Advertisement
 
 
 
 
 
 
 
 

Imyidagaduro

Kigali: Uko Dr Ofweneke yazamuwe no gusetsa mu nsengero   

  Yanditswe na NDAMYIROKOYE FRANÇOIS
 5 months ago

 
 

Sande Bush uzwi cyane ku izina rya Dr Ofweneke ukomoka muri Nigeria ariko akaba aba muri Kenya yagaragaje amateka n’inzira y’umusaraba yaciyemo kugira ngo agere ku mwuga wo gusetsa mu nsengero, cyane ko yabitangiye abakirisitu bamuseka.

Dr Ofweneke uri i Kigali muri gahunda ya Groove Awards 2016, yagiranye ikiganiro na Imvaho Nshya ahishura urugendo rutoroshye yanyuzemo kugira ngo agere aho kujya asetsa abakirisitu bakurikiye ijambo ry’Imana.

Umwuga wo gusetsa awumazemo imyaka 16 akaba ari n’umwanditsi w’indirimbo, umushyushyarugamba n’umukinnyi. Ahamya ko yishimira kuba amaze gukuramo iterambere rifatika ririmo inzu nziza, imodoka n’ibindi, kandi akaba asigaye azenguruka ibihugu byitandukanye bya Afurika kubera impano yo gusetsa yifitemo.

JPEG - 257 kb
Umunyarwenya Dr Ofweneke i Kigali

Ubwo yatangiraga gusetsa (comedy) mu nsengero ntabwo babyumvaga, bamwe bakamuseka abandi bakabona ibyo akora bidafututse, ariko ngo ashimira Imana ko kuri ubu yamaze kumenyerwa ndetse n’amatorero menshi y’Abarokore akaba atamuhararukwa.

Yagize ati “Bitewe n’imikorere y’itorero, ntabwo biba byoroshye kuvuga ko umuntu agiye gukora comedy agamije kubasetsa ; gusa burya na Bibiliya ivuga cyane ku byishimo, bageze aho bumva ko ngamije kubashimisha. Mbere byari bigoranye cyane rwose ariko nyuma nishimiye ukuntu natangiye kwishimirwa.”

Dr Ofweneke avuga ko hari n’aho byageze abantu bakajya bamwisabira kubatera urwenya, cyane ko ibyo akora byose nta bihembo aba yiteze mu nyuma kuko ikimushimisha ni ukubona ko ibyo akora bishimisha abandi.

Ati “Ntabwo nshimishwa no kuvuga ngo nahawe ibihembo ahubwo nshimishwa cyane no kubona abo nsetsa bishimiye. Biranshimisha cyane rwose iyo umuntu anyandikiye anshimira, abandi bakampamagara biranshimisha cyane.”

JPEG - 84.1 kb
Uyu munyarwenya ahamya ko gusetsa mu nsengero byamuhiriye

Umwuga we watumye areka gushaka akazi kajyanye n’ibyo yize

Mu rwego rwo guteza imbere umwuga we, Dr Ofweneke yavuze ko muri kaminuza yize ibijyanye n’amategeko ariko ntabwo yigeze akora akazi kajyanye n’ibyo yize ahubwo yahisemo gukora uyu mwuga wo gusetsa kuko yabikundaga cyane.

Yagize ati “Nize ibijyanye n’amategeko mbikora igihe mpita niyemeza gutangira umwuga wo gusetsa kuko nawukundaga cyane.”

Yakomeje agira ati “Abashaka gukora umwuga nk’uwo nkora nababwira ko ari umwuga mwiza. Ni umwuga usaba kuwukunda ukawukorana umuhate kugira ngo ugere kuri byinshi”. Ofweneke avuga kandi ko ushaka gukora uwo mwuga biba byiza iyo aciye mu nzira zitandukanye akazagera ku rwego rwiza aciye akenge bihagije bitameze nk’aho byamugwiririye.

Yakuriye ingoferoumuziki uhimbaza Imana mu Rwanda

Ubwo hatangwaga ibihembo bya Groove Awards Rwanda 2016, Dr Ofweneke ni we wari umusangiza w’amagambo asetsa abantu cyane. Amaze kuza mu Rwanda inshuro eshatu mu bikorwa bya Groove Awards.

Akurikije ukuntu yabonye umuziki wa gikirisitu mu Rwanda, yavuze ko ari umuziki utuje, uhimbaza ngo bitandukanye cyane n’umuziki wo muri Kenya wo kuramya aho asigaye atuye.

Reba Dr. Ofweneke muri Uganda

 

Comments

 
 
Uwayezu Jean Thierry afite inzozi zo kwagura muzika nyarwanda
Uwayezu Jean Thierry afite inzozi zo kwagura muzika nyarwanda

Umuhanzi w’umunyarwanda Uwayezu Jean Thierry, aravuga ko afite inzozi zo kwagura umuziki nyarwanda ukagera ku rwego mpuzamahanga, akaba ari yo mpamvu yagiye gukarishya ubwenge mu bijyanye na (...)

Abahanzi Nyarwanda bishimiye Diamond Platnumz ugiye kubafasha gucuruza umuziki
Abahanzi Nyarwanda bishimiye Diamond Platnumz ugiye kubafasha gucuruza umuziki

Bamwe mu bahanzi Nyarwanda bishimiye igitekerezo cy’umuhanzi Diamond Platnumz ugiye gutangiza mu Rwanda ibikorwa bijyanye no kubafasha gucuruza umuziki wabo. Bamwe mu baganiriye na Imvaho Nshya, (...)

Ras Bambo, umuhanzi uvuga ko azanye impinduka muri Reggae nyarwanda
Ras Bambo, umuhanzi uvuga ko azanye impinduka muri Reggae nyarwanda

Ras Bambo ni umurasita wifuza impinduramatwara muri muzika nyarwanda cyane cyane mu njyana ya Reggae ndetse ngo umunsi umwe yiteze ko abahanzi nyafurika n’abayikomokamo bakora iyi njyana bazunga (...)

Miss Rwanda 2017:  Queen Kalimpinya ari kuza imbere mu matora
Miss Rwanda 2017: Queen Kalimpinya ari kuza imbere mu matora

Abakobwa 15 barimo guhatanira ikamba rya Miss Rwanda 2017 ubu bari mu mwiherero i Nyamata muri Golden Tulip ari nako barushanwa amanota binyuze ku kubatora hifashishijwe ubutumwa bwoherezwa (...)

Umutoni yiyemeje kuzita ku bidukikije aramutse abaye Miss Rwanda 2017
Umutoni yiyemeje kuzita ku bidukikije aramutse abaye Miss Rwanda 2017

Umutoni Pamela, umwe mu bakobwa 15 barimo guhatanira ikamba rya Nyampinga w’u Rwanda 2017 avuga ko niyegukana ikamba rya nyampinga w’uyu mwaka azashishikariza abantu kurushaho kubungabunga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.