27°C , Mostly cloudy | Kigali-Rwanda
Umuhanzi Intore Masamba

Kwibohora: Masamba na Teta Diana bazataramira mu Buholandi

Yanditswe na NDAMYIROKOYE FRANÇOIS

Ku ya 02-07-2018 saa 06:02:05

Mu rwego rwo kwizihiza umunsi mukuru wo Kwibohora, Masamba na Teta Diana bazataramira mu Buholandi ku ya 4 Nyakanga 2018 ahitwa Den Haag mu Buholandi.

Umuhanzi Intore Masamba

Intore Masamba aganira n’Imvaho Nshya yavuze ko yiteguye kuzataramira abazitabira igitaramo mu buryo bwiza abaririmbira indirimbo zijyanye n’uko u Rwanda rwabohowe.

Avuga kandi ko ukwezi kwa Nyakanga kumwibutsa urugendo rwe mu rugamba rwo kwibohora ngo kandi muri icyo gitaramo azaririmbira abantu izindi ndirimbo ze bakunda. Yagize ati “Ukwezi kwa karindwi kunyibutsa urugendo rwange mu rugamba rwo kwibohora”.

Umuhanzi Masamba kandi muri iyi minsi yarimo gukorera ibitaramo muri Zambia ndetse na Mozambique ari kumwe na Knowless, King James ndetse na Orchestre Impala. Asanzwe kandi azwi ku ndirimbo zirimo iyitwa “Kanjongera”, “Mama shenge”, “Wirira”, “Araje”, “Ziravumera” n’izindi.
Naho Teta Diana we azwi ku ndirimbo zirimo iyitwa “Birangwa”, “Velo”, “Tanga agatego” n’izindi.

Ku rundi ruhande kandi umunsi mukuru wo Kwibohora wizihizwa buri mwaka. Ingabo zabohoye u Rwanda zari zirangajwe imbere na Perezida Paul Kagame.

TANGA IGITEKEREZO

Leave a Reply

Be the First to Comment!

avatar