Advertisement
 
 
 
 
 
 
 
 

Iyobokamana

Chorale Ambassadors yashimiwe kubanira u Rwanda neza mu mahanga   

  Yanditswe na Imavaho Nshya
 3 months ago

 
 

Mu gitaramo cyo kwizihiza Yubile y’imyaka 20 cyabereye i Kigali kuri uyu wa 24 Ukuboza 2016, Korali Ambassadors Of Christ yashimiwe kumenyekanisha u Rwanda muri Afurika y’Iburasirazuba n’Amajepfo muri iyi myaka imaze mu murimo w’ivugabutumwa.

Iki gitaramo cyitabiriwe ku buryo budasanzwe ku buryo abakirisitu n’abashyitsi baturutse mu ntara zose z’igihugu, muri Tanzania, Kenya, Uganda, Burundi, Zimbabwe, Repubulika Iharanira Demokarasi ya Congo n’ahand, bakubise buzura mu ihema ryakira abantu bagera ku 5000 abandi bakurikirana igitaramo bari hanze.

Abitabiriye igitaramo bakubise baruzura bicara hanze abandi barahagarara

Abitabiriye iki gitaramo bavuye mu mahanga barimo amakorali atandukanye asanzwe akorana bya hafi na Korali Ambassadors of Christ nk’iyo muri Tanzania yitwa Light Bearers, iyo muri Uganda i Nakasero n’izindi ziri kumwe n’abaziherekeje.

Hari kandi na Korali zitandukanye zirimo Abasaruzi yashinzwe imyaka itandatu mbere y’uko Korali Ambassadors ivuka, n’izindi zaje kuyifasha kwizihiza iyi Yubile.

Umuyobozi w’Itorero ry’Abadivantisite b’Umunsi wa Karindwi mu Rwanda, Byiringiro Esron yashimiye Korali Amvbassadors guhagararira u Rwanda neza mu bihugu by’ibituranyi ndetse bagatuma ivugabutumwa ry’Abadivantisiti b’Umunsi wa Karindwi rimenyekana ku rwego mpuzamahanga.

JPEG - 607 kb
Bamwe mu barambirwaga guhagarara bashakaga aho bicara mugacaca

Yagize ati “Ndashimira Korali Ambassadors kumenyekanisha u Rwanda mu bihugu by’abaturanyi, imyaka 20 mumaze mwabaye abavugabutumwa beza. Umuntu ukora umushinga ukamara imyaka 20 ni uwo gushimirwa cyane…”

Iyi Korali yanashimiwe no kuba yaratangiye gutoza abana bato bazakomeza guhagararira ubutumwa bwiza mu izina ryayo bakaba baramaze gushinga ’Chorale Ambassadors Juniors’ na yo igeze kure ivuga ubutumwa mu ndirimbo.

Korali Ambassadors yatangiye kuririmba mu mwaka wa 1995 mu itorero ry’Abadivantisiti b’Umunsi wa karindwi ry’i Remera. Kubera uburyo indirimbo zakunzwe cyane byageze n’ubwo zishyirwa mu ndimi z’amahanga zirimo Icyongereza, Ikigande n’Igiswahili mu rwego rwo kwagura ubutumwa mu mahanga.

Iyi Korali yashimiye Imana byimazeyo kuko ari wo muterankunga mukuru n’abandi bayiteye ingabo mu bitugu mu myaka imaze ivuga ubutumwa mu Rwanda no mu mahanga, barimo bamwe mu bapasitori, abaririmbyi bayitangiye, itangazamakuru, n’abandi bo mu byiciro bitandukanye.

Minisitiri Kaboneka Francis ari kumwe na Past. Dr Byiringiro Esron Umuyobozi w'Itorero ry'Abadivantisiti mu Rwanda Chorale Ambassadors of Christ Juniors ni ubusitani bwa Ambassadors Seniors Dr Byiringiro Esron Umuyobozi w'Itorero ry'Abadivantisiti mu Rwanda

 

Comments

 
 
Chorale Ambassadors yashimiwe kubanira u Rwanda neza  mu mahanga
Chorale Ambassadors yashimiwe kubanira u Rwanda neza mu mahanga

Mu gitaramo cyo kwizihiza Yubile y’imyaka 20 cyabereye i Kigali kuri uyu wa 24 Ukuboza 2016, Korali Ambassadors Of Christ yashimiwe kumenyekanisha u Rwanda muri Afurika y’Iburasirazuba n’Amajepfo (...)

Twifuza ko Abanyarwanda bose bajya mu ijuru-Min. Uwacu
Twifuza ko Abanyarwanda bose bajya mu ijuru-Min. Uwacu

Minisitiri w’Umuco na Siporo Uwacu Julienne yatangaje ko ahora yifuriza Abanyarwanda bose kujya mu ijuru ariko anabakangurira gukora imirimo myiza izabafasha muri uru rugendo. Minisitiri Uwacu (...)

Polisi y’u Rwanda yashimiwe gushyigikira Umurimo w’Imana
Polisi y’u Rwanda yashimiwe gushyigikira Umurimo w’Imana

Polisi y’u Rwanda yahawe igihembo ku bw’ubwitange igira mu gucunga umutekano w’abari mu masengesho n’ibitaramo bya gikirisitu binyuranye mu gihugu. Iki gihembo (cyiswe Sifa Rewards 2016) , cyatanzwe (...)

Groove Awards 2016: Abahanzi bagiye kuzenguruka mu matorero ya Kigali
Groove Awards 2016: Abahanzi bagiye kuzenguruka mu matorero ya Kigali

Ibirori bitangwamo ibihembo ku bahanzi ndetse n’amakolari aririmba indirimbo zihimbaza Imana, bizwi nka Groove Awards bigiye gutangwa ku nshuro ya 4 mu Rwanda habanje ibikorwa byo kuzenguruka mu (...)

Kiliziya igiye gushakira amacumbi abasura Kibeho bakabura aho barambika umusaya
Kiliziya igiye gushakira amacumbi abasura Kibeho bakabura aho barambika umusaya

Umushumba wa Diyoseze gatulika ya Gikongoro Mgr. Hakizimana Celestin, avuga ko kiliziya irimo gukora ibishoboka byose ngo ibonere icumbi, abakorera ubukerarugendo nyobokamana i Kibeho cyane cyane (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.