17°C , Partly cloudy with thunderstorms | Kigali-Rwanda
Aha batatu bari mu bagize Sauti Sol bataramiraga abantu

Kigali: Chimano wo muri Sauti Sol ntiyabonetse mu gitaramo

Yanditswe na NDAMYIROKOYE FRANÇOIS

Ku ya 04-01-2018 saa 09:57:31

Ubwo Bien-Aimé Baraza, Polycarp Otieno na  Savara Mudigi, batatu bari mu bagize itsinda rya Sauti Sol ryo muri Kenya bagiranaga ikiganiro n’itangazamakuru i Kigali Baraza yavuze ko mugenzi wabo Chimano yagombaga na we kwitabira igitaramo bakoreye i Kigali ku ya 31 Ukuboza 2017 ariko byarangiye atabonetse.

Abo bamwe  bagize iri tsinda ubwo  binjiraga mu cyumba cyabereyemo icyo kiganiro muri Kigali Convention Center abanyamakuru bababajije aho Chimano ari Baraza avuga ko yagiye muri Thailand gusura umuryango we ko ariko umunsi w’igitaramo yagombaga kuba  yahageze.

Aha batatu bari mu bagize Sauti Sol bataramiraga abantu

Yagize ati “Yagiye muri Thailand gusura umuryango we ariko mu gitaramo azaba ahari”.

Ntibyatinze  na Yemi Alade yaje kwinjira mu cyumba cyaberagamo inama dore ko yagombaga kuganira n’itangazamakuru na we ariko mbere y’uko aganira n’itangazamakuru  abaza abandi bo muri Sauti Sol aho Chimano yari baramusobanurira.

Bakora igitaramo gusa baje kuvuga ko indege yagombaga kumukura Thailand yamutindijeyo.

Ku rundi nubwo Chimano atabashije kuboneka muri icyo gitaramo bagenzi be  bakoze uko bashoboye bashimisha abantu nubwo imvura yashatse kubarogoya ariko bikaba iby’ubusa.

Ku ruhande rwa Yemi Alade we na we yaririmbiye abantu barishima cyane.

Usibye Yemi Alade na Sauti Sol baririmbiye abantu muri iki gitaramo, haririmbyemo abandi bahanzi barimo Bruce Melody, Mike Kayihura, Allioni n’umuhanzi Victor Rukotana wakoranye indirimbo na Uncle Austin yitwa “Mamacita”.

Itsinda rya Sauti Sol ubusanzwe rizwi ku ndirimbo zitandukanye zirimo iyitwa “Melanin”, “Africa”, “Kuliko jana” n’izindi. Naho Yemi Alade we azwi ku ndirimbo zirimo iyitwa “Na Gode”, “Johny”, “Knack   am” n’izindi.

TANGA IGITEKEREZO

Leave a Reply

Be the First to Comment!

avatar