2017-07-21 15:11:36 clouds 27o High | Kigali Rwanda

Dukurikire:
 
 

Polisi y’u Rwanda yashimiwe gushyigikira Umurimo w’Imana

Yanditswe na IMVAHO NSHYA

Kuya 2016-11-08 12:56:39

 
Share on:
 
Yasuwe:66
 
Yavuzweho:200
 
10
 
10

Polisi y’u Rwanda yahawe igihembo ku bw’ubwitange igira mu gucunga umutekano w’abari mu masengesho n’ibitaramo bya gikirisitu binyuranye mu gihugu.

Iki gihembo (cyiswe Sifa Rewards 2016) , cyatanzwe n’Ikigo cya Gikirisitu Isange Corporation, cyakiriwe n’umuvugizi wa Polisi y’u Rwanda ACP Badege Theos mu mpera z’icyumweru gishize.

ACP Badege yaherewe iki gihembo hamwe n’amakorlari, abahanzi, abayobozi b’amadini ya gikirisitu, abanyamakuru ndetse nabandi bafite aho bahurira n’ibikorwa by’iyobokamana bagaragaje ubwitange budasanzwe mu guteza imbere Umurimo w’Imana.

JPEG - 362.3 kb
ACP Theos Badege ni we wakiriye igikombe cyahawe Polisi y’u Rwanda

Abandi bahawe ibihembo bya barimo Umuhanzi Theo Bosebabireba, Umunyamakuru Steven Karasira, Producer Bill Gates, Producer Karenzo, Gaby Irene Kamanzi, Janet Uwimbabazi, Aline Gahongayire, Bishop Dr Masengo Fidele, Bishop Rugamba Albert, Dr.Pastor Gatwa Tharcisse, Rate Padiri Freppo Ndagijimana, Pastor Liliose TAYI, Korali Injili Bora, Korali Maranatha, Korali Christus Regnat, Korali Ambassadors of Christ n’abandi.

Hatanzwe ibihembo mu byiciro 29 aho abahembwe bagizwe n’amakorali, abahanzi ,abayobozi b’amatorero ,abanyamakuru ndetse nabandibafite aho bahurira n’ibikorwa by’iybokamana mu Rwanda.

Uyu muhango witabiriwe n’abantu benshi; hari abanyacyubahiro batandukanye barimo abari bahagarariye inzego za Leta ndetse n’izigenga, bamwe bakaba bari baje gushyigikira iki gikorwa abandi bakaba bari baje guhabwa ibihembo byabo.

JPEG - 469.4 kb
Aba bacyiraga igihembo cyahawe nyakwigendera Padiri Freppo Ndagijimana
JPEG - 484.6 kb
Aline Gahongayire ashyikirizwa igikombe na Eddy Kamoso umuhanzi w’indirimbo zihimbaza Imana
JPEG - 451.9 kb
Gaby Kamanzi ashyikirizwa igikombe
JPEG - 393.9 kb
Pasiteri Rutayisire niwe wigishije ijambo ry’Imana

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE