27°C , Partly sunny | Kigali-Rwanda
Israel Mbonyi

Israel Mbonyi yishimiye kuzahurira ku rubyiniro na Don Moen

Yanditswe na Ndamyirokoye François

Ku ya 30-01-2019 saa 11:13:33

Israel Mbonyicyambu uzwi muri muzika nka Israel Mbonyi aravuga ko yishimiye kuzaririmbira ku rubyiniro rumwe n’icyamamare Don Moen uzataramira i Kigali ku ya 10 Gashyantare 2019.

Avuga ko yakuze akunda kumva uyu muhanzi ko kandi ari mu bamuteye imbaraga zo gutangira kuririmba indirimbo zo kuramya Imana ndetse no kuyihimbaza.

Ati “Nakuze nkunda kumva indirimbo ze kandi kumwumva byampaye umuhate wo gukunda kuririmba niyemeza kubitangira nyuma”.

Umuhanzi Israel Mbonyi avuga ko naganira na Don Moen azamwigiraho byinshi ngo kandi kuza kwe hari icyo bizarushaho gufasha muzika nyarwanda iya gikiristo muri rusange.

Nta bwo ari ubwa mbere kandi Mbonyi azaba abonye Don Moen kuko avuga ko yajyaga amubona mu Buhinde aho yigaga ngo kuko yajyaga ajya kuhataramira.

Igitaramo kandi Mbonyi azahuriramo na Moen hazaririmbamo abandi bahanzi nyarwanda barimo uzwi nka Columbus.

Ku rundi ruhande Israel Mbonyi yasohoye indirimbo nshya yitwa “Nkwiye kurara iwawe” akaba yayisohoye mu buryo bw’amajwi gusa dore ko gusohora amashusho y’indirimbo ze avuga ko atari yabitekerezaho.

Mbonyi ari mu bahanzi mu Rwanda bari ku isonga mu baririmba indirimbo zo kuramya Imana ndetse no kuyihimbaza.

Asanzwe azwi kandi ku ndirimbo zirimo iyitwa “Ibihe”, “Sinzibagirwa”, “Hari ubuzima”, “Ku marembo y’ijuru”, afite n’izindi ndirimbo.

TANGA IGITEKEREZO

Leave a Reply

Your email address will not be published. Required fields are marked *