22°C , Mostly cloudy | Kigali-Rwanda
Maniraruta Martin uzwi nka Mani Martin

Mani  Martin yavuze  igihe indirimbo ye na Sauti Sol izasohokera

Yanditswe na NDAMYIROKOYE FRANÇOIS

Ku ya 13-06-2018 saa 06:02:06

Maniraruta Martin uzwi muri muzika nyarwanda  ku izina rya Mani Martin yatangarije Imvaho Nshya ko mu ntangiro za  Kanama 2018 ari bwo indirimbo yakoranye na Sauti Sol izasohoka.

Maniraruta Martin uzwi nka Mani Martin

Avuga ko bose baganiriye bakemeza  ko isohotse icyo gihe ari bwo byaba ari byiza. Yagize ati  «Twabiganiriyeho twemeza ko tuyisohoye kiriya gihe byadufasha».

Indirimbo y’aba bahanzi  imaze igihe yarakozwe gusa Mani Martin yagiye atangaza ko Sauti Sol yagiye igira akazi kenshi katumaga batabasha kuganira ku mushinga wo kuyisohora.

Ubwo Sauti Sol iheruka kuza gutaramira mu Mujyi wa  Kigali mu birori byari byateguwe na Mo Ibrahim Foundation, Mani Martin yari yatangaje ko wari umwanya wo kuganira  ku  kuntu iyo ndirimbo yasohoka.

Uretse iyo ndirimbo, Mani Martin yavuze ko aherutse  gusohora indirimbo yitwa «Rwagasabo» ivuga ku bwiza bw’u Rwanda n’indi yitwa «Chalalala» ivuga ku  buzima busanzwe  aho rimwe na rimwe umuntu ashobora kwiyemeza gukora ikintu cyamuteza imbere ariko akagira abamuca intege.

Kuri iyi ngingo avuga ko umuntu aba adakwiye gucika intege ahubwo akwiye kumenya icyo ashaka  agakorana umuhate.

Yavuze kandi ko mu  minsi mike iri imbere  ari bwo ateganya gusohora amashusho y’indirimbo «Rwagasabo».

Umuhanzi Mani Martin asanzwe azwi ku ndirimbo nyinshi zirimo  iyitwa «Romantic», «Ndaraye», «Akagezi ka Mushoroza», «Afro» n’izindi.

TANGA IGITEKEREZO

Leave a Reply

Be the First to Comment!

avatar