21°C , Mostly cloudy | Kigali-Rwanda
Perezida Paul Kagame n'abandi bakuru b'ibihugu na za Guverinoma bitabiriye inama yiga ku mutekano mu Budage

Kagame yitabiriye Inama yiga ku mutekano mu Budage

Yanditswe na MUGABO LAMBERT

Ku ya 17-02-2018 saa 06:48:44

Perezida Paul Kagame hamwe n’abandi bayobozi baturutse mu bihugu bitandukanye ku Isi bitabiriye ibiganiro kuri politiki zigenga umutekano ku Isi mu muhango wo gutangiza ku mugaragaro Inama yiga ku Mutekano ibera i Munich mu Budage.

Perezida Paul Kagame n’abandi bakuru b’ibihugu na za Guverinoma bitabiriye inama yiga ku mutekano mu Budage

Itangazo ryashyizwe ahagaragara n’Ibiro by’Umukuru w’Igihugu ejo hashize tariki ya 16 Gashyantare 2018, rivuga ko iyi nama ngarukamwaka yatangijwe mu 1963, ikaba ihuza abayobozi mu myanya ifata ibyemezo bagera kuri 450 baturuka mu bihugu bitandukanye ku Isi, barimo abakuru b’ibihugu na za Guverinoma, Abaminisitiri b’Ububanyi n’Amahanga n’ab’Umutekano, kugira ngo bungurane ibitekerezo ku mbogamizi zikiri mu mutekano ku Isi, mu bihe bya none no mu bizaza.

Iri tangazo rivuga ko abandi bakuru b’ibihugu na za Guverinoma bitabiriye iyi nama imara iminsi itatu ari Minisitiri w’Intebe w’u Bwongereza Thereza May, Umunyamabanga Mukuru w’Umuryango w’Abibumbye António Guterres, Perezida wa Estonia Kersti Kaljulaid, Perezida wa Burkina Faso Roch Marc Christian Kaboré na Perezida wa Ukraine Petro Poroshenko.

Iyi nama kandi yanitabiriwe na Perezida wa Banki y’Isi Dr.Jim Yong Kim, Emir w’Igihugu cya Qatar Sheikh Tamim Emir Al-Thani, Perezida w’Ihuriro ry’Isi ku Bukungu akaba yarahoze ari Minisitiri w’Intebe wa Norvege Børge Brende, uwahoze ari Visi Perezida wa Leta Zunze Ubumwe z’Amerika Joseph R. Biden Jr n’Umukuru wa Komisiyo y’Umuryango w’Afurika Yunze Ubumwe Moussa Faki Mahamat.

 

TANGA IGITEKEREZO

Leave a Reply

Be the First to Comment!

avatar