22°C , Partly sunny | Kigali-Rwanda

Kanye West yafashwe na rukuruzi ahura bwa mbere na Kim Kardashian

Yanditswe na Gisubizo Gentil

Ku ya 08-10-2019 saa 13:03:26
Kanye na Kim n'abana babo

Kanye West, umuraperi w’icyamamare muri Amerika, yavuze icyamukuruye bwa mbere ahura n’umugore we Kim Kardashian bamaranye imyaka itanu babana.

Mu kiganiro na televiziyo ikomeye E!News ivuga ku makuru y’ubuzima bw’abahanzi n’ibyamamare, ubwo uyu muraperi yabazwaga icyamukuruye ku mugore we ku nshuro yambere amubona, yavuze ko ari ikimero cya Kim Kardashian.

Kanye yagize ati, “Buri gihe iyo namurebaga yari ameze nka rukuruzi, yari mwiza bikomeye, ari uw’igikundiro, akaba n’umugore ushyira imbaraga mu byo akora byose.”

Kanye West yavuze icyamukuruye kuri Kim

Aba bombi bashyingiranywe hashize imyaka itanu, muri iyo myaka bibarutsemo abana bane aribo North w’imyaka 6, Saint w’imyaka 3, Chicago w’umwaka n’amezi 8, ndetse n’umuhererezi wabo Psalm w’amezi 4.

Kanye na Kim ubwo bose bari muri icyo kiraganiro, uyu muraperi wakunzwe cyane mu ndirimbo nka ‘Heartless’, yibukije abantu iby’umubano wabo mu myaka icumi ishize.

Kim w’imyaka 38 na Kanye w’imyaka 42, bahuye mu mwaka wa 2002, nyuma y’uko Kim Kardashian atanye n’uwo bahoze babana Damon Thomas, Kris Humphries bacuditse mu mwaka wa 2011 kugeza 2013 Kim yemezako Kanye atahwemye gukomeza kumutegereza.

Yagize ati, “Nahuye na Kanye bwa mbere mu mwaka wa 2002, aho numvaga agenda abaza buri wese uwo ndiwe, nyuma bakamusubiza ko mfite umugabo.

Gusa twaramenyanye dukomeza kujya tuvugana bisanzwe, nyuma yaje kuntumira i Paris mu birori byo kumirika imideri navuga ko ari ho ibyacu byose byatangiriye.

Ngo abantu bajyaga babwira Kanye ko atazashobora Kim ahanini kubera ubwamamare by’uyu mugore, ariko Kanye akabasubiza mu magambo make ati, “Njye ndamukunda ibindi ntabyo nitayeho.”

Kim Kardashian umugore wa Kanye West

Kimberly Noel Kardashian West uzwi nka Kim Kardashian ni umugore w’uburanga buhebuje, akomoka mu muryango w’aba Kardashians ubarizwamo abagore b’ibyamamare kubera ibiganiro bakora ku mateleviziyo atandukanye muri Amerika ndetse no kwamamaza imideri n’ibindi.

Mu myaka itanu bamaranye bafitemo abana 4

Umwanditsi:

Gisubizo Gentil

Tanga Igitekerezo

Email yanyu ntigaragazwa ku rubuga. Amazina na Email ni ngombwa.