21°C , Partly sunny | Kigali-Rwanda
Umuhanda wa mbere wa kaburimbo mu mateka y'Akarere ka Gisagara watangiye kubakwa

Kaburimbo ya mbere mu Karere ka Gisagara yatangiye kubakwa

Yanditswe na Nshimyumukiza Janvier Popote

Ku ya 08-10-2018 saa 14:14:50

Imirimo yo kubaka umuhanda wa mbere wa kaburimbo mu Karere ka Gisagara yatangiye kuri uyu wa 8 Ukwakira 2018.

Uwo muhanda uhuza Gisagara na Huye, Perezida Kagame yari aherutse kuwemerera abatuye Intara y’Amajyepfo, nk’uko Minisiteri y’Ibikorwaremezo yabivuze kuri Twitter.

Gisagara ni ko karere konyine mu Rwanda kari gasigaye katagira kaburimbo.

Umwaka ushize ubwo Perezida Kagame yiyamamarizaga muri aka karere, abagatuye bagaragaje ko bifuza kaburimbo.

Bahurizaga ku kbavuze ko kaburimbo yoroshya ubuhahirane n’imigenderanire hagati y’akarere kabo n’abaturanyi babo.

Umunyamabanga wa Leta ushinzwe ubwikorezi, Eng Uwihanganye Jean de Dieu aravuga ko imirimo yo kubaka uyu muhanda izamara amezi 12.

Mu ntangiriro za Kanama 2018, Eng Uwihanganye yanditse kuri Twitter ye ko hagiye kubakwa n’umuhanda Huye-Kibeho-Munini-Ngoma, ukuzura nyuma y’imyaka itatu.

Minisiteri y’Ibikorwaremezo ivuga ko Nyaruguru izubakwamo n’imihanda y’amabuye ifite uburebure bwa kilometero 120 bitarenze umwaka utaha wa 2019.

TANGA IGITEKEREZO

Leave a Reply

Your email address will not be published. Required fields are marked *