Kizito Mihigo ari mu maboko ya RIB, dore ibyaha akurikiranweho

Yanditswe na Imvaho Nshya

Ku ya 14-02-2020 saa 11:29:26
Kizito Mihigo avuye muri Gereza ya Nyarugenge iri i Mageragere muri Nzeri 2018

Urwego rw’Igihugu rw’Ubugenzacyaha (RIB) kuri uyu wa 14 Gashyantare 2020 rwatangaje ko rwashyikirijwe n’inzego z’umutekano umuhanzi Kizito Mihito, kuwa 13 Gashyantare 2020.

RIB  yasobanuye ko Kizito Mihigo “yafatiwe mu Karere ka Nyaruguru ashaka kwambuka mu buryo bunyuranyije n’amategeko ajya i Burundi.”

Kizito wari warakatiwe n’Urukiko Rukuru igifungo cy’imyaka 10 muri 2015, yarekuwe muri Nzeri 2018 ku mbabazi za Perezida wa Repubulika.

Ifungurwa rye ni umwe mu myanzuro y’Inama y’Abaminisitiri idasanzwe yemeje ifungurwa ry’abagororwa 2140 barimo we na Victoire Ingabire Umuhoza.

Ibijyanye no kuba yaba yatawe muri yombi kuri iyi nshuro agerageza gutorokera i Burundi, ntibiramenyekana niba hari ibindi byaha yari akurikiranweho byamuteye gushaka guhunga.

Gusa RIB iravuga ko kuri ubu akekwaho icyaha cyo “kwambuka umupaka mu buryo bunyuranyije n’amategeko agamije kujya kwifatanya n’imitwe y’iterabwoba irwanya Igihugu ndetse n’icyaha cya Ruswa.”

Uru rwego rw’Igihugu rushinzwe Ubushinjacyaha ruravuga kandi ko “iperereza ryatangiye kuri ibi byaha akekwaho kugira ngo dosiye ishyikirizwe ubushinjacyaha.”

Umwanditsi:

Imvaho Nshya

5 Comments on “Kizito Mihigo ari mu maboko ya RIB, dore ibyaha akurikiranweho”

  1. ARIKO UYU MUSORE AKORWEHO IPEREREZA RIHAGIJE HAMENYEKANE IKIBAZO AFITE NIBA ARI UKWANGA IGIHUGU KUCYANGISHWA CG AFITE IKIBAZO MU MUTWE PE KUKO NDABONA AGIRIRWA IMPUHWE NTANOGE

  2. Byaba byiza aho kumwandikira hano niba nashoboraga kumibona ngo mubwire ko ari imbwa twirebanira. Koko?!! Kizito ahantu yari ageze muri muzika, nuburyo twamukundaga, ntabwo yarakwiye kubokoresha agambanira igihugu. Ashobora kuba yari umuhanga muri music ariko ari umuswa mu mibare. Iyo akora imibare myiza ubu aba ari icyamamare muri music, afite icyubahiro n’ amafaranga, cyane cyane ko business ye yari yayishyizemo Imana. Uwiyishe ntaririrwa!!!!

Tanga Igitekerezo

Email yanyu ntigaragazwa ku rubuga. Amazina na Email ni ngombwa.