18°C , Partly cloudy | Kigali-Rwanda
Ikipe ya Kiyovu irakira Etincelles FC yitwaye neza itsinda Rayon Sports mu mukino uheruka

Kiyovu nyuma yo kunganya na AS Kigali irakira Etincelles yatsinze Rayon Sports

Yanditswe na admin

Ku ya 27-12-2017 saa 08:26:57

Police FC 1- 2 Sunrise

Uyu munsi
Miroplast-Rayon Sports (Mironko-15h30)
Bugesera-AS Kigali (Bugesera-15h30)
Kirehe FC-Marines FC (Nyakarambi-15h30)
Kiyovu-Etincelles (Mumena-15h30)
Espoir FC-Mukura (Rusizi-15h30)

Tariki 27-12-2017
APR FC-Musanze FC (Nyamirambo-15h30)
Gicumbi -Amagaju FC ( Gicumbi-15h30)

Shampiyona y’ikiciro cya mbere mu mupira w’amaguru igeze ku munsi wa 10 aho ikipe ya Kiyovu nyuma yo kunganya na AS Kigali ibitego 2-2 mu mukino w’umunsi wa 9 iza kwakira ikipe ya Etincelles FC yo yitwaye neza igatsinda Rayon Sports igitego 1-0 mu mukino uheruka.

Uyu mukino urabera kuri Sitade Mumena aho ikipe ya Kiyovu isanzwe yakirira imikino. Ikipe ya Kiyovu ifite akazi gakomeye ko gukura amanota 3  kuri Etincelles FC kugira ngo ikomeza guha ikizere abakunzi bayo  kuko niramuka idatsinze  iza kuba itakaje amanota 3  yikurikiranya.

Imikino ibiri iheruka, Kiyovu yanganyije na Marines FC igitego 1-1 nyuma inganya na AS Kigali ibitego 2-2.  Impamvu Kiyovu yifuza amanota 3 ni uko mu gihe AS Kigali yatakaza, Kiyovu yahita iyobora urutonde rwa shampiyona by’agateganyo.

Ku rundi ruhande, ikipe ya AS Kigali ihanganiye umwanya  na Kiyovu dore ko zinganya amanota 17  irakina na Bugesera FC, umukino ugomba kubera  i Nyamata. Mu gihe AS Kigali yanganyaga na Kiyovu ibitego 2-2, Bugesera FC yatsindiwe i Rubavu na Marines FC ibitego 2-0.

Indi mikino itegerejwe

Indi mikino itegerejwe hari umukino ugomba guhuza ikipe ya Miroplast FC na Rayon Sports. Umukino urabera kuri Sitade Mironko i Gikondo. Ikipe ya Kirehe FC yatsindiwe i Nyagatare na Sunrise FC mu mukino uheruka irakira Marines FC  naho Espoir FC yatsindiwe iwayo na Police FC ibitego 2-1  yakire Mukura yitwaye neza  igatsinda Gicumbi FC ibitego 2-0.

Imikino y’umunsi wa 10 wa shampiyona izasozwa tariki 27 Ukuboza 2017 aho ikipe ya APR FC imaze kunganya imikino 3 yikurikiranya izakira Musanze FC kuri Sitade ya Kigali i Nyamirambo naho Gicumbi FC ikakira Amagaju FC i Gicumbi.

Umukino wabimburiye iyindi y’umunsi wa 10, ejo hashize tariki  22 Ukuboza 2017, ikipe ya Police FC yatsinzwe na Sunrise FC ibitego 2-1.

Kuri ubu, AS Kigali irayoboye n’amanota 17 inganya na Kiyovu, ku mwanya wa 3 hari APR FC n’amanota 16, Sunrise FC iri ku mwanya wa 4n’amanota 15 inganya na Police FC naho Espoir FC iri ku mwanya wa nyuma n’amanota 7 n’umwenda w’ibitego 5.

BUGINGO FIDELE

TANGA IGITEKEREZO

Leave a Reply

Be the First to Comment!

avatar