28°C , Sunny | Kigali-Rwanda

Johnny Drille azaririmba muri Kigali Jazz Junction

Yanditswe na Gisubizo Gentil

Ku ya 10-09-2019 saa 10:16:14

Umuhanzi uri mu bakunzwe muri Africa John Ighodaro uzwi nka Johnny Drille, azataramira abanyarwanda mu gitaramo kimenyerewe nka Kigali Jazz Junction.

Johnny-Drille azataramira muri Kigali Jazz Junction

Johnny Drille ukomoka muri Nigeria yakunzwe cyane mu ndirimbo ze zamamaye nka ‘Romeo&Juliet’, ‘Allelluya’ yafatanije na Simi n’izindi.

Nk’uko bitangazwa n’ubuyobozi bwa RG Consult itegura iki gitaramo, uyu muhanzi azaririmba kuwa 27/9/2019 mu mahema asanzwe akorerwamo ibitaramo muri Kigali Conference and Exhibition Village hazwi nka Camp Kigali.

Bimaze kumenyerwa ko ibi bitaramo bya Kigali Jazz Juction, bitumirwamo abahanzi bakomeye ku rwego mpuzamahanga bakunzwe n’Abanyarwanda, ariko ntibibagirwe guha amahirwe n’abahanzi nyarwanda, aho kuri iyi nshuro hatumiwe umuhanzi uri kwitwara neza muri iyi minsi uzwi nka Sintex ndetse ka Kidumu ukomoka mu Burundi.

Sintex na we azaba ahari

Ibi bikorwa hamijwe gufasha abahanzi bakizamuka ngo nabo bagaragaze impano zabo, akaba ari muri urwo rwego rwo kubafasha kuzamuka, nabo bakaba bamenyekana mu ruhando mpuzamahanga.

Ibiciro byo kwinjira muri iki gitaramo ni 240.000Frw ku meza y’abantu umunani (VVIP) 20.000 Frw mu myanya y’icyubahiro (VIP) naho mu myanya isanzwe ni 10.000Frw.

Kidumu Kibido ni umwe mu bahanzi bazasusurutsa abazitabira Kigali Jazz Junction

TANGA IGITEKEREZO

Leave a Reply

Your email address will not be published. Required fields are marked *