23°C , Mostly cloudy | Kigali-Rwanda
Perezida Kagame na Minisitiri w'Intebe w'u Buyapani, Abe Shinzo, mu kiganiro bagiranye n'itangazamakuru i Tokyo

Kagame yashimiye uruhare rw’u Buyapani mu iterambere ry’Abanyarwanda

Yanditswe na Mutungirehe Samuel

Ku ya 08-01-2019 saa 11:45:05

Perezida Kagame yashimiye uruhare rw’u Buyapani muri gahunda zitandukanye z’u Rwanda n’Afurika, yizeza gukomeza ubufatanye hagati y’ibihugu byombi n’umugabane w’Afurika muri rusange.

Yabitangaje uyu munsi tariki ya 8 Mutarama 2019 ku munsi wa mbere w’uruzinduko rw’akazi rwa mbere agiriye mu Buyapani muri uyu mwaka wa 2019 na Madamu Jeannete Kagame, ku butumire bwa Minisitiri w’Intebe w’icyo gihugu, Shinzo Abe, mu rwego rwo gutsura umubano hagati y’ibihugu byombi.

Perezida Kagame yakirwa na Minisitiri w’Intebe w’u Buyapani, Abe Shinzo

Perezida Kagame yakirwa i Tokyo mu Buyapani na Minisitiri w’Intebe w’icyo gihugu, Abe Shinzo

Mu biganiro byahuje Perezida Kagame na Minisitiri w’Intebe Shinzo Abe ku mugoroba wo kuri uyu wa mbere yariki ya 7 Mutarama zishyira tariki ya 8, Kagame yashimiye u Buyapani uburyo bwabakiriye, avuga ko u Rwanda rwishimira iterambere ry’umubano uri hagati y’ibihugu byombi rishingiye ku nzego zitandukanye zirimo ubuhinzi, Ikoranabuhanga n’ibikorwaremezo.

Ati “Ndashaka kubashimira ku bufasha mugira muri gahunda yo guteza imbere ubwikorezi mu mugi. Nk’uko abaturage b’u Rwanda bagenda biyongera bahinduka amanyamugi kurushaho, dushishikajwe no kwigira ku bunararibonye bw’u Buyapani gutunganya umugi n’ubwikorezi bwaho.

Yakomeje agira ati “Ndashaka kandi kubashimira ku ruhare u Buyapani bugira mu kubaka iterambere ry’ubushobozi bwa muntu, binyuze muri gahunda y’ishoramari rigamije guteza imbere uburezi muri Afurika “Africa Business education Initiative”, iri kugirira akamaro urubyiriko rw’u Rwanda.”

Perezida Kagame yakirwa na Minisitiri w’Intebe w’u Buyapani, Abe Shinzo

Perezida Kagame nk’Umuyobozi W’Umuryango w’Afurika yunze Ubumwe (AU), yaboneyeho gushimira uruhare rw’u Buyapani mu iterambere, binyuze mu rubuga ruhuza Afurika n’Ubuyapani (Tokyo International Conference on African Development (TICAD), abizeza ko bazakomeza kuwuteza imbere no mu nama itaha ya karindwi iteganyijwe kubera mu mugi utuwe cyane wa Yokohama, aho mu Buyapani kuva ku wa 28 kugeza 30 Kanama 2019.

Ati “Nk’uko mu bizi, AU imaze imyaka ibiri muri gahunda yo kuvugurura inzego. Twageze ku iterambere mu gutuma umuryango AU ugera ku ntego no gutuma umugabane wose urushaho kubana n’ibindi bice by’’isi birimo n’Ubuyapani.

Umuryango w’Afurika yunze Ubumwe uzakomeza gukorana n’u Buyapani n’indi miryango mpuzamahanga, mu mavugurura y’akanama k’Umuryango w’Abibumbye gashinzwe umutekano bitume karushaho kugira umumaro ku bibazo biriho ubu.”

Perezida Kagame yijeje Minisitiri w’Intebe w’u Buyapani Shinzo Abe, ko u Rwanda ruzakomeza gushyira imbaraga mu mubano n’u Buyapani no ku rwego mpuzamahanga no mu nyungu za buri gihugu.

Ati “Ndifuza kubararikira gusura u Rwanda mu gihe mufite umwanya”

Ibiganiro byabo byakurikiwe no gushyira umukono ku masezerano y’Umushinga w’amazi wa Nzove “Nzove-Ntora Water Transmission”.

Perezida Kaame yavuze kandi ko uruzinduko nk’urwo ari umwanya mwiza wo kwigiranaho hagati y’ibihugu byombi no gutsura umubano, guteza imbere ubuhahirane, ashimangira akndi ko u Rwanda rushaka kongera ubucuruzi n’ishoramari hagati y’u Rwanda n’Ubuyapani.

Ku munsi ukurikiyeho, biteganyijwe mo abakuru b’ibihubu bombi bazahurira mu biganiro byibanda ku ishoramari n’uburyo bwo gutangiza umwe mu mishinga y’u Rwanda, wo kugira Umujyi wa Kigali urangwa no guhanag udushya “Kigali Innovation City”.

Perezida Kagame na Minisitiri w’Intebe w’u Buyapani, Abe Shinzo, mu kiganiro bagiranye n’itangazamakuru i Tokyo

Perezida Kagame asuhuza abayobozi batandukanye bo mu Buyapani

Perezida Kagame ku rundi ruhande yagiranye ibiganiro n’Umuyobozi wa JICA, Shinichi Kitaoka, i Tokyo

Perezida Kagame na Madamu Jeannette Kagame banasuye Umwami w’u Buyapani Akihito n’Umwamikazi Michiko

Perezida Kagame na Madamu baganira n’Umwami n’Umwamikazi b’u Buyapani

President Kagame and First Lady Jeannette Kagame pay a courtesy call to their Imperial Majesties Emperor Akihito and Empress Michiko of Japan | Tokyo, 8 January 2019

TANGA IGITEKEREZO

Leave a Reply

Your email address will not be published. Required fields are marked *