25°C , Partly sunny | Kigali-Rwanda

Kigali: Irene Ntale na Jules Sentore bazahurira mu gitaramo

Yanditswe na NDAMYIROKOYE FRANÇOIS

Ku ya 11-02-2018 saa 10:37:44

Umuhanzikazi Irene Ntale wo muri Uganda  ku ya 23 Gashyantare 2018  i Kigali azahurira  mu gitaramo cya Kigali Jazz Junction  na Jules Sentore.

Irene Ntale umuhanzikazi ukomoka muri Uganda

Rwamwiza Jules Bonheur uzwi nka Jules Sentore umwe mu bagize Gakondo Group yatangarije Imvaho Nshya ko yiteguye kuzataramira abantu neza mu buryo abandi bahanzi badasanzwe babigenza.

Yagize ati «Nzataramira abantu bishime cyane. Niyemeje kuzabaha umuziki abandi bahanzi batigeze babaha». Umuziki wa gakondo aririmba avuga ko wiganjemo cyane injyana ya Jazz akaba ari yo mpamvu yemeza ko kuzataramira abantu mu gitaramo cya Jazz bizamworohera gutaramira abantu bakanyurwa.

Umuhanzi Jules Sentore uririmba mu njyana gakondo

Muri icyo gitaramo kandi yavuze ko azaboneraho umwanya wo kumurikira abantu ku mugaragaro indirimbo nshya yaririmbye ashima kandi ahimbaza Imana yitwa «Warakoze» akaba aheruka kuyisohora mu buryo bw’amajwi n’amashusho.

Madebeats ni we wakoze indirimbo ye  mu buryo bw’amajwi naho Bob Chris we yakoze amashusho yayo.

Umuhanzi Jules Sentore asanzwe azwi kandi ku ndirimbo zitandukanye zirimo iyitwa «Kora akazi”, “Udatsikira”, “Uranyura”, “ Dutaramane” n’izindi.

Irene Ntale we ni umuhanzikazi uzwi ku ndirimbo zitandukanye zirimo iyitwa “Sembera”, “ Stamina Daddy” n’izindi. Ntale yavutse ku ya 30 Mutarama 1989. Aririmba mu njyana ya Reggae, R&B no mu njyana izwi nka Acoustic soul “ injyana ituje’.

TANGA IGITEKEREZO

Leave a Reply

Be the First to Comment!

avatar