19°C , Mostly cloudy | Kigali-Rwanda
Bamwe mu bakinnyi bitwaye neza bamaze kwambikwa imidari

Kung Fu:  Bishimiye uko irushanwa ryo kwibuka ryagenze

Yanditswe na BUGINGO FIDELE

Ku ya 13-06-2018 saa 06:19:33

Perezida w’ishyirahamwe ry’umukino njyarugamba wa Kung Fu-Wushu mu Rwanda “RKWF”, Uwiragiye Marc yatangaje ko  irushanwa ryo kwibuka  ryagenze neza  ndetse anashimira cyane ibihugu byaryitabiriye.

Bamwe mu bakinnyi bitwaye neza bamaze kwambikwa imidari

Iri rushanwa ryo kwibuka abari mu muryango mugari wa siporo bazize Jenoside yakorewe Abatutsi mu 1994 ryabaye tariki 09 kugeza 10 Kamena 2018 ryari ryitabiriwe n’ibihugu  5 birimo u Rwanda, Zambia, Tanzania, Kenya na RDC.

Mbere y’iyi mikino yabereye muri Lycée de Kigali mu Rugunga, abitabiriye bose babanje gusura urwibutso rwa Jenoside rwa Kigali ku Gisozi basobanurirwa amateka ya Jenoside.

Abitabiriye iyi mikino babanje gusura urwibutso rwa Jenoside ku Gisozi

Ubwo bashyiraga indabo ku mva zishyinguyemo imiri y’abazize Jenoside yakorewe abatutsi mu 1994

Uko imikino yagenze

U Rwanda ni rwo rwitwaye neza rwegukana imidari 64 harimo 23 ya zahabu, 24 ya Feza na 17 ya Bronze. Hakurikiyeho Zambia yegukanye 17 harimo 8 ya zahabu, 3 ya Feza na 6 ya Bronze.

Imikino yari inogeye ijisho

Ku mwanya wa 3 haje Tanzania yegukanye imidari 5 harimo 1 wa zahabu, 1 wa Feza n’indi 3 ya Bronze. Kenya yegukanye imidari 3 harimo 1 wa Feza n’indi 2 ya Bronze. Ikipe ya 5 ari yo RDC nta mudari n’umwe yegukanye.

Mu gusoza iri rushamwa ry’umukino wa Kung Fu Wushu  ufite inkomoko mu Bushinwa  hari Ambasaderi w’u Bushinwa mu Rwanda, Rao Hongwei.

Abitwaye neza barashimiwe

Perezida wa RKWF, Uwiragiye akaba yarashimiye  ababafashije bose kugira ngo iri rushanwa rigende neza barimo Komite Olempike y’u Rwanda, Minisiteri y’Umuco na Siporo “MINISPOC”  ndetse n’Ambasade y’u Bushinwa mu Rwanda.

 

TANGA IGITEKEREZO

Leave a Reply

Be the First to Comment!

avatar