17°C , Partly sunny | Kigali-Rwanda
Perezida Paul Kagame mu nama ibera i Munich mu Budage yatanze ikiganiro ku kibaz o cy’umutekano mu karere ka Sahel

Kagame yagaragaje uko Afurika yarangwa n’umutekano urambye

Yanditswe na admin

Ku ya 18-02-2018 saa 16:49:59

Perezida Paul Kagame yagaragaje uruhare rwa buri wese kugira ngo Umugabane w’Afurika ube utekanye ndetse unateye imbere mu buryo bwose bushoboka.

Perezida Paul Kagame mu nama ibera i Munich mu Budage yatanze ikiganiro ku kibaz o cy’umutekano mu karere ka Sahel

Umukuru w’Igihugu yabivugiye i Munich mu Budage ejo hashize tariki ya 17 Gashyantare 2018, aho yitabiriye inama mpuzamahanga kuri politiki zigenga umutekano ku Isi. Muri iyo nama akaba yahatangiye  ibitekerezo mu kiganiro ku kugarura umutekano mu karere ka Sahel.

Mu kiganiro yatanze ku mutekano mu karere ka Sahel, ari kumwe na Perezida wa Banki y’Isi Jim Yong Kim n’abandi bayobozi,   Perezida Kagame  asanga ibibazo by’umutekano mu karere ka Sahel, bimaze kuba ibibazo bireba Isi muri rusange. Yasobanuye ko abarebwa n’ibibazo byo mu karere ka Sahel bakeneye gushyigikirwa kugira ngo basohoke mu bibazo byo muri ako karere kuko asanga  bishoboka,

Yagize ati “Turamutse dukoze ibikenewe  kuri iki kibazo kandi mu gihe  nyacyo hari icyo byatanga,  nk’ubu ibibazo biri muri kariya karere bimaze kureba Isi muri rusange hakenewe uburyo butandukanye bwo  gukoresha uburyo bushoboka buhari kugira ngo bigire icyo bitanga,  siniyumvisha impamvu nta n’umwe ugaragaza iki kibazo?”

Ku bibazo bireba   Isi   ndetse Umugabane w’Afurika by’umwihariko, Perezida Kagame  yibukije abandi bakuru b’ibihugu bari muri iyo nama, ko nubwo Afurika ikomeje gushakira umuti ibibazo biyireba  hashyirwaho uburyo bwo kubaka inzego zihamye.

Akomeza agira ati: “Nubwo Afurika ikomeza guharanira gushaka uburyo bwo gukemura  ibibazo byayo ishyiraho inzego zihamye, hagamijwe gushakira hamwe ibisubizo ku kibazo kibangamiye Isi, ni muri urwo rwego tugomba gufatanyiriza hamwe  gushyira imbaraga zigamije gutuma umugabane Afurika  uba Umugabane utekanye, unateye imbere mu buryo bwose bushoboka.

Hari byinshi byakorwa kugira ngo umutekano wo mu karere ka Sahel uboneke hakenewe imbaraga zitandukanye zaba iz’Umuryango w’Abibumbye,   Akarere ka Sahel ubwako, Umuryango w’Ubumwe bw’u Burayi. Ik’ingenzi  gikenewe si umubare w’abantu babikora, ahubwo ni uburyo bwo guhuza ibyo bikorwa, aho kunyuranya, bagakora byinshi, kandi nta n’uburyo mu buryo bw’amafaranga buhatakariye.”

Umutekano mu karere ka Sahel wakomeje  kugira ibibazo,  nyuma y’ibihe by’umutekano muke muri Libya mu 2011; Mali mu 2012 n’intagondwa za Boko Haram byose bikaba byaragize ingaruka ku mutekano mu karere kari gasanzwe karimo ibibazo.

Muri iyo nama kandi Perezida Kagame  akaba  yagiranye ibiganiro na Perezida wa Estoniya, Kersti  Kaljulaid.

 

TANGA IGITEKEREZO

Leave a Reply

Your email address will not be published. Required fields are marked *