22°C , Mostly sunny | Kigali-Rwanda
Bull Dog na we azaririmba i Huye

Iwacu muzika: Hatahiwe Akarere ka Huye

Yanditswe na Ndamyirokoye François

Ku ya 04-07-2019 saa 07:25:24

Nyuma y’uko ibitaramo bya Iwacu muzika Festival byabereye mu karere ka Musanze ndetse na Rubavu mu minsi yashize ubu hakurikiyeho Akarere ka Huye.

Igitaramo cyo mu karere ka Huye kizaba ku ya 13 Nyakanga 2019 kikaba kizaririmbamo abahanzi batandukanye aribo Cécile Kayirebwa, Urban Boys, Bull Dog, itsinda rya Active ndetse na Victor Rukotana.

Ku ya 20 ubwo hazaba igitaramo kizabera i Ngoma mu ntara y’i Burasirazuba hakazaririmbamo Intore Masamba, Safi Madiba, Eric Senderi, AMAG The Black, Uncle Austin na Marina.

Igitaramo cya mbere cyabaye ku ya 22 Kamena 2019 i Musanze kibereye kuri Sitade Ubworoherane, ku ya 29 Kamena 2019 i Rubavu kibera kuri Sitade ya Nengo mu karere ka Rubavu.

Abahanzi baririmbye i Musanze ni Orchestre Impala, Bruce Melodie, Jules Sentore, Allioni, Jay Polly na Yverry.

I Rubavu ho haririmbye Makanyaga Abdul, Christopher, Social Mula, Riderman, Queen Cha na Amalon.

Ibi bitaramo bizasozwa n’igitaramo cya nyuma kizabera mu Mujyi wa Kigali.

Ku rundi ruhande kandi ibi bitaramo bifite umwihariko w’uko biririmbamo abahanzi bakiri urubyiruko ndetse n’abakuze.

Abategura ibi bitaramo ari bo bafite kompanyi ya EAP bagiye batangaza ko gutegura ibi bitaramo ari mu rwego rwo kugira ngo habashe kurushaho kubaho ubufatanye hagati y’abahanzi b’urubyiruko n’abakuze.

Nk’uko East African Promoters “EAP” ari yo itegura ibi bitaramo mbere ni nayo yateguraga ibitaramo bya Primus Guma Guma Super Star byatangajwe ko bitazongera kuba.

N’ubwo ibyo bitaramo byahagaze nta washidikanya ko hari byinshi byafashije abahanzi nyarwanda kuko ababyitabiraga bahembwaga mu buryo bushimishije.

Abatsindiraga ibihembo nyamukuru bahabwaga amafaranga ndetse n’ibikoresho bya muzika.

Naho ababakurikiraga bo bahabwaga amafaranga gusa.

Kuva iryo rushanwa ryatangira kugeza ryasozwa ababashije gutsindira igihembo cya Primus Guma Guma Super Star ni King James, Riderman, Tom Close, Jay Polly, Knowless, Bruce Melodie, Dream Boys ndetse na Urban Boys.

EAP iyoborwa na Mushyoma Joseph uzwi nka Boubou. Uretse kuba ategura Iwacu muzika Festival akaba ari na we wateguraga ibitaramo bya Primus Guma Guma Super Star, hari n’ibindi bitaramo ajya ategura.

Bull Dog na we azaririmba i Huye

TANGA IGITEKEREZO

Leave a Reply

Your email address will not be published. Required fields are marked *