2017-08-18 19:28:21 clouds 27o High | Kigali Rwanda

Dukurikire:
 
 

Umutoni yiyemeje kuzita ku bidukikije aramutse abaye Miss Rwanda 2017

Yanditswe na IMVAHO NSHYA

Kuya 2017-02-14 09:02:47

 
Share on:
 
Yasuwe:1180
 
Yavuzweho:200
 
10
 
10

Umutoni Pamela, umwe mu bakobwa 15 barimo guhatanira ikamba rya Nyampinga w’u Rwanda 2017 avuga ko niyegukana ikamba rya nyampinga w’uyu mwaka azashishikariza abantu kurushaho kubungabunga ibidukikije.

Ubwo yagiranaga ikiganiro n’Imvaho Nshya, Umutoni yavuze ko impamvu yahisemo uwo mushinga ari uko kubungabunga ibidukikije ari bimwe mu bituma abantu barushaho kugira ubuzima bwiza.

Ati “Niyemeje ko nintorerwa kuba Nyampinga w’u Rwanda 2017, nzashishikariza abantu kurushaho kwita ku bidukikije kuko kwita ku bidukikije bituma turushaho kugira ubuzima bwiza”.

JPEG - 36.7 kb
Umutoni Pamela, umwe muri 15 bahatanira ikamba rya Miss Rwanda 2017

Nazegukana ikamba kandi yavuze ko azakomereza ku bikorwa bya Nyampinga bamubanjirije bakoze gusa akarushaho gushyira mu ngiro ibijjyanye n’umushinga we.

Ateganya kandi kuzasura urubyiruko ruba mu kigo ngororamuco cya Iwawa ngo kuko kuba Miss Rwanda 2016 Mutesi Jolly yaragiyeyo na we ngo yabonye ko ari igikorwa cyiza yazakora.

Mu minsi hakorwaga amajonjora muri iri rushanwa mu Ntara zose z’igihugu n’Umujyi wa Kigali, Umutoni Pamela yiyamamarije mu Ntara y’Uburasizuba.

Kuba yariyamarije muri iyo ntara, Umutoni yavuze ko ahanini ari uko yayizemo mu mashuri yisumbuye ngo kandi byatumye ayimenya cyane.

JPEG - 78.1 kb
Umutoni Pamela

Yagize ati “Impamvu nahiyamamarije ni Intara nzi cyane kuko nayizemo ».

N’ubwo mu irushanwa ahuriyemo kandi n’abandi bakobwa, Umutoni yavuze ko nta mpungenge afite kuko yemeza ko yiyizeye.

Ati «Ndiyizeye nta bwoba mfite, nagerageje gukosora amwe mu makosa nagiye nkora mbere irushanwa rigitangira ».

Umutoni Pamela ni umwana w’imfura mu muryango avukamo. Yize amashuri y’inshuke n’abanza ku ishuri ryitiriwe mutagatifu Yozefu ku Kicukiro.

Icyiciro cya mbere cy’amashuri yisumbuye yakize mu ishuri rya Mater Dei i Nyanza ay’icya kabiri ayiga muri Lyce ya Zaza mu Karere ka Ngoma mu Ntara y’Uburasirazuba akaba yarigaga mu ishami ry’imibare, ubukungu n’ubumenyi bwa mudasobwa.

Ubusanzwe Umutoni Pamela atuye mu Mujyi wa Kigali i Remera. Gukomeza kumuha amahirwe mu irushanwa arimo ni ukwandika ijambo « Miss » umuntu agakurikizaho inimero imuranga mu irushanwa ari yo « 3 » ubundi ubutumwa bukoherezwa kuri 7333. Ubutumwa bwoherezwa hifashishijwe telefone ngendanwa.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE