2017-07-21 15:11:36 clouds 27o High | Kigali Rwanda

Dukurikire:
 
 

Twifuza ko Abanyarwanda bose bajya mu ijuru-Min. Uwacu

Yanditswe na IMVAHO NSHYA

Kuya 2016-11-14 16:09:16

 
Share on:
 
Yasuwe:98
 
Yavuzweho:200
 
10
 
10

Minisitiri w’Umuco na Siporo Uwacu Julienne yatangaje ko ahora yifuriza Abanyarwanda bose kujya mu ijuru ariko anabakangurira gukora imirimo myiza izabafasha muri uru rugendo.

Minisitiri Uwacu yatanze izi mpanuro mu ijoro ryo ryo ku ya 13 Ugushyingo 2016 i Kigali ahaberaga ibirori byo gutanga ibihembo mu irushanwa rya Groove Awards Rwanda 2016

Yavuze ko abayobozi mu nzego za Leta n’abo mu z’amadini bagomba gufatanya kugira ngo ibikorwa byiza bizatuma abantu bazajya mu ijuru bigerweho kandi n’u Rwanda rurusheho gutera imbere.

Minisitiri Uwacu yagize ati “Mu by’ukuri turi abayobozi mu nzengo zitandukanye ariko zuzuzanya, Leta y’u Rwanda mu byo ikora izi neza ko gufatanya n’abagize inzego zitandukanye ari byo bidushoboza gutera intambwe mu kubaka iki gihugu. Amadini rero cyangwa ivuga butumwa mugira uruhare rukomeye, mwagize uruhare rukomeye kandi turabasaba gukomereza aho ngaho kugira ngo dufatanye kubaka u Rwanda rufite Imana.”

JPEG - 300.1 kb
Minisitiri Uwacu Julienne asaba abanyarwanda gukora imirimo myiza ibahesha uburenganziea bwo kujya mu ijuru

Minisitiri Uwacu Julienne abona abadite w’Imana bakwiye kurushaho gufasha abantu, anibutsa abari bahari ko mu Rwanda haramutse hariho imiryango idatekanye, irimo amakimbirane, ababyeyi batita ku nshingano zo kurera abana babo gikirisitu, cyangwa inshingano zibategurira kuzajya mu ijuru ko byazagorana gusobanura umusaruro batanze kuri iyi isi.

Ati “Aho u Rwanda rugeze ni heza ariko aho dushaka kugera ni heza kurushaho. Turifuza ko Abanyarwanda bose bazajya mu ijuru, kandi murabizi ko mu ijuru nta ruswa, nta y’ubusamo. Imirimo yacu izaduherekeza kandi ntabwo tuzayikora twaravuye kuri iyi si, utaratangira kuyikora yarakererewe tugomba gutangira kuyikora ubu.”

Minisitiri Uwacu yashimiye abateguye igikorwa cya Groove Awards Rwanda n’abagiteye inkunga, anabifuriza umugisha w’Imana. Ababonye ibihembo yabasabye gukomeza gukora cyane, abatarabibonye nabo abasaba kudacika intege kuko nabo bakoze neza.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE