2017-08-18 19:28:21 clouds 27o High | Kigali Rwanda

Dukurikire:
 
 

Yageneye impano Perezida Kagame amushimira gushyigikira ‘HeForShe’

Yanditswe na IMVAHO NSHYA

Kuya 2017-01-12 15:33:07

 
Share on:
 
Yasuwe:513
 
Yavuzweho:200
 
10
 
10

Karemera Yves usanzwe akina akanayobora filime yageneye impano perezida Kagame kubera uruhare yagize mu gushyigikira gahunda ya HeForShe.

Ni nyuma yuko umukuru w’igihugu ari mu bagabo ba mbere biyandikishije bashyigikira ubukangurambaga bwiswe ‘HeForshe’ bwo kwimakaza uburinganire n’ubwuzuzanye hagati y’abagore n’abagabo.

Uyu musore w’imyaka 24 avuga ko yiyemeje kumenyekanisha ubu bukangurambaga abinyujije muri filime nk’inyiturano kuri perezida Kagame.

JPEG - 167.4 kb
Karemera Yves ashaka ko impano ye izakirwa n’umukuru w’igihugu

Yabwiye Imvaho Nshya ko urubyiruko ari rwo musingi w’ejo heza h’u Rwanda bityo ko rukwiye guhaguruka rugakoresha imbaraga ruteza imbere gahunda nk’izi zo kubaka uburinganire ku batuye isi.

Ati ‘‘Icyanteye gukora iyi filime nk’impano ya Perezida nuko ari umwe mu bakuru b’ibihugu 10 ku Isi wafashe iya mbere akiyandikisha muri gahunda ya UNwomen yiswe ‘HeForshe’, ndetse akaba yaranakanguriye abanyarwanda bose kwiyandikisha muri iki gikorwa mu rwego rwo guteza imbere uburinganire hagati y’abagore n’abagabo mu Rwanda ndetse no ku Isi yose”.

JPEG - 38.9 kb
Uyu musore yakoze filime kuri gahunda ya HeForShe

Uyu musore yakomeje avuga ko Perezida Kagame yamubereye icyitegererezo, ku buryo kutabona ko umukuru w’igihugu cy’u Rwanda afatiye runini u Rwanda na Afurika muri rusange byaba ari ukwirengagiza ibigaragarira amaso.

Yongeraho ko ariyo mpamvu yahisemo gukora filime nto igaragaza ko n’umukobwa ashoboye ndetse no gushyikira umukuru w’igihugu udahwema guhora ateza imbere ubu bukangurambaga, Karemera ngo azanezezwa bikomeye no kumva ko impano ye yageze kuri perezida Kagame.

Yemeza ko Leta zabanje zaranzwe no guheza abagore mu bikorwa bitandukanye ariko ko ubu umugore afite ijambo mu nzego zifata ibyemezo n’izigenga; muri iyi filime garagaza itandukaniro ry’ubuzima bw’umugore wo hambere n’uwo muri iyi minsi.

Akangurira urubyiruko rw’u Rwanda guhagurukira politiki y’uburinganire n’ubwuzuzanye bw’abagore n’abagabo kuko ari rwo rufite imbaraga zihagije n’ubumenyi bujyanye n’ibihe isi igezemo.

Agira inama bamwe mu bagore bakemere gukandamizwa n’abagabo babo ko bakwiye gukanguka, bakumva ko na bo bashoboye, na bo bakitabira gahunda yo kwihangira imirimo nk’uko Leta ihora ibibashishikariza, kuko urebye muri iki gihe ntacyo umugabo yakora umugore atakora.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE