Advertisement
 
 
 
 
 
 
 
 

Imyidagaduro

Minisitiri Murekezi yanejejwe n’imiririmbire ya Chorale de Kigali   

  Yanditswe na NDAMYIROKOYE FRANCOIS
 3 months ago

 
 

Minisitiri w’Intebe Anastase Murekezi yitabiriye igitaramo cyakozwe na Chorale de Kigali cyabaye mu ijoro ryo ku ya 18 Ukubuza 2016, avuga ko iyo korali yaririmbye neza bikamutera ubwuzu.

Murekezi yabanje gushimira korali yose muri rusange ashimangira ko ifite ubuyobozi bwiza ayishimira ku bw’ubutumire bamuhaye yongera kubashimira by’umwihariko ku bw’igitaramo cya Noheli cyiza bakoze yemeje ko cyari cyuje umunezero.

Yagize ati « Nagira ngo nshimire Chorale de Kigali, ifite ubushobozi bushimishije, ifite ubuyobozi bwiza, barantumiye muri iki gitaramo ariko nk’uko babivuze nari nabyumvise ku ma Radiyo menshi, mbisoma mu binyamakuru byinshi ukabona y’uko abantu bavugana, ikiriho cyiza kivugwa. Turabashima cyane rero kuko mwebwe mugize korali ya Kigali, korali nshya ya Kigali mwadukoreye igitaramo cya Noheli cyiza cyane gishimishije ».

JPEG - 57.6 kb
Minisitiri Murekezi yari yatwawe n’imiririmbire ya Chorale de Kigali

Minisitiri Murekezi yavuze ko icyo gitaramo cyari kiganjemo byinshi byiza birimo indirimbo za gihanga za Aleluya nyinshi, Gloria i n’ibindi.

Yashimangiye kandi ko Imana iba ku Isi hose ariko ikaba irara mu Rwanda. Ministiri w’Intebe Murekezi yibukije abari bahari kandi ko umunsi mukuru wa Noheli ari uwo gusabana abantu bagasangira n’abantu bose akaba ari n’uwo kwegera Imana.

Yahamije ko abana bato baririmbye muri icyo gitaramo bafite icyerekezo cyiza cy’ejo hazaza cy’amahoro, amajyambere, ibyiringiro n’icy’urukundo mu bantu u Rwanda rufite.

Nizeyimana Alex, Umuyobozi wa Chorale de Kigali yabwiye Imvaho Nshya ko icyo gitaramo bahaye inyito ya « Christmas Carols Concert » kibaye ku nshuro ya kane.

JPEG - 74.4 kb
Igitaramo cya Christmas Carols cyaririmbwemo indirimbo za Noheli.

Yavuze ko kigamije kuririmbira abantu indirimbo zifite indangagaciro zubaka umuntu ariko banabifuriza Noheli nziza.

Igitaramo cya Chorale de Kigali kitabiriwe kandi n’abayobozi batandukanye barimo Umunyamabanga wa Komisiyo y’Igihugu y’Ubumwe n’Ubwiyunge, Fidele Ndayisaba, Guverineri wungirije wa Banki nkuru y’Igihugu Monique Nsanzabaganwa n’abandi.

Nizeyimana yasobanuye ko kuba igitaramo cyabo cyitabiriwe n’abantu benshi byatewe n’uko bashyira Imana imbere y’ibyo bakora, bakagira ibihangano byiza abantu bakunda no kuba bubaha abakunda umuziki wabo.

Chorale de Kigali imaze imyaka 50 ishinzwe. Kuva batangira bamaze kugira Alubumu 12. Abanyamuryango 102 ni bo bagize iyo korali ibarizwa muri Katedarali ya Saint Michel mu mujyi wa Kigali.

 

Comments

 
 
Ras Bambo, umuhanzi uvuga ko azanye impinduka muri Reggae nyarwanda
Ras Bambo, umuhanzi uvuga ko azanye impinduka muri Reggae nyarwanda

Ras Bambo ni umurasita wifuza impinduramatwara muri muzika nyarwanda cyane cyane mu njyana ya Reggae ndetse ngo umunsi umwe yiteze ko abahanzi nyafurika n’abayikomokamo bakora iyi njyana bazunga (...)

Miss Rwanda 2017:  Queen Kalimpinya ari kuza imbere mu matora
Miss Rwanda 2017: Queen Kalimpinya ari kuza imbere mu matora

Abakobwa 15 barimo guhatanira ikamba rya Miss Rwanda 2017 ubu bari mu mwiherero i Nyamata muri Golden Tulip ari nako barushanwa amanota binyuze ku kubatora hifashishijwe ubutumwa bwoherezwa (...)

Umutoni yiyemeje kuzita ku bidukikije aramutse abaye Miss Rwanda 2017
Umutoni yiyemeje kuzita ku bidukikije aramutse abaye Miss Rwanda 2017

Umutoni Pamela, umwe mu bakobwa 15 barimo guhatanira ikamba rya Nyampinga w’u Rwanda 2017 avuga ko niyegukana ikamba rya nyampinga w’uyu mwaka azashishikariza abantu kurushaho kubungabunga (...)

Buravan arimo gukorana indirimbo n’Umunyatanzania AY
Buravan arimo gukorana indirimbo n’Umunyatanzania AY

Burabyo Dushime Yvan ukoresha mu muziki izina rya Yvan Buravan, arimo gusubiranamo indirimbo ye Just a Dance n’umuraperi ukomeye wo muri Tanzaniya witwa AY. Aganira n’Imvaho Nshya, Buravan (...)

Yageneye impano Perezida Kagame amushimira gushyigikira ‘HeForShe’
Yageneye impano Perezida Kagame amushimira gushyigikira ‘HeForShe’

Karemera Yves usanzwe akina akanayobora filime yageneye impano perezida Kagame kubera uruhare yagize mu gushyigikira gahunda ya HeForShe. Ni nyuma yuko umukuru w’igihugu ari mu bagabo ba mbere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.