19°C , Partly sunny | Kigali-Rwanda
Kuvugira mu ruhame hari abo bigora kubera ubwoba

Inama 5 zagufasha gutsinda ubwoba bwo kuvugira mu ruhame

Yanditswe na RUTAYISIRE EMILE

Ku ya 15-01-2018 saa 08:08:25

Kumva wisanzuye uvuga  ntabwo ari ibintu umuntu avukana. Ahubwo ni ikigaragaza ubwiza buranga umuntu wabasha kuba umuyobozi. Umugabo witwa Didié Gelanor ntabwo yavugaga yisanzuye ariko yaje kubishobora ndetse agira inama abantu.

Kuvugira mu ruhame hari abo bigora kubera ubwoba

Ushobora kuba hari umushinga ushaka kugeza ku mbaga y’abantu, ukawuhagararaho, gukangura abantu se ku buryo intego ushaka kugeraho igerwaho, ufite se ibicuruzwa ushaka kwamamaza uri imbere y’abantu n’ibindi. Ibi bisaba kuvuga nta gihunga kandi ukigirira ikizere cyo kumvisha neza abantu ibyo ubabwira, uko ubibona ukabaremamo ubushake bwo gushaka kugutega amatwi.

Noneho se wakora iki kugira ngo ubashe kuvugira mu ruhame ? Nta guhagarika umutima kuko hari ibisubizo. Wabyemera utabyemera, igice kinini cy’ubwo bwoba usanga gituruka ku gushaka kumvisha abantu ku ngufu. Ibi bishatse kuvuga iki ?

Abantu bakumva ntabwo bitaye ku buryo ibyo ugiye kuvuga bigiye gutangwa. Ikintu kibashishikaje mu by’ukuri ni amakuru ugiye kubaha. Uvuga ni we wishyiramo ubwoba bw’ibigiye kuba ndetse ubwoba bukamutaha mbere ho icyumweru y’uko ajya imbere y’imbaga.

Turebere hamwe zimwe mu nama zafasha umuntu kugira ngo abashe kuvugira mu ruhame kandi izo nama zagufasha mu gihe uzishyize mu bikorwa, ukumva utekanye.

  1. Inama ya mbere

Menya neza ibyo ugiye kuvugaho neza mu mpande zose ku buryo nta kibazo bakubaza ngo urye iminwa ahubwo ugahita utanga igisubizo. Bisaba rero gutekereza ku bibazo byose bashobora kukubaza. Ijambo mbwirwaruhame rigomba kuba rikuri mu mutwe neza kandi ukavuga udategwa kugira ngo abo ubwira badatekereza ko wabifashe mu mutwe gusa ku buryo babona ko ari ibintu umenyereye.

Ugomba kumenya gushyira ku murongo ibyo ugomba kuvuga kugura ngo abaguteze amatwi batagutera ikizere, kuko iyo abakumva bakigutereye ni bwo usanga batangiye kutagutega amatwi noneho ugatangira kumera nk’uhangayitse. Icyo kintu ni ingenzi kuko ubashije gukora ibyo waba umuntu uzi kuvuga ku isi, uvuga wisanzuye, uvuga ibyo uzi neza. Utamenya icyo ugiye kuvuga nta muntu ushobora kubikubabarira.

  1. Inama ya kabiri

Mbere y’igihe bishoboka banza ubonane n’umubare ushoboka w’abantu ugomba kugezaho ijambo. Uko kumenyerana bituma ukwiyizera kwiyongera. Banza ugire ikintu ubaganiriza kiza gukomoza ku ijambo uri butange mbere y’uko uvuga ijambo wateganyije.

Abo bantu bashobora kuguha amakuru y’ingenzi ku bintu wabaganirije nabo baba bifuza ko wavugaho ku buryo bituma wisanzura mu gushaka kubumvisha ibyo uri buvuge.

Ubwo ni uburyo buzagufasha kudakomeza kugendagenda no kugira ubwoba mbere yo kujya aho uvugira ijambo. Ibi ni byo bizakongerera kumenya ibyo abantu bifuza ntugire n’ubwoba ugasanga iyi nama ifite aho ihuriye n’iya mbere.

  1. Inama ya gatatu

Iyi nama ikunze gutangwa cyane ariko  turababwira ikinyuranyo k’iyi nama: « Ntukibwire ko abantu uri imbere bambaye ubusa, bameze nk’aho ntacyo bazi mu byo ugiye kubagezaho» Ubifashe utyo byatuma utanga ibintu udafite.Uko imbwirwaruhame yawe yaba imeze kose, ndetse n’iyo waba uzi gushyenga ukavuga usetsa abantu, vuga ibintu nk’ukomeje.

  1. Inama ya kane

Niba utangiye kumva mu ijambo ryawe hagarukamo ngo «euuuuuuh» cyangwa ukajya wisubiramo kenshi, wigira ubwoba. Humeka neza, gabanya uburyo uvuga wihuta kandi ahantu hose uvuga ngo «euuuuuuh» uhasimbuze guceceka gato. Iyo ucecetse gato bituma uhumeka neza, bigatuma ubona neza amagambo yo kuvuga ukanavumbura neza ko wakomeje uvuga za «euuuuuh».

  1. Inama ya gatanu

Mera nk’uwogeza ijambo mbwirwaruhame. Abantu benshi bibwira ko bumvikanye neza bashingiye ku magambo gusa. Byose bigomba kujyana n’ukuri. Kugira ngo ube umuntu uzi kuvuga neza mu ruhame ugomba kuvuga ukoresha umubiri wawe wose. Ibimenyetso ni ururimi rw’umubiri, bikongera imbaraga no kumva ushimishijwe n’ibyo uvuga.

Kora ibimenyetso bishoboka niba utabishoboye bireke burundu kuko ntabyo ushoboye. Irinde kuvuga ijwi rimwe kereka niba intego ufite ari ugusinziriza abantu ubwira. Gerageza kwibuka nk’igihe wabwiraga inshuti zawe Filime unezerewe kugira ngo nabo bagire amashyushyu yo kuzayireba. Ntiwibuka ko wavugaga udakonje kandi utavuga mu ijwi rimwe? Kuki se wamera gutyo, ugakonja kandi urimo kubwira imbaga y’abantu? Umenye ko no mu kuvuga ibijyanye n’icungamari biba byiza kubivuga ukagaragaza ko ubivuga ubishaka.

Ntimwamaze kubona ko kuvugira mu ruhame bitera abantu ubwoba kuruta urupfu, ariko bishobora kuba biterwa n’uko urupfu rutagaragara kandi rukaba ruri kure mu gihe aho ugiye guhagarara uvuga ijambo ari hafi aho atari kure.

Uko byagenda kose inama zitanzwe ziroroshye kandi zagufasha. Ariko ushaka gufata ikintu kimwe. Fata iki kintu «Itegure. Menya neza ibyo ugiye kuvugaho kandi ubicengere.»

TANGA IGITEKEREZO

Leave a Reply

Be the First to Comment!

avatar