuko natwe tuyafite twajyayo tugakina, ndumva rero nta bwoba baduteye twiteguye guhangana na bo kugira ngo tuzabone insinzi.”

Uyu rutahizamu asa n’aho ari we uhanzwe amaso n’abakunzi b’umupira w’amaguru mu Rwanda ko yafasha ikipe y’igihugu kwitwara neza. Kuri we abona icya mbere ari ugukurikiza ibyo yasabwe n’umutoza kandi ko yumva yifitiye ikizere ko azitwara neza.

Mu bakinnyi 32 bari bahamagawe, 31 ni bo babashije kwitabira umwiherero  naho Tuyisenge Jacques ntiyitabira kubera ikibazo k’imvune. Muri aba 31, umutoza Mashami yasezereye 5 aribo  Ngendahimana Eric (Police FC), Nizeyimana Djuma (Kiyovu), Iragire Saidi (Mukura), Uwimbabazi Jean Paul (Kirehe FC) na  Mbaraga Jimmy (AS Kigali).

Mashami atangaza ko yasigaranye abakinnyi 26 kugira ngo bakomeze bahangane hatazagira umukinyi wirara kuko iyo abishaka yari gusigarana 18.

Abakinnyi 26 bazakurwamo 18

Abanyezamu: Kwizera Olivier (Free State Stars), Kimenyi Yves (APR FC), Rwabugiri Omar (Mukura) na Ntwari Fiacre (Intare FC)

Myugariro: Nirisarike Salomon (AFC Tubize), Usengimana Faustin (Khitan SC), Rwatubyaye Abdul, Manzi Thierry, Rutanga Eric (Rayon Sports), Rugwiro Herve, Manishimwe Emmanuel, Fitina Omborenga (APR FC) na Rusheshangoga Michel.

Hagati: Mukunzi Yannick, Muhire Kevin (Rayon Sports), Mugiraneza Jean Baptiste, Buteera Andrew, Iranzi Jean Claude (APR FC), Niyonzima Ally (AS Kigali), Bizimana Djihad (Beveren), Niyonzima Haruna (Simba SC), Cyiza Hussein (Mukura ) na Sibomana Patrick (FC Shakhtyor).

Rutahizamu: Kagere Meddie (Simba SC), Usengimana Danny (Tersana FC)   na  Hakizimana Muhadjili (APR FC).

 

TANGA IGITEKEREZO

Leave a Reply

Be the First to Comment!

avatar